Taytɔs 3:3 - Krio Fɔs Oli Baybul

³ Tɛm bin de we wisɛf bin de pan fulish layf, wi nɔ bin de lisin to Gɔd, wi nɔ bin de lisin to mɔtalman, ɛn wi nɔ bin de du wetin rayt. Wi nɔ bin ebul kɔntrol wisɛf, ɛn na wetin wi at tɛl wi nɔmɔ wi bin de fala; wi bin de pan ɔl kayn ɛnjɔymɛnt, na bad nɔmɔ wi bin de mɛmba fɔ pipul, wi bin de jɛlɔs pipul, pipul nɔ bin lɛk wi ɛn wisɛf nɔ bin lɛk dɛn.

Taytɔs 3:3 Referans Kwoze

Lɛta Fɔ Kɔlɔse 1:21

Una nɔ bin de klos Gɔd ɛn una nɔ bin lɛk am; di tin dɛn we una bin de du ɛn tink bin mek una nɔ lɛk am.

Lɛta Fɔ Rom 6:17

Wi fɔ tɛl Gɔd tɛnki, bikɔs fɔs tɛm una na bin slev ɔnda sin, bɔt naw una dɔn tay una at fɔ du ɔl dɛn tru tin we dɛn bin lan una bɔt Gɔd.

Lɛta Fɔ Kɔlɔse 3:7

Tɛm bin de we unasɛf bin de du dɛn sem tin ya, ɛn na dɛn bin de rul una.

Lɛta Fɔ Rom 6:22

Bɔt naw Gɔd dɔn fri una, mek sin nɔ gɛt pawa fɔ rul una igen; una de lɛkɛ slev to Gɔd naw, so una dɔn gi Gɔd ɔl una layf ɛn una dɔn gɛt layf we go de sote go.

Pita In Fɔs Lɛta 1:14

Una fɔ du ɔl wetin Gɔd tɛl una fɔ du, una nɔ fɔ fala una at fɔ du dɛn bad tin we una bin lɛk fɔ du di tɛm we una nɔ bin no di Gud Nyuz bɔt Jizɔs Krays yet.

Prɔvabs 9:6

Dɛn se if dɛn want fɔ ɛnjɔy dɛn layf, lɛ dɛn lɛf fɔ kip kɔmpin wit dɛn wan we nɔ gɛt sɛns; ɛn lɛ dɛn tink gud.

2 Kɔrint 12:20

A de fred se wɛn a rich de a go si se una difrɛn frɔm aw a go lɛk fɔ mek una tan ɛn unasɛf go si se misɛf difrɛn frɔm aw una want mi fɔ tan. A de fred se a go kam mit plaba, wam at, kɔs, kɔnfyushɔn, pipul we de jɛlɔs dɛn kɔmpin, dɛn wan we de koŋosa dɛn kɔmpin, dɛn wan we want ɔltin fɔ dɛnsɛf, ɛn pipul we prawd.

Jɔn 8:34

Jizɔs se, “A de tɛl una fɔ tru se, ɛnibɔdi we sin, na slev to sin.

Matyu 21:29

Di pikin se, ‘A nɔ go du am,’ bɔt afta dat, i sɔri fɔ wetin i tɔk ɛn go du di wok.

Di Sam Dɛm 36:2

I tink se in na ɔl di go ɛn nɔ no sɛf se i de du rɔŋ

Jems 1:26

If ɛnibɔdi tink se in de fala Gɔd ɛn i nɔ de tek tɛm wɛn i de tɔk, i de mek insɛf ful. Na fɔ natin di pɔsin de fala Gɔd.

Lɛta Fɔ Galeshya 6:3

If pɔsin tink se in bɛtɛ pas in kɔmpin dɛn, ɛn nɔto so i bi, na ful i jɛs de mek insɛf.

Lyuk 21:8

Jizɔs se, “Una tek tɛm mek nɔbɔdi nɔ mek una ful bikɔs plɛnti pipul go tek mi nem kam, dɛn go se dɛn na di Mɛsaya ɔ di tɛm we i go kam bak dɔn de klos. Una nɔ fɔ fala dɛn.

