Zɛfinaya 3:11 - Krio Fɔs Oli Baybul

¹¹ I se, da tɛm de dɛn nɔ go gɛt fɔ shem fɔ we dɛn bin mek lɛk rebɛl pan am, bikɔs in go pul ɔl di wan dɛn we bin de kak kɔmɔt midul dɛn. Dɔn di ɔda wan dɛn nɔ go gɛt chans fɔ de kak, bikɔs dɛn go de nain oli mawnten.

Zɛfinaya 3:11 Referans Kwoze

Ayzaya 54:4

“Nɔ fred, bikɔs yu nɔ go shem; nɔ kɔnfyus yusɛf, bikɔs nɔbɔdi nɔ go mek yu shem; bikɔs yu go fɔgɛt di shem we mit yu we yu bin yɔŋ, ɛn yu nɔ go mɛmba di tɔk we dɛn tɔk bɔt yu we yu man bin day, igen

Ayzaya 11:9

Natin nɔ go ambɔg ɔ pwɛl ɛnisay na mi oli mawnten; bikɔs di wɔl go no bɔt PAPA GƆD bɛtɛ bɛtɛ wan, lɛk we si ful.

Ayzaya 61:7

Bifo una shem, na dɔbul blɛsin una go gɛt, Bifo una disgres, na gladi una go jɛs de gladi; gladi pan wetin na dɛn yon; fɔseka dat, na dɔbul blɛsin una go gɛt na una land ɛn una gladi go de sote go.

Pita In Fɔs Lɛta 2:6

Dɛn rayt na Gɔd in Buk se, Gɔd se, “A dɔn pik wan gud gud ston we go bi di ston we impɔtant pas ɔl ɛn a go put am na da tɔŋ we dɛn kɔl Zayɔn; da ston de na di Masta; ɛnibɔdi we biliv pan am nɔ go disapɔynt.”

Lɛta Fɔ Rom 9:33

Na dat dɛn rayt bɔt na Gɔd in Buk we dɛn se: “Una yɛri wetin a de tɛl una, a dɔn put ston na Zayɔn we go mek pipul bɔk dɛn fut, na di ston dat we go mek pipul fɔdɔm. Bɔt ɛnibɔdi we biliv pan am nɔ go disapɔynt.”

Matyu 3:9

Una nɔ fɔ fil se, we Ebraam na una grampapa papa dat go mek Gɔd nɔ pɔnish una. A de tɛl una se Gɔd kin tek dɛn ston ya sɛf tɔn dɛn to Ebraam in grampikin pikin dɛm!

Daniɛl 9:16

Duya PAPA GƆD, fɔseka ɔl di tret waka we yu de waka, lɛ yu wamat ɛn yu pɔnishmɛnt nɔ kam pan Jerusɛlɛm we na siti we na yu oli il; fɔseka wi sin dɛn ɛn di bad tin dɛn we wi papa dɛn dɔn du, Jerusɛlɛm ɛn yu pipul dɛn tɔn tin fɔ laf, to di pipul dɛn we de rawnd wi.

Jɛrimaya 7:4

Una nɔ abop pan dɛn wɔd dɛn ya we dɛn de tek mek una fil se na tru tin dɛn de du: ‘Dis na PAPA GƆD in Tɛmpul, PAPA GƆD in tɛmpul, PAPA GƆD in tɛmpul.’

Ayzaya 45:17

Bɔt PAPA GƆD sev Izrɛl wit salveshɔn we de so te go, dɛn nɔ go mek una shem ɔ kɔnfyus una fɔ ɛva ɛn ɛva.

Lɛta Fɔ Rom 2:17

As fɔ una we na Ju: una kɔl unasɛf Ju pipul; una abop pan di Lɔ, ɛn una de bost se una na di pipul we Gɔd dɔn pik.

