Zɛfinaya 2:5 - Krio Fɔs Oli Baybul

⁵ Dɛn wan we tap nia watasay, alaki - dat na dɛn Filistin dɛn. PAPA GƆD dɔn tɔk se i go nyamanyama una ɛn nɔbɔdi nɔ go lɛf.

Zɛfinaya 2:5 Referans Kwoze

Izikɛl 25:16

fɔseka dat, na dis Papa Gɔd we na Gɔd se: una lisin, a go tret mi an pan di Filistin dɛm, ɛn a go kil di Chɛrɛtayt dɛm ɛn pwɛl di balans we lɛf pan di si kos dɛm.

Jɛrimaya 47:7

Aw i go blo, we PAPA GƆD dɔn gi am wok fɔ du? I dɔn gi am wok fɔ atak Askɛlɔn, ɛn atak di pipul dɛn we tap na di kos.”

Emɔs 3:1

Una dɛn Izrɛlayt dɛn, una lisin gud o wetin PAPA GƆD tɔk bɔt una! Una we na una i pul kɔmɔt na Ijipt:

Jɔshwa 13:3

ɛn di Gɛshurayt dɛn land we de na di ist pat na Ijipt ɛn di Avim dɛn yon na di sawt. Di ɔda say we PAPA GƆD bin tɛl Jɔshwa fɔ kapchɔ na di land we bigin na Shiɔ watasay na di Ijipshian bɔda te rich Ɛkrɔn siti na di Nɔth.

Mak 12:12

Di bigman dɛn we de mek sakrifays fɔ pipul sin ɛn di Ju Lɔ ticha dɛn tray fɔ ol Jizɔs, bikɔs dɛn bin no se na pan dɛn Jizɔs pul di parebul. Bɔt dɛn fred di krawd, so dɛn lɛf Jizɔs go.

Zɛkaraya 1:6

I se bɔt di tɔk we i bin tɛl di prɔfɛt dɛn fɔ tɔk de te naw. Dat mek dɛn beg padin ɛn se aw PAPA GƆD plan fɔ dil wit wi fɔ wetin wi de du, na so i dɔn dil wit wi.

Zɛfinaya 3:6

PAPA GƆD se pan ɔl we i dɔn dɔnawe wit dɛn neshɔn dɛn, ɛn nyamanyama dɛn siti, dɛn traŋa os ɛn wɔl dɛn. I dɔn mek dɛn trit dɛn fiba ples we nɔ fɔ pas, i dɔn mek di siti dɛn nɔ fit fɔ natin ɛn nɔ ivin lɛf wan pɔsin insay de.

Emɔs 5:1

Una dɛn Izrɛlayt dɛn, una lisin o, una lisin to dis bɛrin siŋ we a de siŋ fɔ una:

Ayzaya 14:30

Po man in fɔs pikin go it, ɛn di wan dɛn we nɔ gɛt go lidɔm saful; bɔt a go tek aŋri kil una rut ɛn go kil di balans we lɛf.

Di Jɔj Dɛm 3:3

Na di neshɔn dɛnwanya; di Filistin dɛn fayv siti, ɛn ɔl di Kenanayt dɛn siti, di Sidonian dɛn, di Ivayt dɛn we de na di Libanɔn Mawnten, dat na frɔm mawnt Baalath Amɔn te rich di rod fɔ go insay Amath Siti.

1 Samiɛl 30:14

I se na dɛn wutuwutu usay dɛn Kɛrɛthayt dɛn de na di sawtɛn pat na Juda ɛn di ples usay Kelɛb in pipul dɛn de. I se dɛn bɔn Ziklag bak.

Ayzaya 14:29

Una nɔ gladi o, una ɔl we de na Filistia, se di tik we wap una dɔn brok, bikɔs na frɔm snek da pɔyzinɔs snek we nem Ada, de kɔmɔt, ɛn di tin we in go bɔn na snek we de flay.

Zɛfinaya 1:11

I se dɛn wan dɛn we tap na di ɔda pat na di siti fɔ kray we dɛn yɛri bɔt dat, bikɔs nɔn biznɛsman nɔ go de igen Ɔl di biznɛsman dɛn go dɔn day.

Jɔshwa 13:2

PAPA GƆD tɛl an se i fɔ kapchɔ ɔl di Filistin dɛn land we gɛt fayv siti we na Gaza, Ashdɔd, Ashkɛlɔn, Gath ɛn Ɛkrɔn