Zɛfinaya 2:11 - Krio Fɔs Oli Baybul

¹¹ PAPA GƆD insɛf go dil wit dɛn traŋa traŋa wan. Yɛs, i go nyakanyaka dɛn ɛn mek dɛn gɔd nɔ fiba natin to dɛn ɛn ɔlman naw go butu ɛn wɔship am, usay dɛn de, na ɔl di neshɔn dɛn na wɔl.

Zɛfinaya 2:11 Referans Kwoze

Zɛkaraya 13:2

PAPA GƆD Ɔlmayti se na da de de i go pul ɔl dɛn ɔda gɔd we dɛn mek fɔ wɔship na di land ɛn nɔbɔdi nɔ go de mɛmba dɛn, dɔn ivin dɛn prɔfɛt dɛn ɛn di spirit we de mek dɛn wan fɔ wɔship di ɔda gɔd dɛn nɔ go de igen

Malakay 1:11

PAPA GƆD Ɔlmayti se, frɔm we san grap na mɔnin te di tɛm we i de go dɔŋ, nain in nem big to ɔl di neshɔn dɛn na wɔl ɛn ɔlsay we dɛn de mek sakrifays to am, nɔ kin bi bamfa wan bikɔs ɔl di neshɔn dɛn na wɔl no se in na big PAPA GƆD.

Zɛkaraya 2:11

PAPA GƆD se da tɛm de bɔku dɛn ɔda neshɔn go go ɔnda in rul ɛn insɛf go tap midul dɛn, dɔn dɛnsɛf go bi in pipul dɛn ɛn ɔlman go no se na PAPA GƆD sɛn am.

Ozie 2:17

A go pul ɔl di nem dɛn we i bin de kɔl Beal kɔmɔt nain mɔt ɛn i nɔ go kɔl dɛn nem de igen

Di Sam Dɛm 138:4

PAPA GƆD, mek ɔl dɛn Kiŋ na wɔl, prez yu, wɛn dɛn yɛri wetin yu se.

Jɛnɛsis 10:5

Dɛn pipul ya, we na Jefɛt in yon jɛnareshɔn na bin di grampa dɛn fɔ di pipul dɛn we bin de na di kost ɛn ayland dɛn. Dɛn bin gɛt dɛn yon kɔntri, ɛn ɔlman bin de tɔk difrɛn laŋwej wit in yon pipul dɛn.

Rɛvɛleshɔn 11:15

Dɛn di enjɛl we mek sɛvin blo in trɔmpɛt. Na de a yɛri plɛnti vɔys de tɔk lawd wan na ɛvin se, “Na Gɔd we na wi Masta ɛn Mɛsaya we i sɛn kam na dis wɔl dɔn gɛt di pawa naw fɔ rul, ɛn i go rul sote go!”

Fɔs Lɛta To Timoti 2:8

So a want mek dɛn man dɛn ɔlɔbɔt pre. Dɛn fɔ bi pipul we dɔn gi Gɔd dɛn layf, so dat wɛn dɛn es dɛn an ɔp fɔ pre, dɛn nɔ go vɛks pan pipul ɛn dɛn nɔ go de mɛmba bad fɔ dɛn pipul we ambɔg dɛn.

Zɛkaraya 8:23

PAPA GƆD se, da tɛm de, tɛn man pan ɔl di trayb dɛn na wɔl, go grip wan Ju man in klos de se lɛ dɛn go wit am bikɔs dɛn dɔn yɛri se, PAPA GƆD de wit am.

Zɛkaraya 8:20

PAPA GƆD Ɔlmayti se, pipul dɛn go kɔmɔt na bɔku siti kam,

Zɛfinaya 3:9

Dat tɛm de dɛn ɔl go de tɔk wan laŋwej, dat na fɔ de pre to PAPA GƆD nɔmɔ wit ɔl dɛn at ɛn du wetin i want.

