Taytɔs 2:8 - Krio Fɔs Oli Baybul

⁸ Pik yu wɔd dɛn gud gud so dat pipul nɔ go gɛt ɛnitin fɔ se, ɛn dɛn wan we nɔ lɛk yu go shem, bikɔs dɛn nɔ go gɛt ɛni bad tin fɔ tɔk bɔt wi.

Taytɔs 2:8 Referans Kwoze

Pita In Fɔs Lɛta 2:12

Di we we una liv wit dɛn pipul we nɔ no Gɔd fɔ fayn, so dat wɛn dɛn go de tɔk se una de du bad, dɛnsɛf go si se una dɔn du gud wok, fɔ tru, ɛn dat go mek, di de we Gɔd go kam fɔ jɔj di wɔl, dɛn go prez Gɔd.

Pita In Fɔs Lɛta 2:15

Gɔd want mek una du di rayt tin, so dat dɛn fulish pipul we nɔ sabi natin go sɛt dɛn mɔt.

Pita In Fɔs Lɛta 3:16

bɔt una nɔ fɔ fos pipul fɔ biliv pan Krays ɛn una fɔ de lisin to wetin dɛn de tɔk. Una fɔ shɔ se ɔl wetin una de du na wetin una at tɛl una se rayt, so dat dɛn pipul we de tɔk se una nɔ de waka tret, ɛn dɛn wan we de tɔk bad bɔt di gud we una de du we una de waka wit Krays, go shem.

Fɔs Lɛta To Timoti 6:3

Ɛnibɔdi we de lan pipul difrɛn tin ɛn we nɔ gri wit di tru wɔd dɛn we wi Masta Jizɔs tɔk, dat na aw wi de lan pipul fɔ waka wit Gɔd,

Sɛkɛn Lɛta Fɔ Tɛsalonayka 3:14

Sɔntɛm, pɔsin de we nɔ gri du di tin we wi rayt na dis lɛta. If dat bi, una fɔ no di kayn pɔsin we i bi ɛn una nɔ fɔ miks wit am, so dat i go shem.

Nɛimaya 5:9

A tɛl dɛn igen se, wetin dɛn de du nɔ fayn. A aks dɛn se if i nɔ bɛtɛ fɔ biev lɛkɛ udat gɛt fred fɔ PAPA GƆD ɛn avɔyd fɔ mek dɛn pegan dɛn laf dɛn.

Ayzaya 66:5

Una yɛri PAPA GƆD in wɔd yu we de trimbul we yu yɛri in wɔd: ‘Yu brɔda dɛn we et yu ɛn trowe yu na do fɔseka mi nem dɔn se, “Lɛ PAPA GƆD tek glori so dat wi go si se yu gladi’; bɔt na dɛn go shem.

Fɔs Lɛta To Timoti 5:14

So a fil se i bɛtɛ mek dɛn yɔŋ uman we dɛn man dɔn day mared bak, gɛt pikin ɛn wok mek dɛn man ɛn pikin biznɛs rayt, so dat dɛn pipul we nɔ lɛk wi nɔ go ebul tɔk ɛni bad tin bɔt wi.

Lyuk 13:17

Jɛs Jizɔs tɔk dis wɔd ya, di pipul dɛn we bin go pre gladi fɔ ɔl wetin Jizɔs du, ɛn dɛn wan we nɔ bin lɛk Jizɔs, shem.

Mak 12:34

Jizɔs no se di Ju Lɔ ticha ansa am wit sɛns, so i tɛl am se, “Di tɛm we yu go lɛ Gɔd rul yu dɔn kam klos.” Afta dat, ɔlman fred fɔ aks Jizɔs kwɛshɔn.

Mak 12:32

Di Ju Lɔ ticha tɔk igen, i se, “Ticha, yu dɔn tɔk tru we yu se, na wangren Gɔd de, ɔda wan nɔ de.

Mak 12:28

Wan Ju Lɔ ticha kam mit dɛn de agyu, i no se Jizɔs ansa dɛn wɛl, so i aks Jizɔs se, “Uswan pan di lɔ dɛn pas ɔl di ɔda wan dɛn?”

Mak 12:17

Jizɔs se, “Una gi di kiŋ na Rom wetin blant am ɛn una gi Gɔd wetin blant Gɔd.” Di pipul dɛn we kam fɔ tray Jizɔs wɔnda wɛn dɛn yɛri wetin Jizɔs tɔk.

Taytɔs 3:14

Sho wi pipul aw fɔ yus dɛn tɛm fɔ du gud wok, so dat dɛn kin ɛp ɔda pipul fɔ gɛt wetin dɛn fɔ gɛt; dɛn nɔ fɔ du ɛni wok we nɔ go ɛp ɔda pipul.