Zɛfinaya 3:10 - Krio Fɔs Oli Baybul

¹⁰ Ɔl di pipul we dɔn skata te rich Ithiopia go kam to am ɛn mek sakrifays to am.

Zɛfinaya 3:10 Referans Kwoze

Ayzaya 11:11

Da de de, PAPA GƆD go ɛp sɛkɛn tɛm fɔ briŋ di balans pan in pipul dɛn we bin lɛf, kɔmɔt Asiria, Ijipt, Patrɔs, Itiopia, Ilam, Babilonia, Emat ɛn di land dɛn we de na di kost.

Di Sam Dɛm 68:31

Di gɔvmɛnt go sɛn pipul frɔm Ijipt; ɛn di pipul na Ithiopia go ɔri fɔ butu es dɛn an ɛn pre to PAPA GƆD.

Ayzaya 18:1

E, land we dɛn bɔd dɛn wiŋ de mek sawnd ɔltɛm, we de oba di riva dɛn na Itiopia;

Pita In Fɔs Lɛta 1:1

Mi Pita, we na Krays in apɔsul, de rayt to una we Gɔd dɔn pik, we skata ɔlɔbɔt na Pɔnchɔs, Galeshya, Kapadoshia, Eshya ɛn Bitinya, we de lɛkɛ trenja na ɔl dɛn kɔntri ya.

Apɔsul Dɛn Wok 24:17

“Afta sɔm ia bin dɔn pas we a nɔ go Jerusɛlɛm, a bin go de fɔ kɛr sɔm mɔni we dɛn gi mi fɔ gi mi Ju pipul dɛn ɛn fɔ mek sakrifays to Gɔd.

Apɔsul Dɛn Wok 8:27

So Filip grap ɛn go na di ples we Gɔd tɛl am fɔ go. Da sem tɛm de, wan bigman we kɔmɔt Itio pia bin de pas na di sem rod, i bin de go nain os. Di Itio pia man na bin di bigman fɔ dɛn pipul we de luk di Itio pia kwin in prɔpati dɛn. I bin kɔmɔt pre na Jerusɛlɛm ɛn i bin de go Itio pia bak; i bin sidɔm nain chariɔt.

Malakay 1:11

PAPA GƆD Ɔlmayti se, frɔm we san grap na mɔnin te di tɛm we i de go dɔŋ, nain in nem big to ɔl di neshɔn dɛn na wɔl ɛn ɔlsay we dɛn de mek sakrifays to am, nɔ kin bi bamfa wan bikɔs ɔl di neshɔn dɛn na wɔl no se in na big PAPA GƆD.

Ayzaya 18:7

Da tɛm de, dɛn go briŋ prɛzɛnt dɛn to PAPA GƆD Ɔlmayti frɔm di pipul dɛn we gɛt ayt ɛn dɛn bɔdi smut, pipul dɛn we dɛn de fred ɔlɔbɔt, neshɔn we pawaful ɛn de kɔnka ɔlsay, we na riva dɛn divayd dɛn kɔntri, na Mawnt Zayɔn, di ples we PAPA GƆD Ɔlmayti in nem de.

Jɔn 7:35

Di Ju bigman dɛn bigin tɔk to dɛn kɔmpin, dɛn se, “Usay dis man de go we wi nɔ go si am? Fɔ se i go go na dɛn ɔda tɔŋ we dɛn pipul we nɔto Ju de, ɛn lan dɛn?

Ayzaya 11:12

I go gi di neshɔn dɛm sayn, ɛn i go gɛda di Izrɛlayt dɛn we bin de na ɔda neshɔn dɛn, ɛn gɛda Juda in pipul dɛn we skata, kɔmɔt ɔlsay na di wɔl.