Zɛfinaya 1:12 - Krio Fɔs Oli Baybul

¹² I se da tɛm de i go tek lamp fɔ luk insay Jerusɛlɛm so dat i go pɔnish dɛn man we bikɔs dɛn satisfay wit di lili ɛn natin we dɛn gɛt, nɔ bisin bɔt PAPA GƆD. Dɛn de tɔk na dɛn at se PAPA GƆD nɔ gɛt dɛn tɛm sɛf.

Zɛfinaya 1:12 Referans Kwoze

Emɔs 6:1

Waala go mit una dɛn bigman dɛn we liv izi layf na Zayɔn, una dɛn agbagba dɛn we fil se ɔltin ɔrayt wit una na Sameria, una dɛn bigman dɛn na da wɔndaful kɔntri we nem Izrɛl, we na una di pipul kin de go to fɔ ɛp dɛn!

Jɛrimaya 48:11

“Moab dɔn de kwayɛt wan frɔm we i yɔŋ ɛn dɔn sɛtul lɛk kɛtɛ kɛtɛ bɔtɔm pawayn; dɛn nɔ ɛva tɔn am frɔm bɔtul to bɔtul, ɛn i nɔ go ɛgzayl wande; so i stil tes di sem, ɛn in sɛnt sɛf nɔ chenj.

Izikɛl 8:12

Dɛn i tɛl mi se, “mɔtalman, yu si wetin di pipul dɛn na Izrɛl dɛn big wande du wɛn ples dak, ɔlman de nain yon smɔl rum wit in pikchɔ dɛm? Ɛn dɛn de se, PAPA GƆD nɔ de si wi, PAPA GƆD dɔn tɔn in bak pan di kɔntri?

Izikɛl 9:9

Nain PAPA GƆD tɛl mi se, “Izrɛl ɛn Juda dɛn sin dɔn pasmak; di land ful wit blɔd, ɛn so so advantej de na di siti; bikɔs dɛn de se, ‘PAPA GƆD dɔn tɔn in bak pan di land, ɛn so PAPA GƆD nɔ de si wetin di bi.’

Di Sam Dɛm 94:7

Dɛn se “PAPA GƆD nɔ de si i nɔ ivin de luk wi yon say.”

Rɛvɛleshɔn 2:23

A go mek ɔl dɛn wan we de fala am sik ɛn day. Dat go mek ɔl dɛn Kristiɛn ɔlɔbɔt no se a no wetin ɔlman na wɔl de tink ɛn a de si insay dɛn at. A go mek ɔlman gɛt di pe fɔ wetin i du.

Pita In Sɛkɛn Lɛta 3:4

Dɛn go de se, “We di pɔsin we dɛn bin se go kam? Frɔm we wi grampapa papa dɛn day te tide natin nɔ chenj na di wɔl; natin nɔ chenj frɔm di tɛm we Gɔd mek di wɔl!”

Obadaya 1:6

Di pipul dɛn na Idɔm, we na di sem pipul we na Isɔ in jɛnareshɔn, PAPA GƆD de tɛl una se, una ɛnimi dɛn go fɛn ɔl una jɛntri we una bin ayd.

Jɛrimaya 10:5

Dɛn lay lay gɔd dɛm na lɛkɛ Ta bebi na wata mɛlɔn fam, ɛn dɛn nɔ de tɔk; pas dɛn tot dɛm, bikɔs dɛn nɔ ebul waka. Nɔ fred dɛm, bikɔs dɛn nɔ ebul du yu bad, semweso, i nɔ de pan dɛn fɔ du gud.”

Ayzaya 5:19

di wan dɛn we kin se, “lɛ I mekes lɛ I du in wok kwik kwik so dat we go si am; lɛ di tin we di Oli Wan na Izrɛl mekup, apin jisnɔ, ɛn lɛ i bi naw naw, so dat we go si am!”

Di Sam Dɛm 14:1

Fulman de tɔk nain at se PAPA GƆD nɔ de. Ɔl wetin da kayn pɔsin de de du, kɔrɔpt. Nɔbɔdi nɔ de we de du gud.

Job 21:15

Udat na PAPA GƆD we wi fɔ sav am? Wetin wi go prɔfit if wi pre to am.

Izikɛl 9:4

Nain PAPA GƆD tɛl an se, “Go ɔlsay na Jerusɛlɛm, ɛn mak di man dɛn we de blo kan dɔŋ ɛn pini fɔseka ɔl dɛn bad bad tin we di pipul dɛn de du na di land, we PAPA GƆD nɔ lɛk.”

Malakay 2:17

Dɛn dɔn mek PAPA GƆD taya wit bɔku tɔk, bɔt dɛn de aks se aw dɛn mek i taya. We dɛn de se, if pɔsin du bad sɛf, na gud to PAPA GƆD ɛn i de gladi fɔ am ɛn we dɛn de fil se i nɔ go du dɛn natin.

Di Sam Dɛm 10:4

I fil se i gɛt ɔltin, i nɔ nid PAPA GƆD; i de biev lɛkɛ se PAPA GƆD nɔ de, as i nɔ gɛt natin fɔ du wit PAPA GƆD.