Zɛfinaya 1:5 - Krio Fɔs Oli Baybul

⁵ Ɛn dɛn ɔl we de klem go pantap dɛn os dɛn ruf fɔ wɔship dɛn tin dɛn we de ɔp klawd ɛn dɛn wan dɛn ɔl we de prɔmis am se dɛn go du wetin i want bɔt dɔn dɛn de swɛ bak to da fɔls gɔd we nem Molɛk.

Zɛfinaya 1:5 Referans Kwoze

Jɛrimaya 19:13

Di os dɛm na Jerusɛlɛm ɛn di kiŋ dɛm na Juda dɛn os dɛm –ɔl di os dɛn we dɛn bin dɔn bɔn insɛns na dɛn ruf, to di san, mun ɛn sta dɛm, ɛn dɔn tɔn drink ɔfrin dɛm to ɔda gɔd dɛm – da os de go dɔti na mi yay lɛk Tɔfɛt, lɛkɛ dis ples Tɔfɛt.’”

2 Kiŋ 17:33

Ivin we dɛn bin de wɔship PAPA GƆD, dɛn bin stil de wɔship dɛn yon gɔd dɛn we dɛn pul kɔmɔt na dɛn kɔntri lɛkɛ aw dɛn bin de du we dɛn de, de.

1 Kiŋ 11:33

I se wetin mek in de du dat na bikɔs dɛn dɔn kɔmɔt to am ɛn go wɔship Ashtorɛt, dɛn Sidonian dɛn gɔd wit Kɛmɔsh, dɛn Moabayt yon gɔd, ɛn Molɛk, dɛn Amonayt dɛnsɛf yon gɔd. I se dɛn nɔ du wetin i tɛl dɛn, ɛn sɛf nɔ obe in lɔ we Sɔlɔmɔn in papa Devid bin de obe.

Emɔs 5:26

Bɔt naw, una go gɛt fɔ tot una gɔd we nem Sakuth we nain na una kiŋ gɔd, ɛn Kaywan, we insɛf na una sta gɔd go

2 Kiŋ 23:12

Josaya pul di ɔlta dɛn we di kiŋ dɛn na Juda bin dɔn bil pantap di ruf na Kiŋ Eab in kwata ɛn brok brok dɛn, dɔn i pul di ɔda ɔlta dɛn we Kiŋ Manasɛ bil na PAPA GƆD in os; i smash dɛn ɔl pispis ɛn trowe dɛn na Kidrɔn Vali.

2 Kiŋ 17:41

Ivin we dɛn bin de wɔship PAPA GƆD, dɛn bin de wɔship lay lay gɔd bak. Te tide dɛn pikin dɛn ɛn grampikin dɛn stil de wɔship lay lay gɔd lɛkɛ dɛn fɔstɛm-papa dɛn.

1 Kiŋ 18:21

Ilayja go tinap bifo di krawd ɛn tɛl dɛn se dɛn nɔ go de ya, dɛn de yanda; if dɛn fil se na PAPA GƆD na PAPA GƆD, lɛ dɛn wɔship am; bɔt if na Beal na PAPA GƆD, lɛ dɛn wɔship am. Bɔt di pipul dɛn nɔ ansa am wan wɔd.

Lɛta Fɔ Rom 14:11

Dɛn rayt na Gɔd in Buk se, “Di Masta se, wans nɔmɔ a gɛt layf, a prɔmis se ɔlman go nil dɔŋ bifo mi, ɛn ɔlman go tɔk ɔlɔbɔt se, mi na Gɔd.”

Matyu 6:24

“Nɔbɔdi nɔ go bi slev to tu masta di sem tɛm. If i bi so, i go lɛk wan masta, i nɔ go lɛk di ɔda wan. I go wok gud fɔ wan masta, bɔt i nɔ go wok gud fɔ di ɔda wan. Una nɔ go de du Gɔd wok ɛn bi slev to mɔni, di sem tɛm.

Ozie 4:15

I tɛl Izrɛl se pan ɔl we dɛn de biev lɛk rare gyal, dɛn nɔ fɔ miks di pipul na Juda pan wetin dɛn de du. I se di pipul na Juda nɔ fɔ fala dɛn go na Gilgal ɔ Bɛthavɛn ɛn ivin swɛ to PAPA GƆD.

Jɛrimaya 32:29

Di Babilonian dɛm we de fɛt dis siti go kam sɛt faya pan am, ɛn bɔn am, wit di os dɛm we dɛn dɔn bɔn insɛns na dɛn ruf to Beal, ɛn dɛn dɔn mek drink ɔfrin to ɔda gɔd dɛm, fɔr provok mi mek a vɛks.

Jɛrimaya 5:7

“Aw a go sɔri fɔ yu? Yu pikin dɛm dɔn fɔsek mi, ɛn dɛn dɔn tek dɛn wan dɛn we nɔto gɔd, dɛn nem swɛ. We a bin fid dɛm te dɛn bɛlful, dɛn bin kɔmit adɔltri ɛn gɛda go na dɛn rare gyal dɛn os.

Jɛrimaya 4:2

ɛn if una swɛ se, ‘Wans PAPA GƆD de,’ fɔseka di tru, fɔ jɔstis sek, ɛn fɔ tretwaka, na da tɛm de ɔl dɛn neshɔn dɛm go blɛs dɛnsɛf insay in nem ɛn na wit in nem dɛn go mek mɔt.”

