Zɛfinaya 2:7 - Krio Fɔs Oli Baybul

⁷ Na nia di watasay de di wan dɛn we nɔ day na Juda in fambul layn go tap, ɛn na de dɛn go go fɔ mɛn dɛn ship ɛn got dɛn. Dɔn na di os dɛn na Ashkɛlɔn, dɛn go de slip ivintɛm. PAPA GƆD, dɛn PAPA GƆD go mɛmba dɛn ɛn gi dɛn ɔl wetin dɛn bin dɔn lɔs bak.

Zɛfinaya 2:7 Referans Kwoze

Zɛfinaya 3:20

Wande wande go briŋ ɔlman kam bak na os, di tɛm we a go gɛda una ɔl wan say I go mek dɛn femɔs na di wanol wɔl di wanol wɔl go no una ɛn i go mek dɛn bi wetin dɛn bin bi fɔs unasɛf go si. Na so PAPA GƆD se.

Izikɛl 39:25

Fɔseka dat, na dis PAPA GƆD se; naw a go gi Jekɔb bak in richis dɛm ɛn a go sɔri fɔ di wanol Izrɛl pipul, ɛn a go jɛlɔs fɔ mi oli nem.

Ɛksodɔs 4:31

Di edman dɛn biliv se na PAPA GƆD sɛn Mozis ɛn Erɔn. We dɛn yɛri se PAPA GƆD dɔn si aw dɛn de sɔfa ɛn i rɛdi fɔ ɛp dɛn, dɛn baw dɛn ed ɛn wɔship am.

Lyuk 1:68

I se: “Lɛ wi prez wi Masta we na di Izrɛl pipul dɛn Gɔd, bikɔs i dɔn kam to in pipul dɛn fɔ fri dɛn.

Mayka 4:7

in go briŋ udat lɛf kam bak ɛn mek dɛn bigin layf bak. Dɛn go bi pawaful ɛn na frɔm Mawnt Zayɔn in go rul dɛn sote go.

Mayka 2:12

Bɔt i tɛl dɛn se PAPA GƆD prɔmis se i go gɛda ɔl Jekɔb in jɛnareshɔn, i se PAPA GƆD go mek ɔl udat lɛf pan di Izrɛlayt dɛn kam bak na wan ɔndasela ɛn dɛn go bɔku so we go de de.

Obadaya 1:19

I se di wan dɛn we de na Sawt Juda go tek ova Idɔm; di wan dɛn we de na di Wɛst bɔda, dɛn go tek ova Filistia. Na di Izrɛlayt dɛn go gɛt Ifrem ɛn Sameria; dɔn di pipul dɛn na Bɛnjamin go gɛt Giliad.

Jɛrimaya 33:7

A go gi Juda dɛn jɛntri bak, ɛn gi Izrɛl dɛn jɛntri bak, ɛn bil dɛm bak lɛkɛ aw dɛm bin de fɔstɛm.

Jɛrimaya 29:14

una go fɛn mi ɛn a go gi una ɔl una jɛntri bak ɛn gɛda una kɔmɔt na ɔl di neshɔn dɛn ɛn ɔl di ples dɛn we a bin dɔn drɛb una go, ɛn a go briŋ una bak na di ples we a drɛb una kɔmɔt go ɛgzayl. Na so PAPA GƆD se.

Lɛta Fɔ Rom 11:5

Na di sem tin de bi naw; sɔm pipul de we i bin dɔn pik fɔ sev bikɔs i bin sɔri fɔ dɛn, dɛn nɔ plɛnti.

Apɔsul Dɛn Wok 8:40

Wɛn dat dɔn, Filip fɛn insɛf na wan tɔŋ we nem Ezotɔs; wɛn i kɔmɔt de i bigin tɛl ɔl dɛn pipul na ɔl dɛn tɔŋ di Gud Nyuz te i rich Sizaria.

Apɔsul Dɛn Wok 8:26

Gɔd sɛn in enjɛl to Filip, di enjɛl tɛl Filip se, “Filip, grap, fala da rod na di dɛzat we go frɔm Jerusɛlɛm te rich Geza.”

