Zɛfinaya 3:5 - Krio Fɔs Oli Baybul

⁵ PAPA GƆD in de du tin tret wan ɔltɛm, i nɔ de du natin rɔŋ; ɛvride i nɔ de taya fɔ sho se i de du tin fia wan. Bɔt usay! Di pipul dɛn nɔ de chenj. Dɛn nɔ gɛt shem. Dɛn stil de du bad.

Zɛfinaya 3:5 Referans Kwoze

Ditarɔnɔmi 32:4

Na PAPA GƆD de fɛt fɔ dɛn ɛn i nɔ de mek mistek, I nɔ bɛn-bɛn pan ɛnitin we i de du. Na fethful Gɔd, ɛn i nɔ de lay Natin we i de du nɔ gɛt wan bɛn bɛn.

Lamɛnteshɔn 3:23

ɛvri mɔnin na nyu wan i de gɛt fɔ wi; in tret waka we i de waka in kayn nɔ de.

Di Sam Dɛm 145:17

PAPA GƆD nɔ miks pan bɛnbɛn ɛn i gud pan ɔl wetin i de du.

Zɛfinaya 3:15

PAPA GƆD dɔn pul di nambara we fɔ mit una I dɔn dil wit una ɛnimi dɛn PAPA GƆD we na Kiŋ fɔ Izrɛl de wit una; una nɔ gɛt natin fɔ fred igen

Ayzaya 28:19

Ɛnitɛm we i pas de, i go mɔna una; bikɔs i go pas de ɛvri mɔnin, de ɛn nɛt; una mɔs fred bad bad, we una ɔndastand di mɛsej.

Zɛfinaya 3:17

PAPA GƆD de wit una; na sojaman so i mɔs mek una win. Dat go mek in at swit, dɔn, bikɔs i lɛk una, i go mek layf tan lɛk wetin i bin bi fɔs. Na una go mek i siŋ bikɔs in at gladi,

Ayzaya 12:6

Una siŋ lawd lawd wan wit gladi gladi, una we tap na Zayɔn, bikɔs di Oli Wan na Izrɛl we tap wit una, gɛt big rɛspɛkt.”

Ditarɔnɔmi 23:14

I tɛl dɛn se di kamp nɔ fɔ gɛt natin we go mek i nɔ klin na PAPA GƆD in yay, bikɔs PAPA GƆD we na dɛn PAPA GƆD go de wit dɛn ɔltɛm, fɔ de sev dɛn ɛn fɔ mek dɛn ebul fɔ de bit dɛn ɛnimi dɛn. So dɛn nɔ fɔ mek i si ɛnitin we go mek i vɛks kɔmɔt biɛn dɛn.

Pita In Fɔs Lɛta 1:17

Wɛn una de pre ɛn una se, “Papa,” una de kɔl Gɔd, we de jɔj ɔlman di sem we, bay di wok we ɔlman de du, so ɔl di tɛm we lɛf fɔ una na dis wɔl, una fɔ ɔna am, pan ɔl wetin una de du.

Lɛta Fɔ Rom 3:26

bɔt naw fɔ sho se in de du wetin rayt ɔltɛm, i de pɔnish mɔtalman fɔ in sin dɛn ɛn i de mek ɔltin rayt bitwin in ɛn ɔlman we biliv pan Krays.

Zɛkaraya 2:5

PAPA GƆD se in PAPA GƆD de ɔlsay ɛn i go de de fɔ sikyɔ am.

Di Sam Dɛm 37:6

I go lɛ ɔlman si gbaragbara wan aw yu gud so ɔlman go no se yu nɔ de fɛt fɔ natin.

Job 34:10

“So una lisin mi, una we na man dɛn we sabi buk, rɔb yu mɔt na grɔn bifo yu se PAPA GƆD go du bad, ɛn rɔb yu mɔt na grɔn bifo yu se di Ɔlmayti go du rɔŋ tin.

1 Kɔrint 4:5

So una nɔ fɔ jɔj ɛnibɔdi bifo di rayt tɛm rich, dat na bifo di Masta kam. Dɛn tin we de na dak naw go kam na layt wande ɛn di Masta go mek ɔlman no wetin pipul bin de mekɔp na dɛn at fɔ du. Da tɛm de Gɔd go prez ɔl dɛn wan we fɔ gɛt prez.

Lɛta Fɔ Rom 2:5

Bɔt una traŋayes ɛn una at traŋa, na dat mek Gɔd go pɔnish una mɔ di de we i go sho aw i vɛks pan mɔtalman ɛn we i go jɔj dɛn lɛkɛ aw i fɔ jɔj dɛn.

Lyuk 12:2

Natin nɔ de we ayd naw we nɔ go kɔmɔt na do ɛn natin nɔ de we na sikrit we pɔsin nɔ go no.

Zɛfinaya 2:1

I se dɛn nɔ gɛt shem, dɛn fɔ kapu sɛns ɛn kam ripɛnt

Abakɔk 1:3

Ɔ na wes a de westɛm se trɔbul de we yu de mek se yu nɔ no? Ɔltin dɔn tɔnoba na di ples. Na soso fɛt ɛn plaba de ɔlsay.

Mayka 7:9

Na fɔ bia wetin PAPA GƆD gɛt fɔ du bikɔs dɛn dɔn sin to am. I go fɛt fɔ dɛn ɛn mek ɔl udat fɔ gɛt rayt gɛt rayt. Dɔn i go mek ɔlman si wetin i du we i go sev dɛn.

