Zɛfinaya 2:3 - Krio Fɔs Oli Baybul

³ Ɔl udat de du wetin PAPA GƆD want fɔ kɔntinyu fɔ du so, dɛn fɔ mek shɔ se dɛn de waka tret wan wit PAPA GƆD ɛn put dɛnsɛf dɔŋ fɔ du wetin i want, sɔntɛm we i de jɔj i go sɔri fɔ dɛn.

Zɛfinaya 2:3 Referans Kwoze

Di Sam Dɛm 76:9

we yu grap fɔ jɔj ɛn fɔ fɛt fɔ di poman dɛn na wɔl.

Di Sam Dɛm 22:26

Ɔl udat nɔ gɛt fɔ it go kam ɛn dɛn go it; ɔl udat want fɔ prez yu, go prez yu. Lɛ wi ɔl gɛt lɔŋ layf ɛn ɛnjɔy wi layf!

Jona 3:9

Di kiŋ se sɔntɛm dat go mek PAPA GƆD in at kol ɛn i nɔ vɛks da bad bad vɛks we i bin vɛks igen, dɔn i go sɔri fɔ dɛn ɛn nɔ dɔnawe wit dɛn.

Di Sam Dɛm 105:4

Go to PAPA GƆD mek i ɛp yu de wɔship am ɔltɛm, i go de ɛp yu.

Ozie 10:12

So udat plant sid we raychɔs go gɛt lɔv we nɔ de chenj fɔ in avɛst; tɛm dɔn rich we ɔlman fɔ tray no ɛn du wetin PAPA GƆD want dɔn i go mek bɛtɛ fala ɔlman.

Jɛrimaya 39:18

Bikɔs a go mɔs sev yu ɛn yu nɔ go day na wa; bɔt yu go gɛt yu layf as di prayz na di wa, bikɔs yu dɔn put yu at to mi. Na so PAPA GƆD se.’”

Prɔvabs 18:10

PAPA GƆD na lɛkɛ big kɔtintri, pɔsin we de waka tret na PAPA GƆD in yay kin go ayd biɛn am.

Di Sam Dɛm 57:1

Nɔ fɔgɛt mi O, PAPA, av masi, bikɔs na to yu nɔmɔ a de luk fɔ kɔba mi. Na yu nɔmɔ ebul kɔba mi lɛkɛ aw fɔl de kɔba in pikin, so a go ayd to yu te di trɔbul dɛn dɔn.

Pita In Sɛkɛn Lɛta 3:18

Una fɔ lan mɔ ɛn mɔ bɔt wi Masta Jizɔs Krays we sev wi, ɛn una fɔ no aw Gɔd gud mɔ ɛn mɔ. Nain gɛt pawa ɛn ɔna frɔm naw sote go! Emɛn.

Jɛrimaya 45:5

PAPA GƆD se, Yu de luk fɔ big tin fɔ yusɛf? Nɔ luk fɔ big tin; bikɔs, mi de tɛl yu se, a go du bad bad tin to ɔlman na wɔl, bɔt a go gi yu yu layf as prayz fɔ wa ɔlsay we yu go.”

Di Sam Dɛm 91:1

Ɛnibɔdi we go to PAPA GƆD fɔ mek i kɔba am, udat PAPA GƆD Ɔlmayti de fɔ,

Pita In Fɔs Lɛta 3:4

Bifo dat, ɔl una yon fayn fɔ de insay; una fɔ de tɔk ɛn du tin saful saful, una ed nɔ fɔ de wam, na dɛn kayn tin ya Gɔd luk se fayn, ɛn na dɛn kayn fayn de go de sote go.

Pita In Fɔs Lɛta 1:22

Naw we una de fala dɛn tru tin we dɛn lan una bɔt Jizɔs Krays, we mek una dɔn lɛf fɔ du bad, ɛn mek una layf dɔn klin, ɛn mek una lɛk una kɔmpin Kristiɛn dɛn fɔ tru, una fɔ lɛk dɛn naw wit ɔl una at.

