Zɛfinaya 2:2 - Krio Fɔs Oli Baybul

² bifo i drɛb dɛn, lɛk chaf chaf we briz de blo bifo PAPA GƆD in vɛksteshɔn kam pan una di de we PAPA GƆD go vɛks.

Zɛfinaya 2:2 Referans Kwoze

Neum 1:6

Udat ebul tinap bifo PAPA GƆD we i vɛks? Udat ebul am we i dɔn vɛks? We i vɛks i de blez lɛk faya, ivin dɛn big ston kin tɔn grabul-grabul usay i de.

Ozie 13:3

So dɛn go tan lɛk aw daknɛs kin lɔs ɔ dyu we fɔdɔm kin dray we do klin. Lɛk aw briz kin kɛr chaf chaf go we dɛn de fana ɔ smok kin lɔs afta i pas na winda.

Lamɛnteshɔn 4:11

PAPA GƆD pul ɔl in vɛksteshɔn pan Jerusɛlɛm, i pul ɔl in wamat pan am; i mek faya kech Jerusɛlɛm we bɔn am to asis.

Ayzaya 17:13

Di neshɔn dɛn de mek nɔys lɛk we bɔku bɔku wata de rɔn, bɔt i go tɔk pan dɛn, ɛn dɛn go rɔnawe go fawe; dɛn go ches dɛn lɛk we briz de blo chaf chaf na dɛn mawnten ɛn lɛk dɔti we de tɔn rawnd wit spid ɛn grap we tinada de blo.

Di Sam Dɛm 1:4

Noto so i go bi fɔ di bad man o! Di bad man in tan lɛkɛ chaf chaf we briz kin blo ɔlɔbɔt.

Zɛfinaya 3:8

PAPA GƆD se lɛ dɛn jɛs wet fɔ di tɛm we in go rɛdi fɔ tɔk bɔt ɔl wetin dɛn de du. I se in dɔn mekɔp in maynd fɔ briŋ ɔl di neshɔn dɛn togɛda dɔn i go sho dɛn aw i vɛks. Ɔl in jɛlɔs vɛksteshɔn nain i go put pan dɛn ɛn dɔnawe wit ɔlman na wɔl.

Zɛfinaya 1:18

We PAPA GƆD dɔn rɛdi fɔ du wetin i want, nɔn mɔni, i lɛk aw i bɔku nɔ go tap am. We PAPA GƆD dɔn jɛlɔs gud, i go jɛs mek faya bɔn ɛn dɔnawe wit ɔlman we tap na wɔl.

Job 21:18

Dɛn tan lɛk brumtik na briz, ɛn lɛk chaf chaf we big briz kin blo kɛr go.

Matyu 24:35

Natin nɔ go de ɔp klawd igen ɛn di wɔl sɛf nɔ go de igen, bɔt mi wɔd dɛn go de sote go wit ɔl dɛn pawa.

Izikɛl 12:25

Bɔt mi we na PAPA GƆD go tɔk di wɔd we a go tɔk, ɛn i go bi. PAPA GƆD se, ‘i nɔ go te igen, bɔt na una tɛm, una dɛn pipul dɛn we nɔ de gri yɛri wɔd, a go tɔk di wɔd ɛn du am.’

Jɛrimaya 23:20

PAPA GƆD in veksteshɔn nɔ go tap sote i dɔn du ɛn kɔmplit wetin I plan nain maynd fɔ du. Leta, una go ɔndastand am klia wan.

Di Sam Dɛm 50:22

“Lisin gud, una we nɔ bisin bɔt PAPA GƆD ɔ nɔ so, a go chɛr chɛr una lɛkɛ aw layɔn de chɛr bif we i kech am; ɛn nɔbɔdi nɔ go pul una kɔmɔt na mi an.

Di Sam Dɛm 2:12

Put yusɛf dɔŋ bifo PAPA GƆD in bɔypikin mek i nɔ vɛks ɛn dɔnawe wit yu, bikɔs i kin vɛks ɛnitɛm. I go fayn fɔ ɔl udat de go to am fɔ mek i kɔba dɛn.

Jɛrimaya 4:4

Una sakɔmsayz unasɛf to PAPA GƆD, una pul di fɔs kanda we de ɔntɔp una at, Una di man dɛn na Juda ɛn una we tap na Jerusɛlɛm; if nɔto so, mi vɛksteshɔn go kɔmɔt lɛkɛ faya ɛn bɔn, we nɔbɔdi nɔ go ebul ɔt am, bikɔs ɔf di ivul we de pan di tin dɛn we una de du.”