Taytɔs 3:13 - Krio Fɔs Oli Baybul

¹³ Tray fɔ ɛp Zinas, we na lɔya, ɛn Apɔlɔs fɔ mek dɛn bigin go patrol, ɛn mek shɔ se dɛn gɛt ɔltin we dɛn fɔ gɛt.

Taytɔs 3:13 Referans Kwoze

Apɔsul Dɛn Wok 18:24

Wan Ju man we bin nem Apɔlɔs bin go Ɛfisɔs. I bin bɔn na Alɛgzanda. Na man we bin sabi tɔk ɛn i bin sabi wetin rayt na di Ju Lɔ buk.

Matyu 22:35

Wan pan dɛn we na Ju Lɔ ticha, aks Jizɔs kwɛshɔn fɔ kech am.

Apɔsul Dɛn Wok 28:10

Dɛn gi wi plɛnti tin fɔ sho wi dɛn rɛspɛkt, dɔn, wɛn wi dɔn go insay di big bot, dɛn gi wi ɔl wetin bin gud fɔ wi fɔ gɛt, fɔ go ɔda say.

1 Kɔrint 16:11

Nɔbɔdi nɔ fɔ luk se we i yɔŋ, i nɔ go ebul du bɛtɛ wok, bɔt una fɔ ɛp am mek i go gɛt kol at wɛn i de go dɛn ɔda say dɛn we i gɛt fɔ go, so dat i go kam bak kam mit mi; mi ɛn di ɔda Kristiɛn brɔda dɛn de luk in rod fɔ mek i kam bak to wi.

Lɛta Fɔ Rom 15:24

a go lɛk fɔ pas to una naw we a de go Spen, ɛn afta a go dɔn de wit una fɔ sɔm tɛm, a go want mek una gi mi sɔm mɔni we go ɛp mi fɔ pe go de.

Apɔsul Dɛn Wok 21:5

Bɔt wɛn di tɛm rich fɔ kɔmɔt Taya, dɛn ɔl, man, wɛf, ɛn pikin go lɛf wi na rod wɛn wi de go. Wɛn wi rich na di sho, wi ɔl nil dɔŋ ɛn pre.

Lyuk 14:3

Jizɔs aks dɛn Ju Lɔ ticha ɛn dɛn Faresi se, “Di Lɔ se fɔ mɛn pɔsin ɔ nɔ fɔ mɛn pɔsin di de fɔ pre ɛn blo?”

Lyuk 11:52

“I go bad fɔ una dɛn Ju Lɔ ticha, bikɔs una dɔn lɔk di ples we pipul fɔ go fɔ lan bɔt Gɔd ɛn kɛr di ki go. Una nɔ de go insay ɛn una nɔ gri fɔ mek ɔda pipul go insay.”

Lyuk 11:45

Wan pan di Ju Lɔ ticha dɛn ansa Jizɔs se, “Masta, we yu tɔk so, yu dɔn blem wisɛf!”

Lyuk 10:25

Wan Ju Lɔ ticha aks Jizɔs wan kwɛshɔn fɔ tɛst am; i se, “Ticha, aw a go manej fɔ gɛt layf we go de sote go?”

Lyuk 7:30

Bɔt di Faresi dɛn ɛn di Ju Lɔ ticha dɛn nɔ gri fɔ du wetin Gɔd tɛl dɛn fɔ du ɛn dɛn nɔ gri mek Jɔn baptayz dɛn.

Apɔsul Dɛn Wok 15:3

Di chɔch mɛmba dɛn sɛn Pɔl ɛn Banabas go. Wɛn Pɔl ɛn Banabas bin de pas na Finishia ɛn Sameria, dɛn tɛl di chɔch pipul dɛn se dɛn pipul we nɔto Ju dɔn biliv Gɔd. Dis nyuz mek ɔl di Kristiɛn dɛn gladi bad.

Apɔsul Dɛn Wok 19:1

Di tɛm we Apɔlɔs bin de na Kɔrint, Pɔl waka insay dɛn kɔntri te i rich Ɛfisɔs; na de i mit sɔm Kristiɛn dɛn.

1 Kɔrint 16:12

As fɔ brɔda Apɔlɔs, plɛnti tɛm a kin tɛl am mek i de go fɛn una wit dɛn ɔda Kristiɛn brɔda dɛn, bɔt i nɔ fil se in fɔ go naw. Bɔt wɛn i gɛt chans, i go go.