Fɔs Lɛta Fɔ Tɛsalonayka 4:1

Mi brɔda dɛn, bifo a dɔn wetin a de tɔk, mek a tɛl una dis las tin. Una fɔ mɛmba se wi bin dɔn sho una aw una fɔ liv fɔ mek Gɔd satisfay, ɛn na so una liv, bɔt wi de tek Masta Jizɔs in nem beg una fɔ mek una tray fɔ liv layf we bɛtɛ sɛf pas di layf we una liv naw.

Matyu 5:5

“Dɛn wan we put dɛn yay dɔŋ, gɛt blɛsin, bikɔs dɛn go gɛt wetin Gɔd prɔmis!

Di Sam Dɛm 31:20

Yu de ayd dɛn usay yu de we yu go kip dɛn sef wan ɛn mɔtalman nɔ go ebul ambɔg dɛn; Dɛn nɔ go ebul fɔ pɔynt fiŋa pan dɛnsɛf.

Ayzaya 11:4

Bɔt na bay wetin rayt na PAPA GƆD in yay, i go jɔj di po man, ɛn go disayd di sem we fɔ kwayɛt pipul na wɔl, ɛn i go pɔnish di wɔl wit traŋa wɔd dɛn we i de tɔk, ɛn na di briz we de kɔmɔt nain mɔt i go tek kil wikɛd pipul.

Ozie 7:10

Na di prawd we Izrɛl de mek lɛ ɔltin de kɔmɔt bad fɔ am; pan ɔl dat, dɛn nɔ tɔn bak go to PAPA GƆD we na dɛn Gɔd.

Ayzaya 61:1

Papa Gɔd we na Gɔd in Spirit de pan mi, bikɔs PAPA GƆD dɔn anɔynt mi fɔ briŋ gud yus to di wan dɛn we de sɔfa; I dɔn sɛn mi fɔ mɛn dɛn wan we gɛt brok at, fɔ anawns to dɛn wan we dɛn bin dɔn kapchɔ, se, dɛn dɔn fri, fɔ opin di jel yad fɔ di wan dɛn we dɛn tay;

Di Sam Dɛm 149:4

Bikɔs PAPA GƆD kin lɛk we in pipul gladi; so i de sev dɛn mek dɛn gladi mɔ.

Ɛksodɔs 12:27

una fɔ tɛl dɛn se, “PAPA GƆD bin pas oba di Izrɛlayt dɛn os na Ijipt ɛn i bin kil di Ijipshian dɛn bɔt i bin sɔri fɔ di Izrɛlayt dɛn.” Dɛn ɔl di pipul dɛn baw dɛn ed ɛn wɔship PAPA GƆD.

Fɔs Lɛta Fɔ Tɛsalonayka 4:10

Ɛn na so una lɛk ɔl di Kristiɛn dɛn we de ɔlɔbɔt na Masidonia. Bɔt, wi Kristiɛn pipul dɛn, wi de beg una fɔ lɛk dɛn pas dat.

Zɛkaraya 8:19

dɛn fast we dɛn bin fast di mɔnt we mek fo, di mɔnt we mek fayv, di mɔnt we mek sɛvin, ɛn di mɔnt we mek tɛn, go briŋ gladi fɔ Juda ɛn dɛn go mek di ladida, so dɛn fɔ lɛk tin we na tru ɛn we de mek pis de.

2 Samiɛl 12:22

Devid ansa se di tɛm we di pikin nɔ day yet, i bin de fast ɛn kray as i bin de tink to insɛf se sɔntɛm PAPA GƆD go sɔri fɔ am ɛn nɔ mek di pikin nɔ day.

Di Sam Dɛm 45:4

Mek PAPA GƆD go wit yu ɛn lɛ yu kɔntinyu fɔ win ɔl di wa dɛn we yu de fɛt fɔseka wetin tru ɛn fia; yuz yu trɛnk fɔ sho se yu kin du pawaful tin dɛn.

Ayzaya 1:17

una lan fɔ du gud; trit ɔlman di sem, nɔ gri lɛ dɛn trit pipul dɛn du bad; tinap fɔ di wan dɛn we dɛn papa dɔn day, tɔk fɔ uman we in man dɔn day.

Izikɛl 13:5

Una nɔ go usay di wɔl brok brok, ɔ bil wɔl fɔ Izrɛl, so dat i go tinap di tɛm we wa go bi, wɛn PAPA GƆD in yon de go kam.