Zɛfinaya 3:6 - Krio Fɔs Oli Baybul

⁶ PAPA GƆD se pan ɔl we i dɔn dɔnawe wit dɛn neshɔn dɛn, ɛn nyamanyama dɛn siti, dɛn traŋa os ɛn wɔl dɛn. I dɔn mek dɛn trit dɛn fiba ples we nɔ fɔ pas, i dɔn mek di siti dɛn nɔ fit fɔ natin ɛn nɔ ivin lɛf wan pɔsin insay de.

Zɛfinaya 3:6 Referans Kwoze

1 Kɔrint 10:6

Ɔl dɛn tin ya na fɔ sho wi se wi nɔ fɔ want fɔ du dɛn bad tin, lɛkɛ dɛn pipul ya we a dɔn tɔk bɔt.

1 Kɔrint 10:11

Ɔl dɛn tin ya bi fɔ mek ɔda pipul si wetin go bi to dɛn, if dɛnsɛf du dɛn sem tin ya; ɛn dɛn rayt dɛn dɔŋ fɔ wi fɔ mek wi tek tɛm. Dis tɛm ya we wi dɔn liv fɔ si nɔ fa frɔm di tɛm we ɔltin na wɔl go dɔn.

Zɛfinaya 2:5

Dɛn wan we tap nia watasay, alaki - dat na dɛn Filistin dɛn. PAPA GƆD dɔn tɔk se i go nyamanyama una ɛn nɔbɔdi nɔ go lɛf.

Zɛkaraya 7:14

I se in go mek dɛn skata lɛk we tinada de blo go usay dɛn nɔ no bɔt dɛn. Na so di land we dɛn lɛf tek ɛmti. Da fayn fayn ples de ɛmti so.

Ayzaya 37:36

Da sem nɛt de, PAPA GƆD in enjɛl go na di Asirian dɛn kamp ɛn kil wan ɔndrɛd ɛn eti-fayv tawzin man dɛm. Wɛn pipul dɛn wek na mɔnin, na soso dedebɔdi dɛn si.

Lɛvitikɔs 26:31

I go pwɛl dɛn siti dɛn kpatakpata ɛn ɔl di ples dɛn we dɛn kin go wɔship nɔ go fit fɔ go igen ɛn ivin di smɛl we go de kɔmɔt pan dɛn sakrifays dɛn nɔ go mek i gladi.

Matyu 23:38

Gɔd dɔn lɛf di ples we una de, gi una; nɔbɔdi nɔ de na di ples.

Ayzaya 6:11

Nain a tɔk se, “E PAPA GƆD aw lɔŋ?” Nain I se, “sote di siti dɛn ɔl lɛf ɛmti ɛn pɔsin dɛn nɔ tap de, ɛn nɔbɔdi nɔ tap na di os dɛm, ɛn nɔbɔdi nɔ tap na di land,

Ayzaya 14:26

Na di tin dis we a dɔn mekɔp fɔ du fɔ di wanol wɔl; ɛn na di an di we de ɔl oba di neshɔn dɛn.

Jɛrimaya 9:12

Udat na di man we so gɛt sɛns dat i kin ɔndastand dɛn tin ya? Udat PAPA GƆD tɔk to we go tɛl di ɔda pipul dɛm? Wetindu ɔltin na di land broko broko ɛn lɛf yuslɛs, lɛk di dray ɛn ɛmti ples, we mek pipul dɛn nɔ de pas de?

Jɔshwa 23:4

Jɔshwa se in dɔn sheb di land we kɔmɔt Riva Jɔdan na di ist go rich na di Mɛditarenian Si na di wɛst. I se in gi dɛn di land dɛn we in bin de bifo fɔ go kapchɔ bɔt mɔ land dɛn de fɔ kapchɔ.