Rɛvɛleshɔn 18:2

I ala lawd wan se, “Babilɔn, da tɔŋ we ɔlman no, dɔn pwɛl, i dɔn pwɛl pata pata; na ɔl kayn bad spirit tap de naw, ɔl dɛn wan we kɔmɔt to Setan; dɛn bad bɔd we pipul nɔ lɛk na dɛn dɔn go gɛda de.

Rɛvɛleshɔn 13:14

I mek ɔl di pipul dɛn na wɔl ful wit di tin dɛn we dɛn gi am pawa fɔ du bifo di fɔs wayl bif; dɛn tin ya bin mek pipul wɔnda. Di sɛkɛn wayl bif tɛl ɔl di pipul dɛn na di wɔl se mek dɛn mek sɔntin we dɛn go tek mɛmba ɛn rɛspɛkt di fɔs wayl bif we dɛn bin wund wit sɔd, bɔt nɔ bin day.

Rɛvɛleshɔn 12:9

Dɛn drɛb di big dragɔn kɔmɔt na ɛvin, ib am dɔŋ na wɔl! Nain na da snek we dɛn kɔl Dɛbul ɔ Setan, we bin de mek di ol wɔl ful. Dɛn ib am dɔŋ na wɔl, wit ɔl in mɛsenja dɛn.

Ayzaya 44:20

Na asis i de it; na kɔnfyus maynd dɔn mek i go astre ɛn i nɔ ebul sev insɛf ɔ aks insɛf se, “Nɔto lay dis de na mi raytan so?

Obadaya 1:3

I se di kak we una de kak se nɔbɔdi nɔ ebul una, dɔn mek una ful. Una fil se bikɔs una get ay ay wɔl oba una ed, nɔbɔdi nɔ go ebul una,

Prɔvabs 8:5

Una we nɔ gɛt wan ɛkspiriɛns, una tray gɛt sɛns, Una we ful, unasɛf tray gɛt sɛns.

Lɛta Fɔ Rom 6:6

Ɛn wi no fɔ tru se, di layf we wi bin liv fɔs tɛm dɔn di sem tɛm we dɛn kil Jizɔs Krays na di krɔs, so Gɔd dɔn pul di sin we bin de rul wi layf ɛn mek sin nɔ gɛt pawa na wi layf igen.

Lɛta Fɔ Rom 6:12

Una nɔ fɔ mek sin rul una bɔdi we go day, igen, so dat una nɔ go du ɛni bad tin we una at gi una fɔ du.

Lɛta Fɔ Rom 11:30

Fɔs tɛm una we nɔto Ju nɔ bin de du wetin Gɔd tɛl una fɔ du, bɔt naw Gɔd dɔn sɔri fɔ una bikɔs di Ju dɛn nɔ du wetin i tɛl dɛn fɔ du.

Sɛkɛn Lɛta To Timoti 3:6

Sɔm pan dɛn de go na pipul os, go tɔn dɛn uman dɛn at we nɔ no wetin dɛn de pan bikɔs dɛn sin de mɔna dɛn ɛn dɛn de du ɛnitin we dɛn at gi dɛn fɔ du;

Sɛkɛn Lɛta To Timoti 3:13

Wikɛd pipul ɛn dɛn wan we de mek pipul ful go de wɔs mɔ ɛn mɔ, dɛn go de mek plɛnti mɔ pipul ful ɛn dɛn go de mek dɛnsɛf ful.

Taytɔs 1:16

Dɛn de se dɛn no Gɔd, bɔt di tin dɛn we dɛn de du sho se dɛn nɔ no am. Dɛn gɛt bad at, dɛn nɔ de yɛri wɔd, dɛn nɔ fit fɔ du ɛnitin we gud.

Taytɔs 2:12

We i gud, i de sho wi se wi fɔ lɛf fɔ liv lɛkɛ pipul we nɔ no am, wi fɔ lɛf dɛn bad tin we wi want du na di wɔl, ɛn lan fɔ kɔntrol wisɛf, fɔ waka tret, ɛn fɔ waka wit am na dis wɔl,

Jɛnɛsis 38:9

Bɔt Onan bin no se di bɔypikin nɔ go bi in yon, so ɛnitɛm i lidɔm wit in brɔda in wɛf, i kin trik am ɛn grap kwik so i nɔ go gɛt bɛlɛ, bikɔs i nɔ want gɛt pikin fɔ in brɔda.

Jɛnɛsis 39:16

I kip di klos sote in man kam bak na os da nɛt de