Mayka 3:11

Di big wan dɛn we de bifo de tek brayb, di man dɛn we de mek sakrifays fɔ pipul sin de tek mɔni fɔs bifo dɛn du dɛn wok dɔn di prɔfɛt dɛn de tek pe bifo dɛn tɛl yu PAPA GƆD in mɛsej. Na ɔl dɛn bad tin ya dɛn de du bɔt dɛn de blɔf se PAPA GƆD de wit dɛn so natin nɔ go du dɛn.

Daniɛl 9:20

We a bin de tɔk ɛn pre, de beg PAPA GƆD fɔ mi ɛn mi pipul dɛm we na Izrɛl, dɛn sin, ɛn bin de put mi kes bifo PAPA GƆD we na mi Gɔd fɔseka mi Gɔd in oli il;

Izikɛl 24:21

‘Tɛl di Izrɛlayt dɛn se na dis Papa Gɔd we na Gɔd se: una lisin; a nɔ go rɛspɛkt mi ples we una de pre to mi igen, we na de una prayd in pawa de, we de mek una yay dɛn gladi ɛn we de mek una sol want am bad bad; ɛn na wa una bɔy ɛn gyal pikin dɛm we una lɛf biɛn, go day.

Di Sam Dɛm 49:5

Wetin mek a fɔ skyad we tin traŋa ɛn i tan lɛkɛ se di wan dɛn we de mek tufes de buli mi?

Di Nɔmba Dɛm 16:3

Dɛn ɔl mek wanwɔd ɛn nɔ gri wit wetin Mozis ɛn Erɔn se. Dɛn tɛl Mozis ɛn Erɔn se dɛn dɔn pasmak. Dɛn se ɔlman na Izrɛl oli ɛn PAPA GƆD de wit dɛnsɛf so wetin mek Mozis ɛn Erɔn fɔ de mek lɛk se dɛn bɛtɛ pas di ɔda pipul dɛn na PAPA GƆD in yay.

Di Sam Dɛm 59:12

Mek di sem wɔd we bin de kɔmɔt na dɛn mɔt trap dɛn; lɛ di big tɔk we dɛn bin de tɔk bi dɛn trap. Fɔ ɔl di kɔs ɛn swɛ ɛn bad tɔk we dɛn bin de tɔk,

Di Sam Dɛm 131:1

PAPA GƆD, mi nɔto pɔsin we de kak, ɛn a nɔ tink tu mɔch ɔf misɛf; natin nɔ ful mi yay, ɛn a nɔ de put misɛf usay a nɔ rich.

Ayzaya 2:12

PAPA GƆD Ɔlmayti gɛt in yon de fɔ dil wit ɔl dɛn prawd wan dɛn ɛn dɛn wan we tink tumɔs bɔt dɛnsɛf, ɛn ɔl di wan dɛn we de es dɛnsɛf ɔp ɛn de kak;

Ayzaya 5:15

Mɔtalman dɛn de butu dɛn ed ɛn dɛn blɔf dɔn dɔn, ɛn di prawd pipul dɛn yay dɔn kan dɔŋ.

Ayzaya 56:7

na dɛn a go briŋ kam na mi oli mawnten, ɛn mek dɛn jɔli na mi os we na fɔ pre; a go gri fɔ dɛn sakrifays dɛn we dɛn de bɔn na faya, ɛn dɛn ɔda sakrifays dɛn, na mi ɔlta; bikɔs mi os go bi, os fɔ pre fɔ ɔlman na wɔl.

Jɛrimaya 13:9

Na dis PAPA GƆD se: na semweso a go pwɛl Juda in prawd we i de mek ɛn di tin we mek Jerusɛlɛm de kak.

Izikɛl 20:40

“Bikɔs na pan mi oli mawnten, pantap di ay mawnten na Izrɛl, na de di wanol Izrɛl, dɛn ɔl, go wɔship mi na di land; na de a go gri fɔ dɛm, ɛn aks fɔ una kɔntribyushɔn dɛm paopa, ɛn di bɛst wan dɛn pan una prɛzɛnt dɛn, ɛn ɔl una oli ɔfrin dɛm.