Zɛfinaya 1:15 - Krio Fɔs Oli Baybul

¹⁵ Na de we PAPA GƆD go sho aw i vɛks, we siriɔs waala go fɔdɔm ɛn ɔlman go sɔri so, ɛn fil am insay dɛn bon we waala go de; na de we ɔltin go pwɛl ɛn nyamanyama; di ples go dak ɛn sik so, dɔn di klawd go kɔba wit di daknɛs,

Zɛfinaya 1:15 Referans Kwoze

Joɛl 2:2

na de we ɔltin go dak ɛn luk sɔri, i mek di ples dak bad bad wan Lɛk aw di ples go blak na di mawnten na so di pipul go bɔku ɛn pawaful; i go at fɔ si dɛn kayn, we nɔ bin ɛva bi bifo ɛn i nɔ go ɛva bi igen na ɔl di jɛnareshɔn.

Ayzaya 22:5

Bikɔs PAPA GƆD Ɔlmayti gɛt in yon de fɔ ala ala ɛn fɔ mas mas pipul ɛn fɔ mek kɔnfyushɔn na di Vali ɔf Vishɔn, fɔ bata wɔl kan dɔŋ ɛn fɔ ala to dɛn mawnten dɛn.

Rɛvɛleshɔn 6:17

Di tɛm dɔn kam we dɛn de sho se dɛn vɛks pan wi, udat go ebul sev insɛf?”

Pita In Sɛkɛn Lɛta 3:7

Bɔt Gɔd in wɔd we bin mek ɔl di wɔl we de naw, kip am fɔ mek i bɔn na faya di de we Gɔd go jɔj dɛn pipul we kin de du dɛn tin we i nɔ lɛk ɛn mek dɛn go na ɛl.

Lɛta Fɔ Rom 2:5

Bɔt una traŋayes ɛn una at traŋa, na dat mek Gɔd go pɔnish una mɔ di de we i go sho aw i vɛks pan mɔtalman ɛn we i go jɔj dɛn lɛkɛ aw i fɔ jɔj dɛn.

Zɛfinaya 2:2

bifo i drɛb dɛn, lɛk chaf chaf we briz de blo bifo PAPA GƆD in vɛksteshɔn kam pan una di de we PAPA GƆD go vɛks.

Zɛfinaya 1:18

We PAPA GƆD dɔn rɛdi fɔ du wetin i want, nɔn mɔni, i lɛk aw i bɔku nɔ go tap am. We PAPA GƆD dɔn jɛlɔs gud, i go jɛs mek faya bɔn ɛn dɔnawe wit ɔlman we tap na wɔl.

Joɛl 2:11

PAPA GƆD yuz in vɔys fɔ tɔk bifo in ami, di pipul nain ami so bɔku; di pɔsin we de gi dɛn ɔda so pawaful. Di de we PAPA GƆD go kam na big de we pɔsin fɔ fred; nɔbɔdi nɔ go ebul fɔ bia am.

Jɛrimaya 30:7

Ey! Da de de go so big nɔn ɔda de nɔ go tan lɛk am; na tɛm fɔ Jekob fɔ sɔfa; bɔt stil, a go sev am.

Matyu 24:29

“Jɛs ɔl dɛn trɔbul de dɔn, di san go dak, di mun nɔ go shayn igen, di sta dɛn go fɔdɔm kɔmɔt na klawd, ɛn di pawa dɛn we de na di klawd go muf kɔmɔt na di ples we dɛn bin de.

Ditarɔnɔmi 28:52

Dɛn go atak ɔl dɛn siti dɛn te dɛn brok ɔl di wɔl dɛn we dɛn abop pan ɔlsay na di land; dɛn go kapchɔ ɔl dɛn siti dɛn na di land we PAPA GƆD we na dɛn PAPA GƆD, bin dɔn gi dɛn.

Ayzaya 8:22

ɛn dɛn go luk na grɔn, bɔt na pwɛl at ɛn daknɛs dɛn go si, we na bad bad pen; we go put dɛn insay tik tik daknɛs.

Joɛl 2:31

San nɔ go shayn, di ples go dak ɛn di mun go rɛd lɛk blɔd. I se ɔl dis go bi di de we PAPA GƆD go kam, dat na di big de we wi fɔ fred.

Ayzaya 13:9

Biliv mi, PAPA GƆD in de, go kam, i go kruɛl, wit vɛksteshɔn, ɛn bad bad wamat fɔ mek di wɔl ɛmti ɛn fɔ distrɔy di sina dɛn kɔmɔt de.