Mayka 3:11

Di big wan dɛn we de bifo de tek brayb, di man dɛn we de mek sakrifays fɔ pipul sin de tek mɔni fɔs bifo dɛn du dɛn wok dɔn di prɔfɛt dɛn de tek pe bifo dɛn tɛl yu PAPA GƆD in mɛsej. Na ɔl dɛn bad tin ya dɛn de du bɔt dɛn de blɔf se PAPA GƆD de wit dɛn so natin nɔ go du dɛn.

Izikɛl 48:35

Di distans rawnd di siti go bi nayn kilomita. Ɛn di siti in nem, frɔm naw te go, go bi, PAPA GƆD de de.”

Jɛrimaya 21:12

Yu Devid in os! Na dis PAPA GƆD se: “kɛri awt jɔstis na mɔnin, ɛn sev pipul dɛn kɔmɔt na di wan dɛn we de sɔprɛs dɛm, dɛn an, in we dɛn dɔn tif, if nɔ so, mi vɛksteshɔn go mit dɛm lɛk faya, ɛn bɔn, we nɔbɔdi nɔ go ebul ɔt am, fɔseka di ivul tin dɛm we una de du.’”

Jɛrimaya 8:12

Dɛn bin shem wɛn bin de du di tin dɛn we a nɔ lɛk? Nɔ, dɛn nɔ bin shem at ɔl; dɛn nɔ bin no aw fɔ mɛlt. Fɔseka dat, dɛn go day wit dɛn wan dɛm we go day; wɛn a pɔnish dɛm, a go ib dɛm oba. Na so PAPA GƆD se.

Jɛrimaya 6:15

Dɛn bin de shem we dɛn bin de du dɛn bad bad tin dɛn we a nɔ lɛk? Nɔ, dɛn nɔ bin de shem; dɛn nɔ bin no aw fɔ shem. Fɔseka dat, dɛn go day wit dɛn wan dɛn we go day; na di tɛm we a go pɔnish dɛm dɛn yon go dɔn,” na so PAPA GƆD se.

Jɛrimaya 3:3

Fɔseka dat, wan ren nɔ de kam, ren nɔ de kam ren sizin; pan ɔl dat yu stil yu gɛt rare gyal fɔrɛd, yu nɔ gri shem.

Ayzaya 50:4

Papa Gɔd we na Gɔd dɔn mek a sabi tɔk lɛk dɛn wan we dɛn tich, so dat a go no aw a go tɔk fɔ kɔrej pɔsin we dɔn fɛdɔp. Ɛvri mɔnin, i de wek, I de wek mi yes fɔ lisin lɛk di wan dɛn we dɛn tich.

Ayzaya 45:21

Tɔk ɛn put una kes; lɛ dɛn ɛŋed togɛda! Udat bin tɔk dis lɔntɛm? Udat bin anawns am frɔm di biginin? Nɔto bin Mi, PAPA GƆD? Ɛn nɔn ɔda Gɔd nɔ de apat frɔm mi, Gɔd we de waka tret ɛn we de sev; nɔn ɔda wan nɔ de apat frɔm mi.

Ayzaya 33:2

Duya PAPA GƆD, sɔri fɔ wi. Wi de wet fɔ yu. Bi wi sɔpɔt ɛvri mɔnin, bi wi salveshɔn we trɔbul mit wi.

Job 8:3

PAPA GƆD nɔ miks pan bɛnbɛn ɛn in we na PAPA GƆD Ɔlmayti, nɔ de rɔb Pita fɔ pe Pɔl.

Jɛnɛsis 18:25

A no se yu nɔ go du dat. Yu nɔ tan so! Yu nɔ go mek udat du rɔŋ ɛn udat du rayt gɛt di sem pɔnishmɛnt. Yu we na jɔj fɔ di wanol wɔl go jɔj tret wan.”

Zɛkaraya 9:9

I se, di pipul na Zayɔn fɔ gladi bad. Di wan dɛn na Jerusɛlɛm fɔ ala big big wan bikɔs dɛn kiŋ de kam mit dɛn. Pan ɔl we i dɔn win batul dɛn, na ɔdinari dɔŋki i de rayd pan, di bebi wan lɛk se in nɔto natin.

Job 7:18

we mek yu de wach wetin i de du na mɔnin, ɛn tɛst am ɔl tɛm.

Di Sam Dɛm 92:15

Ɔl dis go sho se PAPA GƆD nɔ miks pan bɛnbɛn; nain de kɔba mi ɛn i nɔ de du bad.

Izikɛl 18:25

Pan ɔl dat una de se, ‘Di we we PAPA GƆD de du tin nɔ rayt’. Izrɛl, una lisin o; di we we a de du tin nɔ rayt? Nɔto di we we una de du tin nɔ rayt?

Ozie 14:9

Udat gɛt sɛns fɔ ɔndastand dɛn tin ya; udat ebul fɔ no wetin i min, lɛ i no; bikɔs PAPA GƆD de du wetin rayt ɛn pipul dɛn we rɛspɛkt PAPA GƆD de du wetin i se bɔt udat nɔ du wetin i se go ambɔg.

Zɛfinaya 3:13

Di wan dɛn we go lɛf na Izrɛl go bi wan dɛn we nɔ go de ambɔg; dɛn nɔ go de lay, ɛn dɛn nɔ go miks pan rikishi. Dɛn nɔ go gɛt wan yagba ɛn so dɛn nɔ go fred nɔbɔdi.

Ozie 6:5

Dat mek i sɛn prɔfɛt dɛn fɔ tɔk se in dɔn rɛdi fɔ tek di wɔd dɛn we de kɔmɔt nain mɔt jɔj dɛn. I se natin nɔ gɛt fɔ tap in jɔjmɛnt bikɔs i tan lɛk we nɛt de fala de.