Zɛfinaya 1:4

I se in go pɔnish di pipul dɛn na Juda ɛn ɔl udat tap na Jerusɛlɛm. I se in go pwɛl di balans tin we lɛf pan dɛn tin dɛn we dɛn de yuz fɔ wɔship Beal, wit dɛn man dɛn we de fɔ de mek sakrifays to Beal.

Joɛl 2:11

PAPA GƆD yuz in vɔys fɔ tɔk bifo in ami, di pipul nain ami so bɔku; di pɔsin we de gi dɛn ɔda so pawaful. Di de we PAPA GƆD go kam na big de we pɔsin fɔ fred; nɔbɔdi nɔ go ebul fɔ bia am.

Ayzaya 49:1

Lisin to mi, una dɛn kɔntri dɛn nia di si, ɛn pe atɛnshɔn, una dɛn neshɔn dɛn we de fawe, PAPA GƆD kɔl mi frɔm we a de na bɛlɛ, nainsay mi mami bɛlɛ i gi mi nem.

Ayzaya 42:10

Siŋ wan nyu siŋ to PAPA GƆD, siŋ in prez usay di wɔl tap! Le di si ala ɛn ɔl wetin de de, di kɔntri dɛn nia di si ɛn di wan dɛm we tap de.

Ayzaya 42:4

I nɔ go fel ɔ diskɔrej te i dɔn mek jɔstis sidɔm traŋa wan na wɔl; ɛn di kɔntri dɛn nia di si de wet fɔ in lɔ.

Di Sam Dɛm 86:9

PAPA GƆD na yu mek ɔl dɛn neshɔn ɔl dɛn neshɔn de go kam wɔship yu; dɛn ɔl go jɔyn fɔ prez yu nem

Di Sam Dɛm 72:17

Mek in nem nɔ day; mek i de lɛk di san we de de sote go. Ɔlman na wɔl go pre fɔ gɛt blɛsin lɛk am ɛn tɔk bɔt in yon blɛsin.

Ditarɔnɔmi 32:38

we bin de it di fat na dɛn sakrifays dɛm, ɛn drink di wayn we dɛn kin mek drink ɔfrin?’ Lɛ dɛn grap ɛp una naw nɔ, lɛ dɛn protɛkt una.

Jɛrimaya 10:11

Na dis yu go tɛl dɛm: “Dɛn gɔd dɛm we nɔto dɛn mek ɔp di klawd ɛn dɔŋ di grɔn, go alaki na grɔn ɛn ɔnda di klawd.”

Jɛrimaya 46:25

PAPA GƆD Ɔlmayti we na Izrɛl dɛn Gɔd se: biliv mi, a go pɔnish Amɔn we de na Thibis, ɛn Fero, ɛn Ijipt ɛn in gɔd dɛm, ɛn in kiŋ dɛm pɔnishmɛnt go go pan Fero ɛn ɔl udat abop pan am.

Daniɛl 11:18

Afta dat, i go tɔn in atɛnshɔn to di kɔntri dɛn we de nia wata, ɛn i go kapchɔ bɔku; bɔt wan kɔmanda go tap in fityay; fɔ tru i go tɔn di kiŋ na Siria in fityay bak pan am.

Malakay 1:14

I se, di pɔsin we gɛt animal we natin nɔ du bɔt prɔmis se i go gi PAPA GƆD, go alaki if na di wan we ambɔg i gi, bikɔs PAPA GƆD na Kiŋ ɛn ɔlman na wɔl fɔ fred ɛn rɛspɛkt am.

Ayzaya 2:18

Ɛn dɛn nɔ go si ɔl dɛn laylay gɔd dɛn igen

Ayzaya 2:20

Da tɛm de, pipul dɛn go trowe dɛn silva laylay gɔd ɛn gold laylay gɔd we dɛn mek fɔ dɛnsɛf fɔ wɔship, to dɛn grɔmpig ɛn dɛn bat,