Zɛfinaya 1:16 - Krio Fɔs Oli Baybul

¹⁶ na tɛm we wɛn di trɔmpɛt go blo so, ɔlman go ala se tɛm dɔn rich fɔ fɛt. Dɔn dɛn ples we dɛn bin min se nɔbɔdi nɔ go go bikɔs i trɔŋ, nain dɛn go atak wit ɔl dɛn ay ay wɔl.

Zɛfinaya 1:16 Referans Kwoze

Emɔs 3:6

Pipul go yɛri ɔn fɔ wa dɛn nɔ fred? Wɛn dombolo fɔdɔm na di siti, nɔto mi, PAPA GƆD de mek i bi?

Ozie 8:1

PAPA GƆD se fɔ ala lawd lawd wan mek ɔlman yɛri se bikɔs di pipul dɔn brok PAPA GƆD in Kɔvinant ɛn in lɔ dɛn, di ɛnimi dɛn we de pas lɛk yuba de ɔlsay na PAPA GƆD in os.

Ayzaya 32:14

Bikɔs dɛn go lɛf kiŋ ɛmti, da siti we bin fulɔp go ɛmti; di il ɛn di wachman tawa go tɔn ples fɔ animal fɔ tap sote go, ples we wayl dɔŋki dɛn go gladi fɔ tap, ples we ship ɛn got go de it;

Abakɔk 3:6

I kin tek stand fɔ luk wetin de apin na wɔl; wɛn i luk, ɔl di pipul na wɔl de trimbul. Di mawnten dɛn we bin dɔn de frɔm tɛm kin skata; dɔn di il dɛnsɛf we bin dɔn de frɔm tɛm kin jɛs lɔs, na so i bin dɔn de du lɔntɛm.

Ozie 5:8

Una blo di ɔn na Gibia ɛn blast di trɔmpɛt na Rama, Sawnd di alam na Bɛthavɛn; una mach, go bigin di fɛt, pipul we de na Bɛnjamin.

Jɛrimaya 8:16

Dɛn yɛri dɛn ɔs dɛn we dɛn de sniz ɔl di we na Dan; we dɛn man ɔs dɛn de ala, di wanol land de shek. Dɛn kam kam it ɔltin na di land ɛn wetin fulɔp de, dat na di siti ɛn dɛn wan dɛn we tap de.

Jɛrimaya 6:1

Una rɔn go ayd, una Bɛnjamin in pikin dɛm, una rɔn kɔmɔt insay Jerusɛlɛm! Una blo di trɔmpɛt na Tɛkoa, ɛn put sayn ɔp na Bɛtachɛrɛm; bikɔs bad bad tin de na rod de kam kɔmɔt na di nɔt, ɛn ebi ebi nyakanyaka.

Ayzaya 59:10

Wi de fil fil di wɔl dɛn lɛk blɛn yay, waka de fil fil lɛk dɛn wan we nɔ gɛt yay; we de bɔkfut sansan tɛm lɛk aw dɛn de bɔk fut na nɛt, we wi de wit dɛn wan we get ɛnaji, wi kin tan lɛk dayman.

Ditarɔnɔmi 28:52

Dɛn go atak ɔl dɛn siti dɛn te dɛn brok ɔl di wɔl dɛn we dɛn abop pan ɔlsay na di land; dɛn go kapchɔ ɔl dɛn siti dɛn na di land we PAPA GƆD we na dɛn PAPA GƆD, bin dɔn gi dɛn.

Ayzaya 27:13

Ɛn da tɛm de, dɛn go blo wan big big trɔmpɛt, ɛn dɛn wan we bin lɔs na Asiria, ɛn dɛn wan dɛn we dɛn bin drɛb go Ijipt, go kam wɔship PAPA GƆD na di oli mawnten na Jerusɛlɛm.

Joɛl 2:1

Blo di trɔmpɛt na Zayɔn; mek nɔys fɔ kɔl atɛnshɔn pantap PAPA GƆD in oli mawnten! Lɛ ɔl di pipul we tap na di land trimbul bikɔs di de we PAPA GƆD de kam de nia,

Jɔshwa 6:20

So di man dɛn we de mek sakrifays fɔ pipul sin we ol di trɔmpɛt dɛn, blo dɛn. As dɛn blo di trɔmpɛt dɛn so, nain di pipul dɛn ɔl ala lawd lawd wan ɛn di wɔl we de rawnd Jɛriko, fɔdɔm flat wan na grɔn. Di Izrɛlayt dɛn ɔl rɔn go insay di siti ɛn kapchɔ di siti.

Izikɛl 7:7

Una we tap na di land, una day dɔn kam to una; di tɛm dɔn kam, di de dɔn kam nia, di de we kɔnfyushɔn ɛn bɔku bɔku ala go bi, ɛn nɔto gladi ala sɛf go de na di mawnten dɛm.