Zɛfinaya 2:1 - Krio Fɔs Oli Baybul

¹ I se dɛn nɔ gɛt shem, dɛn fɔ kapu sɛns ɛn kam ripɛnt

Zɛfinaya 2:1 Referans Kwoze

Joɛl 1:14

I se dɛn fɔ mek dɛn fast, dɛn ɔl gɛda wan ples, Fɔ gɛda ɔl di bigman dɛn ɛn ɔlman we tap na di land, dɛn fɔ mit na PAPA GƆD we na dɛn GƆD in os; ɛn kray to PAPA GƆD.

2 Kronikuls 20:4

So ɔlman na Juda gɛda fɔ aks PAPA GƆD fɔ ɛp dɛn; pipul dɛn kɔmɔt na ɔl di siti dɛm na Juda fɔ kam pre to PAPA GƆD.

Ɛsta 4:16

Mɔdikay fɔ go gɛda ɔl di Ju dɛn na Susa ɛn dɛn fɔ fast ɛn pre fɔ am. I se dɛn nɔ fɔ it ɛn drink fɔ tri de ɛn tri nɛt ɛn insɛf wit in wokuman dɛnsɛf go fast. Dɔn i go mek drayay ɛn go insay go tɔk to di kiŋ pan ɔl we bay di lɔ i nɔ fɔ du dat; i se if i fɔ day, i go day.

Nɛimaya 9:1

Di de we mek twɛnti-fo, na di sem mɔnt, di pipul dɛn gɛda bak. Dis tɛm, dɛn bin de fast ɛn wɛr saklɔth ɛn kɔba dɛnsɛf wit dɔst.

Nɛimaya 8:1

Bay di tɛm we di mɔnt we mek sɛvin de kam ɔl di Izrɛlayt dɔn sɛtul na dɛn difrɛn siti dɛn, ɔl di pipul dɛn gɛda wan ples, lɛkɛ wan pɔsin, na di bare we de bifo di Wata Get. Dɛn tɛl Ɛzra, di Ju Lɔ ticha fɔ pul di buk we dɛn rayt di lɔ we PAPA GƆD gi Mɔzis fɔ Izrɛl kɔmɔt na do.

Matyu 18:20

Bikɔs ɛni say we tu ɔ tri Kristiɛn gɛda fɔ pre to mi ɛn ɔna mi, a go de wit dɛn.”

Zɛkaraya 11:8

Insay wan mɔnt, i pwɛl di ɔda tri lida dɛn wok. I nɔ bin peshɛnt wit dɛn ɛn dɛnsɛf nɔ bin lɛk am.

Jɛrimaya 6:15

Dɛn bin de shem we dɛn bin de du dɛn bad bad tin dɛn we a nɔ lɛk? Nɔ, dɛn nɔ bin de shem; dɛn nɔ bin no aw fɔ shem. Fɔseka dat, dɛn go day wit dɛn wan dɛn we go day; na di tɛm we a go pɔnish dɛm dɛn yon go dɔn,” na so PAPA GƆD se.

Jɛrimaya 3:3

Fɔseka dat, wan ren nɔ de kam, ren nɔ de kam ren sizin; pan ɔl dat yu stil yu gɛt rare gyal fɔrɛd, yu nɔ gri shem.

Zɛfinaya 3:5

PAPA GƆD in de du tin tret wan ɔltɛm, i nɔ de du natin rɔŋ; ɛvride i nɔ de taya fɔ sho se i de du tin fia wan. Bɔt usay! Di pipul dɛn nɔ de chenj. Dɛn nɔ gɛt shem. Dɛn stil de du bad.