Ayzaya 48:1

Lisin dis, yu Jekɔb in os, yu we dɛn de kɔl Izrɛl, we Juda na yu dadi, we de swɛ wit PAPA GƆD in nem ɛn se yu biliv pan di Gɔd na Izrɛl, bɔt nɔ bin de tɔk tru ɔ wetin rayt.

Ayzaya 45:23

A dɔn swɛ wit mi nem, raychɔs wɔd dɔn kɔmɔt na mi mɔt, ɛn na wɔd we nɔ go tɔn bak; Na to mi ɔlman go baw ɛn kɔnfɛs,”

Ayzaya 44:5

Dis wan go se, ‘Na mi blant PAPA GƆD’, ɔda wan go kɔl insɛf bay Jekɔb in nem, ɛn ɔda wan go rayt nain an se, ‘PAPA GƆD in yon,’ ɛn gi insɛf sɔn nem we na Izrɛl.”

1 Kiŋ 11:5

I bigin wɔship Ashtorɛt, di Sidonian dɛn gɔd, dɔn i wɔship Molɛk, di Amonayt dɛn gɔd we PAPA GƆD et bad bad wan.

Jɔshwa 23:7

so dat dɛn nɔ go miks dɛnsɛf wit da neshɔn we lɛf wit dɛn. Dɛn nɔ fɔ wɔship dɛn gɔd dɛn ɔ tek dɛn nem fɔ swɛ ɔ ivin kɔl dɛn nem na dɛn mɔt,

Ditarɔnɔmi 10:20

I se dɛn fɔ rɛspɛkt PAPA GƆD ɛn wɔship in waŋren, sav am, ɛn yuz in nem fɔ prɔmis pɔsin ɛnitin.

Apɔsul Dɛn Wok 10:9

Di ɔda de wɛn dɛn pipul ya bin de na rod de go ɛn dɛn bin dɔn rich klos Jɔpa, Saymɔn Pita go pantap di os we flat fɔ pre lɛkɛ aw dɛn Ju pipul kin du. Na bin santɛm.

2 Kiŋ 17:32

Dɛn bin de wɔship PAPA GƆD o, bɔt dɛn bin pik sɔm pan dɛnsɛf fɔ wok as man dɛn we de mek sakrifays fɔ pipul sin fɔ de na dɛn ay ples we dɛn de wɔship.

Jɛrimaya 5:2

Ɔlwe dɛn kin swɛ se, “Wans PAPA GƆD de,” dɛn stil kin lay.

Jɛrimaya 7:9

Una go tif, kil pɔsin, kɔmit adɔltri, swɛ fɔ natin, bɔn insɛns to Beal, ɛn wɔship ɔda gɔd dɛm we una nɔ bin no,

Jɛrimaya 7:10

ɛn kam bak kam tinap bifo mi insay dis os, we na mi os, ɛn se ‘wi dɔn fri!’– Pas nɔmɔ fɔ mek una stil de du dɛn bad bad tin dɛn ya we a nɔ lɛk?

Jɛrimaya 8:2

ɛn dɛn go prɛd dɛm bifo di san ɛn di mun, ɛn ɔl wetin de ɔp di klawd, we dɛn bin lɛk ɛn bin de sav, di tin dɛn we dɛn bin de rɔn afta, tin dɛn we dɛn bin de fɛn ɛn wɔship; dɛn nɔ go gɛda dɛm bɛr dɛm; dɛn go tan lɛk kaw tɔylɛt na grɔn.

Jɛrimaya 12:16

Dɔn, if dɛn go tek tɛm lan fɔ liv di we we mi pipul dɛn liv, fɔ tek mi nem swɛ se, ‘Wans PAPA GƆD de,’ lɛk aw dɛn bin lan mi pipul dɛm fɔ swɛ wit Beal in nem, na da tɛm de dɛn go ebul mek ɔp dɛnsɛf we dɛn de wit mi pipul dɛm.

Jɛrimaya 49:1

Dis na bɔt di Amonayt dɛm, na dis PAPA GƆD se: “Izrɛl nɔ gɛt bɔypikin? I nɔ gɛt pɔsin we go tek in ples? Wɛl wetindu Milkɔm dɔn tek Gad lɛk nainyon, ɛn in pipul dɛn go sɛtul na dɛn siti dɛm?

Ozie 10:2

Dɛn at nɔ de to PAPA GƆD, so naw dɛn fɔ pe fɔ wetin dɛn du. PAPA GƆD go pwɛl pwɛl dɛn ɔlta dɛn ɛn nyamanyama ɔl wetin dɛn bil fɔ wɔship Beal.

Ditarɔnɔmi 4:19

A advays dɛn igen se lɛ dɛn tek tɛm lɛ dɛn nɔ kɔle pan di san mun ɛn sta dɛn ɛn ɔl di ɔda tin dɛn we de ɔp na di skay te dɛn at kɔmɔt pan PAPA GƆD ɛn bigin wɔship dɛn. I se PAPA GƆD we na dɛn PAPA GƆD put dɛn ɔlsay na di wɔl fɔ ɔda pipul dɛn fɔ wɔship bɔt nɔto fɔ Izrɛl.

Ayzaya 22:1

Wetin PAPA GƆD se bɔt di Vali ɔf Vishɔn. Wetin una min we una se una dɔn go ɔp, una ɔl dɔn go ɔp pantap di os dɛn,