Zɛfinaya 1:6 - Krio Fɔs Oli Baybul

⁶ I se in go nyamanyama ɔl dɛn wan we dɔn lɛf fɔ fala in, PAPA GƆD, ɛn nɔ de bɔda fɛnɔt bɔt wetin i want igen

Zɛfinaya 1:6 Referans Kwoze

Jɛrimaya 2:13

bikɔs mi pipul dɛn dɔn du tu bad bad tin; dɛn dɔn fɔsek mi, we na di say we wata we de gi layf de kɔmɔt, ɛn dɛn dɔn dig wɛl dɛm fɔ dɛnsɛf, wɛl dɛn we broko broko we nɔ de ol wata.

Ayzaya 1:4

E, neshɔn we gɛt sin, pipul we de du so so bad, pikin we bad pipul bɔn, bɔypikin dɛn we kɔrɔpt! Dɛn dɔn kɔmɔt biɛn PAPA GƆD, dɛn nɔ rɛspɛkt di Oli Wan na Izrɛl dɛn dɔn kɔmɔt biɛn am kpatakpata.

Jɛrimaya 15:6

PAPA GƆD se, yu bin dɔn tɔn yu bak pan mi, ɛn yu bin jɛs de go biɛn; so a tek akshɔn agens yu ɛn nyakanyaka yu; – A nɔ go ebul sɔri fɔ una igen

Jɛrimaya 2:17

Nɔto unasɛf dɔn mek dis apin to una, we una fɔsek PAPA GƆD, we na una Gɔd, we i de bifo una na rod?

Ozie 11:7

I se sins di pipul dɔn mekɔp fɔ lɛf am to insɛf, na dɛnsɛf dɔn pik se tin fɔ traŋa fɔ dɛn ɛn nɔbɔdi nɔ go ebul ɛp dɛm.

Jɛrimaya 3:10

Pan ɔl dat, in fɔls sista, Juda, nɔ kam bak to mi wit ɔl in at, bɔt bin de pritɛnd; na so PAPA GƆD se.”

Ayzaya 9:13

Di pipul dɛn nɔ gri tɔn to di wan we de pɔnish dɛn ɛn dɛn nɔ luk fɔ PAPA GƆD Ɔlmayti.

Di Ibru Pipul Dɛn 2:3

Wetin mek wi fil se, wi go pul wi ed pan di pɔnish we Gɔd go pɔnish mɔtalman, if wi nɔ gri fɔ dis wɔndaful we we Gɔd de sev wi? Na Jizɔs we na di Masta, fɔs tɛl wi bɔt di wɔndaful we we Gɔd go sev wi, dɔn dɛn pipul we yɛri am, dɛnsɛf pruv to wi se na tru.

Izikɛl 3:20

Igen, if wan man we de du di kɔrɛkt tin dɛn, kan chenj frɔm di kɔrɛkt tin dɛn we i bin de du ɛn bigin du bad bad tin dɛn, a go put ston bifo am we i go bɔk in fut pan, fɔdɔm ɛn day; ɛn bikɔs yu nɔ bin wɔn am, i go day fɔ di bad we i bin de du ɛn dɛn nɔ go mɛmba di kɔrɛkt tin dɛn we i bin dɔn de du; bɔt a go ol yu fɔ in blɔd.

Di Sam Dɛm 125:5

Bɔt lɛ dɛn wan we de du wetin dɛn lɛk fɔ du, sɔfa, lɛkɛ aw bad pipul de sɔfa. Mek pis de na Izrɛl!

Di Sam Dɛm 10:4

I fil se i gɛt ɔltin, i nɔ nid PAPA GƆD; i de biev lɛkɛ se PAPA GƆD nɔ de, as i nɔ gɛt natin fɔ du wit PAPA GƆD.

1 Samiɛl 15:11

“A fil am bad we a mek Sɔl kiŋ bikɔs i nɔ bisin fɔ du wetin a se igen” Dat mek Samiɛl in at pwɛl ɛn in nɔ slip ol nɛt, i de pre to PAPA GƆD nɔmɔ.

Ozie 7:7

Na da wamat de dɛn kin mek pan di kiŋ dɛn te dɛn kil dɛn. Dɛn nɔn nɔba mɛmba se PAPA GƆD de.

Di Sam Dɛm 36:3

Na lay nɔmɔ ful in mɔt; i dɔn tɔn fulman ɛn nɔ no wetin i min fɔ du gud igen

Lɛta Fɔ Rom 3:11

nɔbɔdi nɔ de we ɔndastand wetin Gɔd want am fɔ du, ɛn nɔbɔdi nɔ de we want tray fɔ kam klos Gɔd fɔ no wetin i want.

Ayzaya 43:22

“Pan ɔl dat, una nɔ bin pre to mi, yu Jekɔb; bɔt una dɔn taya wit mi, yu Izrɛl!

Jɛrimaya 10:25

Tɔn mi vɛksteshɔn pan di neshɔn we nɔ no yu, ɛn pan di pipul dɛn we nɔ de pre to yu; bikɔs dɛn dɔn kil Jekɔb; dɛn dɔn kil am ɛn it am, ɛn dɛn dɔn mek di ples we i bin tap, yuslɛs.

Ozie 7:10

Na di prawd we Izrɛl de mek lɛ ɔltin de kɔmɔt bad fɔ am; pan ɔl dat, dɛn nɔ tɔn bak go to PAPA GƆD we na dɛn Gɔd.

Jɔshwa 23:12

bikɔs if dɛn tɔn dɛn bak pan PAPA GƆD ɛn go jɔyn dɛn neba dɛn we dɛn nɔ bin kil ɛn tek dɛn land, mared dɛn sista dɛn, ɛn dɛn mared Izrɛl dɛn yon sista dɛn,

2 Samiɛl 22:22

A de du wetin PAPA GƆD se, a nɔ sin bikɔs a nɔ tɔn mi bak pan PAPA GƆD.

2 Kronikuls 15:13

ɛn dɛn go kil ɛnibɔdi, yɔŋ pɔsin o, ol pɔsin o, man o, uman o, we nɔ go fɛnɔt frɔm PAPA GƆD we na Izrɛl dɛn Gɔd.

Ayzaya 9:12

Di Sirian dɛn na di ist ɛn di Filistin dɛn na di wɛst dɔn opin mɔt fɔ swɛla Izrɛl. Pan ɔl dat, in at stil nɔ kol ɛn i stil wan pɔnish dɛn.

Zɛfinaya 3:2

I nɔ de yɛri nɔbɔdi, i nɔ de tek kɔrɛkshɔn. I nɔ abop pan PAPA GƆD, i nɔ de go nia PAPA GƆD.