Taytɔs 3:2 - Krio Fɔs Oli Baybul

² Tɛl dɛn mek dɛn nɔ tɔk bad bɔt ɛnibɔdi, mek dɛn nɔ lɛk fɔ mek plaba, mek dɛn de bia wit pipul ɛn mek dɛn nɔ ala pan ɛnibɔdi.

Taytɔs 3:2 Referans Kwoze

Lɛta Fɔ Ɛfisɔs 4:31

Una nɔ fɔ gɛt bad at fɔ una kɔmpin, una nɔ fɔ gɛt wam at, una nɔ fɔ ala pan ɛnibɔdi, ɛn una nɔ fɔ kɔs. Una nɔ fɔ et ɛnibɔdi ɛn una nɔ fɔ tɔk bad bɔt una kɔmpin.

Lɛta Fɔ Ɛfisɔs 4:2

Una nɔ fɔ lif unasɛf ɔp ɛn una fɔ de bia wit una kɔmpin fɔ sho se una lɛk dɛn.

Fɔs Lɛta To Timoti 3:3

i nɔ fɔ de drɔnk, i nɔ fɔ de vɛks kwik kwik, i nɔ fɔ de mek plaba; i nɔ fɔ lɛk mɔni;

Pita In Fɔs Lɛta 3:10

Dɛn rayt na Gɔd in Buk se, “Ɛnibɔdi we want mek in layf swit ɛn mek bɛtɛ fala am bambay fɔ lɛf fɔ de tɔk bad bɔt in kɔmpin ɛn i nɔ fɔ de lay.

Pita In Fɔs Lɛta 3:8

Di las tin we a gɛt fɔ tɛl una, na fɔ lɛ una ɔl gɛt wanwɔd, ɛn wan at; una fɔ lɛk unasɛf lɛkɛ brɔda ɛn sista, una fɔ gɛt sɔri at fɔ una kɔmpin ɛn una nɔ fɔ de mek prawd pan una kɔmpin.

Jems 4:11

Mi Kristiɛn pipul dɛn, una lɛf fɔ tɔk bad bɔt una kɔmpin mɔtalman. Ɛnibɔdi we tɔk bad bɔt in kɔmpin ɔ jɔj am, da pɔsin de de tɔk bad bɔt Gɔd in Lɔ, ɛn i de jɔj Gɔd in Lɔ. If una jɔj Gɔd in Lɔ, dat min se una nɔ de fala Gɔd in Lɔ.

Lɛta Fɔ Galeshya 5:22

Bɔt Gɔd in Spirit go mek pipul lɛk dɛn kɔmpin, i go mek dɛn gladi, i go mek dɛn nɔ de mek plaba, i go mek dɛn ebul bia trɔbul, ɛn i go mek dɛn de ɛp dɛn kɔmpin mɔtalman, i go mek dɛn de du gud to ɔda pipul, i go mek dɛn tru to dɛn kɔmpin,

Matyu 11:29

Una opin una at fɔ di tru tin dɛn we a de lan una, ɛn una lan ɔl wetin a de tɛl una, bikɔs a de bia wit una ɛn a nɔ de tɔk pan una; if una du dat, una go blo.

Pita In Fɔs Lɛta 2:1

So una fɔ lɛf ɔl dɛn bad tin we de na una layf: una fɔ lɛf fɔ lay, una fɔ lɛf fɔ mek ipokrit, una fɔ lɛf fɔ jɛlɔs una kɔmpin ɛn una fɔ lɛf fɔ tɔk bad bɔt dɛn.

Jems 3:17

Di sɛns we Gɔd de gi, na pɔsin wit klin at i de gi, na di fɔs tin dat. Pɔsin we gɛt da kayn sɛns de nɔ de mek plaba, i nɔ de ambɔg, i de du tin saful saful, ɛn i lɛk fɔ ɛp pipul; i gɛt sɔri at ɛn i de du plɛnti plɛnti gud; ɔl in at de fɔ Gɔd, i nɔ ipokrit.

Lɛta Fɔ Galeshya 6:10

Na dat mek, ɛnitɛm we una gɛt di chans, una fɔ du gud to ɔlman, pati kla wi kɔmpin Kristiɛn dɛn, bikɔs dɛn tan lɛkɛ wan fambul wit wi.

2 Samiɛl 22:36

Yu kɔba mi ɛn pul mi pan trɔbul yu ansa mi prea ɛn mek mi ed big.

Lɛta Fɔ Galeshya 6:1

Mi Kristiɛn pipul dɛn, if una no se sɔmbɔdi de du ɛni bad tin, una we de du wetin Gɔd in Spirit tɛl una, fɔ go ɛp di pɔsin mek i go du di rayt tin. Bɔt una nɔ fɔ tɔk traŋa wan pan am, ɛn una fɔ tek tɛm mek unasɛf nɔ go want fɔ du tin we nɔ rayt.

