Taytɔs 3:9 - Krio Fɔs Oli Baybul

⁹ Bɔt nɔ gɛt natin fɔ du wit dɛn nɔnsɛns agyu, nɔ agyu bɔt wi grampapa papa dɛn nem, nɔ mek plaba ɛn fɛt bɔt dɛn tin we di Lɔ se wi fɔ du. Ɔl dat nɔ min natin ɛn dɛn nɔ go mek yu gen ɛnitin.

Taytɔs 3:9 Referans Kwoze

Sɛkɛn Lɛta To Timoti 2:14

Mɛmba yu pipul dɛn bɔt dɛn wɔd ya, ɛn wɔn dɛn siriɔs wan bifo Gɔd mek dɛn nɔ fɛt fɔseka dɛn wɔd we nɔ min natin. Dat nɔ de ɛp ɛnibɔdi, bifo dat i de mek dɛn pipul we de lisin, nɔ biliv Gɔd.

Sɛkɛn Lɛta To Timoti 2:23

Nɔ miks pan dɛn fulish agyumɛnt we pipul we nɔ sabi natin de gɛt; yu no se na plaba dɛn kin ɛnd pan.

Fɔs Lɛta To Timoti 4:7

Nɔ lisin to dɛn stori we nɔ tru ɛn we nɔ de tɔk ɛnitin bɔt Gɔd. Tren yusɛf fɔ liv fɔ Gɔd nɔmɔ.

Sɛkɛn Lɛta To Timoti 2:16

Nɔ lisin to dɛn fulish tɔk we nɔ gɛt natin fɔ du wit Gɔd, ɛn we jɛs de mek pipul lɛf fɔ fala Gɔd mɔ ɛn mɔ.

Taytɔs 1:14

ɛn lɛf fɔ biliv dɛn stori we na dɛn Ju pipul dɛnsɛf mek, ɛn lɛf fɔ du dɛn tin we dɛn pipul we dɔn tɔn dɛn bak pan di tru tin, tɛl dɛn fɔ du.

Job 15:3

I fɔ agyu fɔ tɔk we nɔ mek sɛns, ɔ tɔk tɔk we nɔ go min natin?

1 Kɔrint 8:1

A de kam tɔk naw bɔt dɛn it we pipul dɔn sakrifays to dɛn tin we mɔtalman mek fɔ pre to. Na tru dɛn kin tɔk we dɛn kin se, “Wi ɔl sabi plɛnti tin.” Wetin pɔsin sabi de mek di pɔsin in ed big nɔmɔ, bɔt if wi lɛk wi kɔmpin wi go ɛp dɛn mek dɛn biliv Gɔd mɔ ɛn mɔ.

1 Kɔrint 13:2

Ɔ if a gɛt di pawa fɔ tɔk wɔd we Gɔd tɛl mi fɔ tɔk; if a sabi ɔltin; ɔ if a kin ɔndastand ɔltin; if a ebul muf ay ay il bikɔs a biliv Gɔd lɛkɛ aw a fɔ biliv am, ɛn a nɔ lɛk mi kɔmpin mɔtalman, ɔl dɛn tin ya we a ebul du nɔ min natin.

Jems 4:1

Wetin mek una de fɛt ɛn mek plaba ɔltɛm? Dɛn tin we de insay una at we de fɛt fɔ mek una nɔ de wit Gɔd, na dɛn de mek una fɛt ɛn mek plaba ɔltɛm.