Taytɔs 3:6 - Krio Fɔs Oli Baybul

⁶ Fɔseka wetin Jizɔs, we de sev pipul, du, Gɔd mek in Spirit kam pan wi wit ɔl in pawa,

Taytɔs 3:6 Referans Kwoze

Joɛl 2:28

I se di tɛm go rich we in go put in Spirit pan ɔlman; dɛn bɔy ɛn gyal pikin dɛn go de tɔk PAPA GƆD Wɔd, dɛn olpa dɛn go de drim gbay ɛn dɛn yɔŋ man dɛn go de si vishɔn.

Lɛta Fɔ Rom 5:5

We wi no se dɛn tin ya go bi, wi no se wi nɔ go disapɔynt, bikɔs Gɔd dɔn du plɛnti tin ɛn i stil de du plɛnti tin we sho se i lɛk wi bad, ɛn in Spirit we i gi wi dɔn mek wi fil di lɛk we i lɛk wi insay wi at.

Apɔsul Dɛn Wok 10:45

Dɛn Ju pipul we bin biliv pan Jizɔs we bin kɔmɔt Jɔpa fala Pita kam, bin wɔnda wɛn dɛn si se Gɔd gi dɛn pipul we nɔto Ju, in Spirit.

Izikɛl 36:25

A go sprinkul klin wata pan una, ɛn una go klin pan ɔl una dɔti dɛm, ɛn a go was una klin pan ɔl una lay lay gɔd dɛm.

Ayzaya 44:3

Bikɔs a go tɔn wata na di land we tɔsti, 2 ɛn mek watasay dɛm na di dray grɔn; A go put mi Spirit pan yu pikin dɛn, ɛn mi blɛsin pan di wan dɛn we yu bɔn.

Jɔn 16:7

Bɔt a de tɛl una se, i go bɛtɛ fɔ una if a go, bikɔs if a nɔ go, di wan we go ɛp una fɔ du wetin Gɔd want nɔ go kam to una. Bɔt if a go, a go sɛn am kam to una.

Jɔn 1:16

Bikɔs i lɛk wi bad, i dɔn blɛs wi ɔl ɛn i de blɛs wi mɔ ɛn mɔ

Prɔvabs 1:23

Una lisin to wetin a de tɛl una; a go gi una gud advays ɛn tɛl una wetin a sabi.

Taytɔs 1:4

A de rayt to Taytɔs, mi yon tru pikin, bikɔs i biliv pan Krays lɛkɛ aw misɛf biliv pan am. Mek Gɔd we na mi Papa ɛn Krays Jizɔs we de sev wi blɛs yu ɛn mek ɔltin wɛl wit yu.

Lɛta Fɔ Ɛfisɔs 4:2

Una nɔ fɔ lif unasɛf ɔp ɛn una fɔ de bia wit una kɔmpin fɔ sho se una lɛk dɛn.

Lɛta Fɔ Ɛfisɔs 3:8

A nɔ gud rich ɛnibɔdi we na Kristiɛn, bɔt Gɔd dɔn pik mi ɛn i dɔn gi mi di chans fɔ go tɛl ɔda pipul we nɔto Ju bɔt di big big blɛsin dɛn we Krays gɛt we mɔtalman nɔ ebul ɔndastand.

Lɛta Fɔ Rom 8:2

Gɔd in Spirit we de gi layf ɛn we de rul wi dɔn mek wi gɛt wanwɔd wit Jizɔs Krays, ɛn i dɔn pul wi ɔnda di pawa we sin ɛn day bin gɛt oba wi.

Apɔsul Dɛn Wok 2:33

Gɔd dɔn mek Jizɔs rayz frɔm di grev ɛn mek i sidɔm nain raytan. Papa Gɔd dɔn gi Jizɔs in Spirit we i bin prɔmis ɛn ɔl wetin una de si ɛn wetin una de yɛri, na Jizɔs de mek dɛn bi.

Jɔn 7:37

Di las de pan di ɔlide we impɔtant pas ɔl di ɔda de dɛn, Jizɔs tinap ɛn tɔk lawd wan se, “If ɛnibɔdi tɔsti mek i kam to mi, kam drink.

Jɔn 4:10

Jizɔs se, “If yu bin no wetin Gɔd de gi pipul, ɛn if yu no udat de aks yu fɔ gi am wata fɔ drink, yu bin fɔ aks am ɛn i bin fɔ gi yu da wata we de mek pipul gɛt layf.”

Ayzaya 32:15

tete dɛn put PAPA GƆD in Spirit insay wi, ɛn di dray ɛn ɛmti ples tɔn fil we frut de bia bɔku bɔku wan, ɛn dɛn si di fil we frut de bia bɔku bɔku wan lɛkɛ fɔrɛst.

Lɛta Fɔ Rom 2:4

Ɔ sɔntɛm una nɔ luk di gud we Gɔd gud, di bia we i de bia wit una, ɛn we i nɔ de pɔnish una naw, lɛkɛ ɛnitin. Di tin we mek Gɔd gud to una na bikɔs i de tray fɔ mek una lɛf fɔ du bad ɛn kam to am.

Fɔs Lɛta To Timoti 6:17

As fɔ dɛn wan we jɛntri na dis wɔl, tɛl dɛn mek dɛn nɔ prawd, ɛn mek dɛn nɔ abop pan dɛn jɛntri, we sɔntɛm nɔ go de tumara; mek dɛn abop pan Gɔd we de gi wi ɔltin plɛnti plɛnti fɔ mek wi at gladi.