Zɛfinaya 1:3 - Krio Fɔs Oli Baybul

³ I go klia mɔtalman o, animal o, bɔd o, fish o - ɔlman. I se in go mek dɛn bad wan dɛn ɔl kɔmɔt na rod bikɔs ɔlman go day na wɔl.

Zɛfinaya 1:3 Referans Kwoze

Ozie 4:3

Dat mek di land de kray, ɛn ɔl udat tap de, de pan mɔnɛ, wit dɛn wayl animal na bush, dɛn bɔd we de flay ɛn ivin dɛn fish na wata, ɔl go day.

Izikɛl 7:19

Dɛn trowe dɛn silva na trit, ɛn dɛn gold tan lɛk tin we nɔ klin na PAPA GƆD in yay; dɛn silva ɛn dɛn gol nɔ go ebul fɔ sev dɛm, di de we PAPA GƆD in bad bad vɛksteshɔn go fɔdɔm pan dɛm; dɛn nɔ go ebul satisfay di aŋri we go de kech dɛm, ɔ ful dɛm bɛlɛ sɛf, bikɔs na dɛn silva ɛn gol ya bin tɔn stɔmblin blɔk pan di pipul ɛn mek dɛn de du bad bad wikɛd tin dɛn.

Rɛvɛleshɔn 2:14

Bɔt sɔm tin dɛn de we a blem una fɔ, sɔm pan una de du dɛn tin we Belam bin tɛl pipul fɔ du; na Belam bin sho Belak aw fɔ trap di Izrɛl pipul dɛn mek dɛn sin. I bin mek dɛn it it we dɛn bin dɔn gi dɛn tin we mɔtalman mek fɔ pre to, ɛn i mek dɛn wan we bin dɔn mared, liv fri layf.

Matyu 23:39

A de tɛl una se, frɔm naw sote go, una nɔ go si mi igen, sote di tɛm we una go se, ‘Gɔd blɛs di pɔsin we i dɔn sɛn fɔ kam tinap fɔ am.’”

Zɛkaraya 13:2

PAPA GƆD Ɔlmayti se na da de de i go pul ɔl dɛn ɔda gɔd we dɛn mek fɔ wɔship na di land ɛn nɔbɔdi nɔ go de mɛmba dɛn, dɔn ivin dɛn prɔfɛt dɛn ɛn di spirit we de mek dɛn wan fɔ wɔship di ɔda gɔd dɛn nɔ go de igen

Ozie 14:8

I aks Ifrem se wetin i gɛt fɔ du wit dɛn ɔda gɔd dɛn we dɛn de mek. I mɛmba dɛn se nain na di wan we de ansa dɛn prea ɛn luk afta dɛn. I se in tan lɛk tik we grin ɔltɛm so i kin bia frut ɔltɛm so dɛn fɔ abop pan am fɔ frut.

Ozie 14:3

Tɛl am se Asiria nɔ ebul pul una pan trɔbul ɛn una nɔ go sidɔm pantap ɔs de blɔf igen Una nɔ go kɔl tin dɛn we una tek an mek, PAPA GƆD. Tɛl am se una no se nain de sɔri fɔ udat nɔ gɛt papa.

Jɛrimaya 12:4

Aw lɔŋ di land go de sɔri, ɛn di gras na ɔl dɛn fil de wida? Fɔseka di wikɛdnɛs we di wan dɛm we tap de, de du, di animal dɛm ɛn di bɔd dɛm ɔl de day, bikɔs pipul dɛn de tɔk se; “I nɔ go si aw wi go ɛnd.”

Ayzaya 27:9

So, na bay dat dɛn go pe fɔ Jekɔb in sin, ɛn na dis go bi di faynal tin we go pul in sin; wɛn i mek ɔl di ston dɛn na di ɔlta dɛn tan lɛk chɔk we dɛn gren to pawda, nɔn Ashɛrim ɔ insɛns ɔlta nɔ go tinap igen

Izikɛl 44:12

Bikɔs dɛn bin minista to dɛm, frɔnt dɛn lay lay gɔd dɛm, ɛn dɔn bi wan bad bad wikɛd blɔk we Izrɛl pipul de bɔk dɛn fut pan; fɔseka dat, a dɔn swɛ bɔt dɛn se dɛn go bia dɛn pɔnishmɛnt, PAPA GƆD tɔk se.

Matyu 13:41

Mɔtalman Pikin go sɛn in enjɛl dɛn fɔ pul dɛn pipul we de mek pipul sin ɛn dɛn wan we de du bad, kɔmɔt to dɛn pipul we Gɔd de rul.

Ayzaya 6:11

Nain a tɔk se, “E PAPA GƆD aw lɔŋ?” Nain I se, “sote di siti dɛn ɔl lɛf ɛmti ɛn pɔsin dɛn nɔ tap de, ɛn nɔbɔdi nɔ tap na di os dɛm, ɛn nɔbɔdi nɔ tap na di land,

Ayzaya 6:12

ɛn PAPA GƆD mek pipul dɛn tap fawe, ɛn di say dɛn we pipul dɛn nɔ bisin bɔt, dɔn plɛnti na di land.

Jɛrimaya 9:10

Una bigin kray ɛn ala fɔ dɛn mawnten dɛm, ɛn kray fɔ di say dɛn we plɛnti gras de gro fɔ fid animal na di dray ɛn ɛmti ples, bikɔs dɛn de yuslɛs wan, so dat nɔbɔdi nɔ de pas de, ɛn dɛn nɔ de yɛri di kaw dɛn de kray igen; di bɔd dɛm we de flay na di skay, ɛn di animal dɛn, dɔn rɔnawe.

Jɛrimaya 50:3

Bikɔs, na di nɔt wan neshɔn go kɔmɔt kam atak am, we go mek mek in land tɔn gud fɔ natin ples, ɛn nɔbɔdi nɔ go tap de; di mɔtalman ɛn di animal dɛm ɔl go rɔnawe.

Jɛnɛsis 6:7

ɛn i se, “A go kil ɔl wetin a dɔn put na di wɔl; mɔtalman, big ɛn smɔl animal, dɛn tin dɛn we de krip na grɔn ɛn dɛn bɔd dɛn we de flay. A rigrɛt sɛf we a mek dɛn ɔl put na wɔl.”

Jɛrimaya 7:20

PAPA GƆD Ɔlmayti se, “A go put mi animal, a go put am pan tik dɛm na bush ɛn di frut dɛn we de gro kɔmɔt na grɔn; i go bɔn ɛn i nɔ go ɔt.”