Zɛfinaya 3:4 - Krio Fɔs Oli Baybul

⁴ In prɔfɛt dɛn fulish, na man dɛn we nɔ de waka tret wit PAPA GƆD; di man dɛn we de mek sakrifays fɔ pipul sin de dɔti wetin klin na PAPA GƆD yay, ɛn nɔ de rɛspɛkt di lɔ.

Zɛfinaya 3:4 Referans Kwoze

Izikɛl 22:26

Di man dɛn we de mek sakrifays fɔ pipul sin dɔn trit mi lɔ dɛn wit fityay, ɛn nɔ gɛt rɛspɛkt fɔ mi oli tin dɛm. Dɛn nɔ gɛt nɔn difrɛn bitwin wetin oli ɛn wetin na ɔl man yon, ɛn na so dɛn nɔ tich pipul wetin difrɛn pan wetin klin ɛn wetin nɔ klin, dɔn, dɛn nɔ de tek mi de fɔ blo ɛn rɛst mek natin, we min se dɛn nɔ rɛspɛkt mi.

Malakay 2:8

I se bɔt di man dɛn we de mek sakrifays fɔ pipul sin, dɔn lɛf wetin dɛn fɔ du, dɛn dɔn lɛ pipul dɛn rɔŋ PAPA GƆD wit dɛn advays, ɛn dɔn nɔnsɛns di Kɔvinant we Livay bin mek.

Ozie 9:7

Izrɛl go no fɔ tru tru se di tɛm dɔn rich we dɛn fɔ pe fɔ ɔl wetin dɛn dɔn du. Dɛn mek PAPA GƆD in prɔfɛt dɛn ful ɛn dɛn ɔda man dɛn we de nia PAPA GƆD, dɛn mek dɛn fiba fulman bikɔs di pipul pasmak pan dɛn sin.

Lamɛnteshɔn 2:14

Yu prɔfɛt dɛn dɔn si laylay vishɔn dɛn fɔ yu; dɛn nɔ bin tɔk bɔt di bad we yu bin de du so dat yu go gɛda yusɛf bɔt dɛn dɔn si dɛbul dɛn fɔ yu we na laylay ɛn kin mek yu du di rɔŋ tin.

Jɛrimaya 5:31

di Prɔfɛt dɛm de gi laylay prɔfisi, ɛn dɛn man dɛm we de mek sakrifays fɔ pipul sin, de du wetin dɛn fil; na dat mi pipul dɛn lɛk lɛ de bi, bɔt wetin una go du we di ɛnd go kam?

Ayzaya 9:15

di ɛlda ɛn di man we dɛn rɛspɛkt na di ed, ɛn di prɔfɛt we de tich di pipul dɛn fɔ lay, na di tel;

Rɛvɛleshɔn 19:20

Dɛn kech di wayl bif ɛn di pɔsin we bin de lay se na Gɔd in mɛsej i de tɔk, ɛn we bin de du dɛn tin we bin de mek pipul wɔnda bifo di wayl bif. Na dɛn tin de i bin de tek mek dɛn pipul ful we bin gɛt di wayl bif in mak pan dɛn ɛn we bin de pre to di tin we dɛn mek fɔ tek de mɛmba ɛn rɛspɛkt am. Dɛn trowe di wayl bif ɛn di layman layf wan insay di wata we faya de kech ɛn sɔlfa de bɔn.

Jɔn In Fɔs Lɛta 4:1

Mi padi dɛn we a lɛk, nɔto ɔl spirit una fɔ biliv, bɔt una fɔ tray di spirit dɛn fɔ no if na to Gɔd dɛn kɔmɔt, bikɔs plɛnti lay prɔfɛt dɛn dɔn kam na di wɔl.

2 Kɔrint 11:13

Dɛn apɔsul de nɔto tru apɔsul; na lay dɛn de lay bɔt dɛn wok, dɛn jɛs de mek lɛkɛ se dɛn na Krays in tru apɔsul dɛn.

