Zɛfinaya 1:13 - Krio Fɔs Oli Baybul

¹³ Dɛn go wutuwutu dɛn jɛntri go ɛn ivin dɛn os dɛn nɔ go bɛtɛ igen fɔ mek dɛn tap de. We dɛn bil nyu os, dɛn nɔ go ɛva tap de. Pan ɔl we dɛn go plant vayn gadin, dɛn nɔ go ebul pul wayn kɔmɔt de.

Zɛfinaya 1:13 Referans Kwoze

Emɔs 5:11

Una de tek aramu na poman an ɛn fos dɛn fɔ gi una rɔ wit; fɔ da aramu we una dɔn tek fɔ bil ston os, so una nɔ go slip insay di os. Da vayn gadin sɛf we una dɔn mek, una nɔ go tes di wayn.

Mayka 6:15

We una plant ɛnitin i nɔ go gro, una nɔ go ivin ebul fɔ yuz di ɔyl we una kwis dɔn una nɔ go drink di wayn we una mek.

Ditarɔnɔmi 28:30

We dɛn mared, na ɔda man go lidɔm wit dɛn wɛf dɛn. If dɛn bil os o, dɛn nɔ go slip de; na ɔda man go slip de. Dɛn plant frut o, na ɔda man go pik dɛn fɔ dɛn.

Izikɛl 7:21

A go mek fɔrina dɛn rɔnata am fɔ kil am, ɛn a go mek di wikɛd pipul dɛn na di wɔl kapchɔ am; ɛn dɛn go pwɛl ɛn nɔ gɛt nɔn rɛspɛkt fɔ am.

Jɛrimaya 15:13

“A go giwe ɔl una jɛntri ɛn ɔl una dia dia tin dɛn we una kip, to pipul dɛn we go bit una na wa, fɔseka ɔl di sin dɛn we una kɔmit na una wanol eria,

Jɛrimaya 9:19

Bikɔs, wi de yɛri pipul dɛn de kray na Zayɔn se: “Wetin mek wi dɔn alaki so! Dɛn dɔn disgres wi bad bad wan,, bikɔs wi dɔn kɔmɔt na di land, bikɔs dɛn dɔn brok brok wi os dɛm.”

Ditarɔnɔmi 28:39

Di frut dɛn we dɛn go plant fɔ mek wayn nɔ go bɛtɛ; tumbu go it ɔl.

Zɛfinaya 1:9

Da sem de de, i go pɔnish ɔl udat jomp go insay pipul yad ɛn we de ful dɛn bɔs dɛn os wit tif tin we dɛn buli pipul fɔ gɛt.

Mayka 3:12

Mayka se ɔl dɛn bad tin ya we dɛn de du go mek pipul nɔ de na Zayɔn, so dɛn go plant ɔlkayn tin de lɛk na fil; ɛn Jerusɛlɛm in go so pwɛl dat na stonston nɔmɔ go de de, dɔn PAPA GƆD in os go tɔn bush.

Izikɛl 22:31

Fɔseka dat, a dɔn put mi vɛksteshɔn pan dɛm; a dɔn kil dɛm wit mi wamat in faya; a dɔn pe dɛn bak bay aw dɛn biev. Na dis Papa Gɔd we na Gɔd tɔk se.”

Izikɛl 7:19

Dɛn trowe dɛn silva na trit, ɛn dɛn gold tan lɛk tin we nɔ klin na PAPA GƆD in yay; dɛn silva ɛn dɛn gol nɔ go ebul fɔ sev dɛm, di de we PAPA GƆD in bad bad vɛksteshɔn go fɔdɔm pan dɛm; dɛn nɔ go ebul satisfay di aŋri we go de kech dɛm, ɔ ful dɛm bɛlɛ sɛf, bikɔs na dɛn silva ɛn gol ya bin tɔn stɔmblin blɔk pan di pipul ɛn mek dɛn de du bad bad wikɛd tin dɛn.

Jɛrimaya 9:11

A go mek Jerusɛlɛm broko broko ples we ɔltin pak pantap in kɔmpin, ples we na so so Jakal tap; di siti dɛn na Juda go tɔn ɛmti ples we pɔsin nɔ go ebul tap, ples we anch sɛf nɔ de.”

Jɛrimaya 5:17

Dɛn go it ɔl wetin una avɛst ɛn ɔl di it we una gɛt fɔ it; dɛn go it una bɔypikin ɛn gyal pikin dɛm; dɛn go it una ship, got ɛn kaw dɛm; dɛn go it una greps ɛn una fig tik dɛm; una siti dɛn we una protɛkt ɛn abop pan, na sɔd dɛn go tek pwɛl dɛm.”

Jɛrimaya 4:20

Dizasta fala Dizasta siriɔs wan, di wanol land lɛf ɛmti ɛn yuslɛs. Wantɛm wantɛm so, mi tɛnt dɛn dɔn pwɛl, bifo yu mekɔp, mi kɔtin sɛf dɔn pwɛl.

Jɛrimaya 4:7

Wan layɔn dɔn kɔmɔt na di tay tay bush we i bin fasin, pɔsin we de nyakanyaka neshɔn dɛn de na rod; i dɔn kɔmɔt nain ples fɔ go mek yu land ples we natin nɔ de bi; una siti dɛn go tɔn pwɛl pwɛl ples usay pipul dɛn nɔ tap.

Ayzaya 6:11

Nain a tɔk se, “E PAPA GƆD aw lɔŋ?” Nain I se, “sote di siti dɛn ɔl lɛf ɛmti ɛn pɔsin dɛn nɔ tap de, ɛn nɔbɔdi nɔ tap na di os dɛm, ɛn nɔbɔdi nɔ tap na di land,

Ditarɔnɔmi 28:51

Na aŋri go kil di Izrɛlayt dɛn bikɔs, di pipul dɛn go tek ɔl dɛn animal dɛn we dɛn de mɛn, dɛn pikin dɛn, ɛn ɔl wetin go gro na dɛn fam dɛn. Dɛn go tek dɛn sid dɛn we dɛn kip fɔ it, ɛn dɛn wayn, dɛn ɔyl ɛn dɛn kaw ship ɛn got dɛn; natin dɛn nɔ go lɛf fɔ dɛn.

Jɛrimaya 17:3

ɛn na di mawtin dɛn na di opin kɔntri. A go giwe ɔl una Jɛntri ɛn ɔl una dia dia tin dɛn we una kip, fɔseka una sin dɛn we una kɔmit ɔloba di land.

Lamɛnteshɔn 5:2

Dɛn dɔn gi ɔl wetin wi gɛt to trenja dɛn, na fɔrina dɛn gɛt wi os dɛn.

Izikɛl 7:24

a go briŋ di neshɔn dɛn we bad pas ɔl fɔ tek ɔl dɛn os dɛm; a go tap ɔl dɛn pawa we mek dɛn de mek prawd, ɛn dɛn oli ples dɛm nɔ go gɛt nɔn rɛspɛkt.