Fɔs Lɛta To Timoti 3:11

Dɛn wɛf sɛf fɔ siriɔs, dɛn nɔ fɔ de koŋosa; dɛn fɔ soba, dɛn fɔ ebul kɔntrol dɛnsɛf, ɛn dɛn fɔ de waka tret ɔltɛm.

Fɔs Lɛta Fɔ Tɛsalonayka 2:7

We wi na Krays in apɔsul dɛn, wi bin gɛt di rayt fɔ tɛl una fɔ du sɔntin fɔ wi, bɔt wi go kɛlɛkɛlɛ wit una lɛkɛ aw kombra kin bayo bayo in pikin dɛn.

Lɛta Fɔ Filipay 4:5

Mek ɔlman si se una ebul bia wit pipul. Una mɛmba se, i nɔ go te igen, di Masta go kam bak.

1 Kɔrint 9:19

Mi na fri man, mi nɔto slev to ɛnibɔdi; bɔt a de mek misɛf slev to ɔlman, so dat a go briŋ ɔl dɛn wan we a kin briŋ, kam to Krays.

Di Sam Dɛm 140:11

Lɛ dɛn wan we jɛs de fɔ pwɛl pipul nɔ gɛt ples fɔ de, ɛn lɛ siriɔs trɔbul mit dɛn wan we lɛk fɔ atak pipul.

2 Kɔrint 12:20

A de fred se wɛn a rich de a go si se una difrɛn frɔm aw a go lɛk fɔ mek una tan ɛn unasɛf go si se misɛf difrɛn frɔm aw una want mi fɔ tan. A de fred se a go kam mit plaba, wam at, kɔs, kɔnfyushɔn, pipul we de jɛlɔs dɛn kɔmpin, dɛn wan we de koŋosa dɛn kɔmpin, dɛn wan we want ɔltin fɔ dɛnsɛf, ɛn pipul we prawd.

2 Kɔrint 10:1

Na mi, Pɔl, de beg una dɛn se a de fred fred wɛn a de wit una, na wɛn a nɔ de klos una nɔmɔ, a gɛt mɔt. A de tek di sem peshɛnt ɛn kwayɛt we we Krays gɛt beg una:

Apɔsul Dɛn Wok 23:5

Pɔl ansa dɛn se, “Mi brɔda dɛn, a nɔ bin no se nain na di edman we de mek sakrifays fɔ pipul sin. Gɔd in Buk se, ‘Una nɔ fɔ tɔk bad bɔt di pɔsin we de rul oba una.’”

Prɔvabs 25:24

I bɛtɛ lɛ man tap na fɔl-os pas fɔ tap na os wit uman we lɛk plaba.

Jud In Lɛta 1:10

Bɔt dɛn pipul ya de tɔk bad bɔt ɛnitin we dɛn nɔ sabi; dɛn de du ɛnitin we dɛn ed gi dɛn fɔ du lɛkɛ dɛn bif na bush, ɛn na dat de pwɛl dɛn.

Jud In Lɛta 1:8

Semwe so, dɛn drim we dɛn pipul ya de drim de mek dɛn tek dɛn bɔdi du dɛn tin we fɔ mek dɛn shem ɛn we mek dɛn nɔ klin; dɛn nɔ de mek Gɔd kɔntrol dɛn layf, dɛn de tɔk bad bɔt di wan dɛn we gɛt pawa ɛn ɔna na ɛvin.

Pita In Sɛkɛn Lɛta 2:10

dɛn ticha we de fala dɛn at fɔ du dɔti tin wit dɛn bɔdi ɛn we nɔ de du wetin dɛn wan we de oba dɛn tɛl dɛn fɔ du, na dɛn mɔ Gɔd go pɔnish. Dɛn ticha ya dɛn at traŋa ɛn dɛn de du wetin dɛn ed gi dɛn fɔ du; dɛn nɔ de fred sɛf fɔ tɔk bad bɔt ɔl dɛn wan we de na ɛvin ɛn laf dɛn.

Pita In Fɔs Lɛta 4:4

Dɛn pipul we nɔ no Gɔd, we una ɔl bin kia fri, de wɔnda naw bikɔs una nɔ de jɔyn dɛn igen fɔ liv bad layf; so dɛn de tɛl una tin we fɔ mek una fil bad.

1 Kɔrint 6:10

dɛn wan we de tek dɛn kɔmpin prɔpati, dɛn wan we want ɔltin fɔ dɛnsɛf, dɛn wan we de drɔnk, dɛn wan we de tɔk bad bɔt ɔda pipul, ɛn dɛn wan we de tif: dɛn nɔn nɔ go go na di say we Gɔd de rul.

Ayzaya 40:11

I go fid in ship dɛm lɛk shɛpad, i go gɛda di ship pikin dɛn nain an, I go bɔn dɛm nain buzɔm, ɛn i go tek tɛm lid di kombra dɛn.

Prɔvabs 19:19

Ɛnibɔdi we se in gɛt wamat, lɛf am lɛ i pe fɔ in wamat; if yu ɛp am, i go du am bak.