Zɛfinaya 2:9 - Krio Fɔs Oli Baybul

⁹ I se, wans in PAPA GƆD, we na Izrɛl dɛn PAPA GƆD, nɔ de day, in go mɔs mek Moab tan lɛk Sɔdɔm, dɔn i go mek di Amonayt dɛn lɛk Gomɔra. Di ples go gɛt soso chukchuk ɛn i go dray arara. I nɔ go fit fɔ natin. Di balans pipul dɛn we na PAPA GƆD yon, we nɔ bin day go wutuwutu dɛn ɛn tek dɛn yon land na dɛn an.

Zɛfinaya 2:9 Referans Kwoze

Ayzaya 11:14

Dɛn go atak di Filistin dɛn we tap na di wɛst, lɛk we bɔd de flay kan dɔŋ wit spid, ɛn dɛn go jɔyn an fɔ tif ɔl wetin di pipul dɛn na di ist gɛt. Dɛn go fɛt Idɔm ɛn Moab ɛn di Amonayt dɛn go obe dɛn.

Ditarɔnɔmi 29:23

we sɔlfa ɛn sɔl go mek di ples dɛn we dɛn fɔ plant nɔ gud fɔ plant. I go tan lɛkɛ Sɔdɔm ɛn Gɔmɔra, ɛn lɛkɛ Adma ɛn Zɛboli we PAPA GƆD bin bɔn we i bin vɛks bad bad wan.

Ayzaya 25:10

Bikɔs PAPA GƆD in an go rɛst pan dis mawnten ɛn i go mas Moab usay i de, lɛk we dɛn de mas mas dray gras na dɔŋ pit.

Jɛrimaya 50:40

PAPA GƆD se lɛk we i nyakanyaka Sɔdɔm ɛn Gɔmɔra ɛn dɛn nɛba dɛm we pipul dɛn nɔ tap de, na so nɔbɔdi nɔ go tap de, ɛn nɔn mɔtalman nɔ go tap de.

Jɛrimaya 48:1

PAPA GƆD tɔk bɔt Moab. Na dis PAPA GƆD Ɔlmayti we na Izrɛl dɛn Gɔd se: “Swɛ dɔn kech Nɛbo, bikɔs i nɔ gud fɔ natin igen! Kiriataim dɔn shem bikɔs dɛn dɔn kapchɔ am; dɛn dɔn nyakanyaka dɛn barik ɛn dɛn dɔn shem;

Ayzaya 49:18

Es yu yay ɔp, luk rawnd ɛn si; dɛn ɔl gɛda, dɛn kam to yu. PAPA GƆD se, wans a de, yu go wɛr dɛn ɔl lɛk trinkɛt, yu go fiks dɛn pan yusɛf lɛk aw yawo kin du.

Lɛta Fɔ Rom 14:11

Dɛn rayt na Gɔd in Buk se, “Di Masta se, wans nɔmɔ a gɛt layf, a prɔmis se ɔlman go nil dɔŋ bifo mi, ɛn ɔlman go tɔk ɔlɔbɔt se, mi na Gɔd.”

Zɛfinaya 3:13

Di wan dɛn we go lɛf na Izrɛl go bi wan dɛn we nɔ go de ambɔg; dɛn nɔ go de lay, ɛn dɛn nɔ go miks pan rikishi. Dɛn nɔ go gɛt wan yagba ɛn so dɛn nɔ go fred nɔbɔdi.

Zɛfinaya 2:14

Na ples we ɔlkayn animal go lidɔm togɛda; dɛn wan we pɔsin de mɛn o, dɛn wan dɛn we de na bush; dɛn yuba ɛn ɛjɔg ɔl go de tinap pan dɛn post we dɔn fɔdɔm, kɔkɔ ɛn minista bɔd go de mek nɔys insay de ɛn dɛn trɔŋ trɔŋ wud we de de ɔl go fɔdɔm.

Zɛfinaya 2:7

Na nia di watasay de di wan dɛn we nɔ day na Juda in fambul layn go tap, ɛn na de dɛn go go fɔ mɛn dɛn ship ɛn got dɛn. Dɔn na di os dɛn na Ashkɛlɔn, dɛn go de slip ivintɛm. PAPA GƆD, dɛn PAPA GƆD go mɛmba dɛn ɛn gi dɛn ɔl wetin dɛn bin dɔn lɔs bak.

Emɔs 1:13

PAPA GƆD tɔk se: “Di pipul na Amɔn dɔn sin bɔku bɔku, ɛn a mɔs pɔnish dɛn fɔ dat. Wɛn dɛn go fɛt Giliad fɔ tek dɛn land, dɛn plit bɛlɛuman dɛn bɛlɛ opin ɛn pul di pikin kɔmɔt.

Jɛrimaya 49:18

PAPA GƆD se, jɛs lɛkɛ aw Sɔdɔm ɛn Gɔmɔra, ɛn di siti dɛm we bin de nia dɛm bin pwɛl, na so nɔn mɔtalman nɔ go tap de, ɛn nɔbɔdi nɔ go slip de.

Jɛrimaya 46:18

“Di kiŋ se, wans a de, dat na di kiŋ we na PAPA GƆD Ɔlmayti, lɛkɛ we Mawnt Tabɔ ay pas di ɔda mawnten dɛm, ɛn lɛkɛ we Mawnt Kamɛl ay pas di si, na so di atak go tan.

Di Nɔmba Dɛm 14:21

bɔt wans mi na PAPA GƆD we nɔ de day ɛn wans pipul de si mi, PAPA GƆD in wok na di wanol wɔl,

Jɛrimaya 49:1

Dis na bɔt di Amonayt dɛm, na dis PAPA GƆD se: “Izrɛl nɔ gɛt bɔypikin? I nɔ gɛt pɔsin we go tek in ples? Wɛl wetindu Milkɔm dɔn tek Gad lɛk nainyon, ɛn in pipul dɛn go sɛtul na dɛn siti dɛm?

Jɛrimaya 49:33

Azɔ go tɔn ples fɔ dɛn Jakal fɔ tap, ɛn i go tɔn gud fɔ natin ples sote go; nɔbɔdi nɔ go tap de, nɔbɔdi nɔ go slip de sɛf.”

Emɔs 2:1

PAPA GƆD tɔk se: “Di pipul na Moab dɔn sin bɔku bɔku, ɛn a mɔs pɔnish dɛn fɔ dat, bikɔs dɛn bɔn di kiŋ na Idɔm in bonbon to ashis.

Ditarɔnɔmi 29:22

We di pikin dɛn we nɔ bɔn yet, ɛn di fɔrina we go kɔmɔt fa kam, si di kayn tin dɛn we de apin na di land, ɛn di kayn siknɛs we PAPA GƆD mek kech dɛn,

Zɛkaraya 2:13

I se nɔ fɔ mek nɔys usay PAPA GƆD de nain os we oli.