Lyuk 7:16

Ɔl di pipul dɛn fred ɛn bigin prez Gɔd. Dɛn se, “Wi dɔn si prɔfɛt we gɛt pawa! Gɔd dɔn kam fɔ sev in pipul dɛn!”

Mayka 4:10

I se na naw dɛn fɔ kray ɛn rol na grɔn lɛk uman we wan bɔn bikɔs dɛn gɛt fɔ kɔmɔt na di siti go tap na opin ples. I se dɛn go go Babilɔn bɔt PAPA GƆD go pul dɛn na dɛn ɛnimi dɛn an.

Jɛrimaya 32:44

Dɛn go bay land wit mɔni, ɛn dɛn go sayn ɛn witnɛs kɔnveans dɛm, na di land ɔf Bɛnjamin, na di ples rawnd Jerusɛlɛm, ɛn na di siti dɛn na Juda, di siti dɛn na di il kɔntri, di Shɛfɛla dɛn siti dɛn, ɛn na di siti dɛn we de na di Nɛgɛb; bikɔs a go gi dɛm dɛn jɛntri bak. Na so PAPA GƆD se.”

Jɛrimaya 31:7

Bikɔs na dis PAPA GƆD se: “Siŋ lawd lawd wan wit gladi gladi fɔ Jekob ɛn pul siŋ fɔ di chif fɔ ɔl dɛn neshɔn; anawns am, prez am, ɛn tɔk se, ‘PAPA GƆD dɔn sev in pipul, di balans pan di Izrɛlayt dɛn we lɛf.’

Jɛrimaya 30:3

PAPA GƆD se, Bikɔs di tɛm de kam we a go gi mi pipul dɛm we na Izrɛl ɛn Juda, dɛn jɛntri bak, ɛn a go briŋ dɛm kam bak na di land we a bin gi dɛn fɔstɛmpapa dɛm, ɛn dɛn go tek am fɔ dɛnsɛf.”

Jɛrimaya 23:3

Dɔn a go gɛda di wan dɛn we lɛf pan mi ship dɛm kɔmɔt na ɔl di difrɛn kɔntri dɛm we a dɔn drɛb dɛm go, ɛn a go briŋ dɛm kam bak na dɛn os, ɛn dɛn go ebul bɔn ɛn dɛn go plɛnti.

Jɛrimaya 3:18

Dɛn tɛm dɛn de, di Juda fambul go jɔyn wit di Izrɛl fambul, ɛn una go kɔmɔt na di land na di nɔt togɛda, go na di land we a bin gi una fɔstɛmpapa dɛm as dɛn yon prɔpati.

Ayzaya 11:11

Da de de, PAPA GƆD go ɛp sɛkɛn tɛm fɔ briŋ di balans pan in pipul dɛn we bin lɛf, kɔmɔt Asiria, Ijipt, Patrɔs, Itiopia, Ilam, Babilonia, Emat ɛn di land dɛn we de na di kost.

Di Sam Dɛm 85:1

E PAPA GƆD! Yu bin dɔn mek bɛtɛ de fala wi, yu bin dɔn gi wi bak, wi papa Jekɔb in jɛntri.

Jɛnɛsis 50:24

I tɛl in brɔda dɛn se, in kin day ɛnitɛm da tɛm de, bɔt PAPA GƆD go luk dɛn ɛn pul dɛn kɔmɔt na Ijipt ɛn kɛr dɛn go saful wan usay i bin dɔn prɔmis Ebraam, Ayzak ɛn Jekɔb.

Egay 2:2

I tɛl Egeay fɔ aks Zɛrubabɛl we na Shialtiɛl in bɔypikin ɛn na di gɔvna na Juda, Jɔshwa we na Jɛozedak in yon bɔypikin ɛn na di bigman fɔ dɛn man we de mek sakrifays fɔ pipul sin, ɛn ɔl di balans pipul se,

Egay 1:12

Zɛrubabɛl we na Shialtiɛl in bɔypikin ɛn Jɔshwa we na Jɛozedak in bɔypikin ɛn di bigman fɔ ɔl dɛn man we de mek sakrifays pipul sin wit ɔl di balans pipul obe Papa GƆD we na dɛn PAPA GƆD ɛn du wetin Egay we i sɛn, se, bikɔs dɛn de fred ɛn rɛspɛkt PAPA GƆD.