Matyu 7:15

“Una tek tɛm wit dɛn prɔfɛt we nɔ de tɔk tru; wɛn una luk dɛn, dɛn tan lɛkɛ ship, bɔt insay dɛn at, dɛn tan lɛkɛ wulf we wayl bad bad.

Mayka 2:11

Mayka se na pɔsin we de lay gi dɛn, nain dɛn want. I se if di pɔsin kam prich se dɛn go gɛt bɔku wayn ɛn rɔm fɔ drink, na da tɛm de dɛn go gladi fɔ lisin we i de tɔk.

Jɛrimaya 23:32

PAPA GƆD se, a de agens dɛn wan dɛm we de prɔfisay wit lay lay drim, we de lay gi dɛm ɛn mek mi pipul dɛn go astre bay dɛn lay lay ɛn dɛn rɛklɛsnɛs, we a nɔ sɛn dɛm ɔ nɔ pik dɛm; we yu luk am, dɛn nɔ de ɛp dɛn pipul dɛn ya at ɔl.

Jɛrimaya 8:10

Fɔseka dat, a go gi dɛn wɛf dɛm to ɔda man dɛn ɛn dɛn fam dɛm to di wan dɛn we go win dɛm, bikɔs, frɔm di lili wan to di big wan, ɔlman awn awn fɔ tif tif prɔpati; frɔm di prɔfɛt to di man we de mek sakrifays fɔ pipul sin, ɔlman de pan rikishi.

1 Samiɛl 2:22

Ilaɛl bin dɔn tɔn olpa bɔt i bin de yɛri bɔt ɔl wetin in bɔypikin dɛn de du to di Izrɛlayt dɛn ɛn aw dɛn bin ivin de gɛt biznɛs wit di uman dɛn we bin de fɔ de wok na di Tɛnt usay dɛn kin mit PAPA GƆD in domɔt.

Di Jɔj Dɛm 9:4

Di pipul dɛn gi am sɛvinti silva kɔpɔ we dɛn pul na Baal ɔf di Kɔvinant in os, we i tek pe rareman dɛn fɔ de wit am.

Jɛrimaya 34:19

dat na di bigman dɛm na Juda, di bigman dɛm na Jerusɛlɛm, di Okobo dɛm, di man dɛm we de mek sakrifays fɔ pipul sin, ɛn ɔl di pipul dɛm na di land we bin pas midul di ship pikin we una bin sheb tu;

Izikɛl 44:23

Dɛn go tich mi pipul wetin difrɛn bitwin wetin oli ɛn wetin kɔmɔn, ɛn sho dɛm aw dɛn fɔ no wetin klin ɛn wetin nɔ klin.

Malakay 1:6

I se bɔypikin kin rɛspɛkt in papa dɔn bɔy de rɛspɛkt in masta. I se, so, if dɛn de se in na papa, usay in yon rɛspɛkt de; ɛn if in na masta, usay in rɛspɛkt we i fɔ gɛt go. PAPA GƆD Ɔlmayti se, di man dɛn we de mek sakrifays fɔ pipul sin nɔ gɛt wan rɛspɛkt fɔ am ɛn dɛn nɔ bisin sɛf bɔt in nem.

Malakay 2:7

PAPA GƆD Ɔlmayti se, man we de mek sakrifays fɔ pipul sin fɔ de tɔk tin we go gi pipul sɛns, ɛn pipul fɔ de go to am fɔ advays.

Izikɛl 22:6

Biliv mi, di Izrɛl bigman dɛm we tap insay yu, bikɔs ɔf dɛn pawa, de shɛd blɔd.

Mayka 3:11

Di big wan dɛn we de bifo de tek brayb, di man dɛn we de mek sakrifays fɔ pipul sin de tek mɔni fɔs bifo dɛn du dɛn wok dɔn di prɔfɛt dɛn de tek pe bifo dɛn tɛl yu PAPA GƆD in mɛsej. Na ɔl dɛn bad tin ya dɛn de du bɔt dɛn de blɔf se PAPA GƆD de wit dɛn so natin nɔ go du dɛn.