Zɛfinaya 2:9

I se, wans in PAPA GƆD, we na Izrɛl dɛn PAPA GƆD, nɔ de day, in go mɔs mek Moab tan lɛk Sɔdɔm, dɔn i go mek di Amonayt dɛn lɛk Gomɔra. Di ples go gɛt soso chukchuk ɛn i go dray arara. I nɔ go fit fɔ natin. Di balans pipul dɛn we na PAPA GƆD yon, we nɔ bin day go wutuwutu dɛn ɛn tek dɛn yon land na dɛn an.

Ayzaya 14:1

PAPA GƆD go sɔri fɔ Jekɔb ɛn go pik Izrɛl bak, ɛn go put dɛn na dɛn yon land. Fɔrina dɛn go kam tap wit dɛn, ɛn di Izrɛlayt dɛn go ol dɛn tayt lɛk dɛnsɛf blant Jekɔb in os.

Ruth 1:6

In naw wit in dɔtɛnlɔ dɛn lɛf Moab bikɔs bay da tɛm de, i bin dɔn yɛri se PAPA GƆD dɔn sɔri fɔ in pipul ɛn gi dɛn tin fɔ it.

Di Sam Dɛm 80:14

PAPA GƆD Ɔlmayti, kam bak to wi! Luk yu pipul we yu kin si frɔm ɛvin! Ɛn kia fɔ wi.

Ayzaya 11:16

Wan men rod go de we kɔmɔt Asiria fɔ di balans we lɛf pan in pipul dɛn, lɛk aw i bin bi fɔ Izrɛl wɛn dɛn bin kɔmɔt Ijipt.

Ayzaya 32:14

Bikɔs dɛn go lɛf kiŋ ɛmti, da siti we bin fulɔp go ɛmti; di il ɛn di wachman tawa go tɔn ples fɔ animal fɔ tap sote go, ples we wayl dɔŋki dɛn go gladi fɔ tap, ples we ship ɛn got go de it;

Jɛrimaya 29:10

“Bikɔs na dis PAPA GƆD se: wɛn sɛvinti ia dɔn fɔ Babilɔn, a go kam to una ɛn go du wetin a prɔmis se a go du fɔ una ɛn briŋ una kam bak na dis ples.

Jɛrimaya 33:12

“Na dis PAPA GƆD Ɔlmayti se: Na dis ples we dɛn se ɛmti ɛn yuslɛs we mɔtalman ɛn animal nɔ de, shɛpad dɛn go tap de bak de fid dɛn ship dɛn.

Jɛrimaya 47:5

Shayned dɔn mit Gaza, Ashkɛlɔn in dɔn kwayɛt. Una di balans pipul dɛn na Filistia, aw lɔŋ una go de kɔt kɔt unasɛf?

Ozie 6:11

Yu Juda, di tɛm go kam we a go pɔnish yu fɔ di bad we yu du, di tɛm we a go gi mi pipul dɛn ɔl wetin dɛn bin dɔn lɔs bak.

Zɛfinaya 3:13

Di wan dɛn we go lɛf na Izrɛl go bi wan dɛn we nɔ go de ambɔg; dɛn nɔ go de lay, ɛn dɛn nɔ go miks pan rikishi. Dɛn nɔ go gɛt wan yagba ɛn so dɛn nɔ go fred nɔbɔdi.

Ayzaya 11:14

Dɛn go atak di Filistin dɛn we tap na di wɛst, lɛk we bɔd de flay kan dɔŋ wit spid, ɛn dɛn go jɔyn an fɔ tif ɔl wetin di pipul dɛn na di ist gɛt. Dɛn go fɛt Idɔm ɛn Moab ɛn di Amonayt dɛn go obe dɛn.