Taytɔs 2:5 - Krio Fɔs Oli Baybul

⁵ ɛn dɛn go no se dɛn fɔ ebul kɔntrol dɛnsɛf ɛn dɛn nɔ fɔ miks pan dɔti layf, dɛn fɔ de du dɛn os biznɛs gud, dɛn fɔ de du wetin dɛn man tɛl dɛn fɔ du, so dat nɔbɔdi nɔ go tɔk bad bɔt Gɔd in mɛsej.

Taytɔs 2:5 Referans Kwoze

Lɛta Fɔ Kɔlɔse 3:18

Una dɛn mare du man, una fɔ put yay dɔŋ to una man. Na so una fɔ du bikɔs una dɔn biliv pan Krays ɛn una de fala am.

Fɔs Lɛta To Timoti 5:10

ɛn ɔlman fɔ no am fɔ di gud tin dɛn we i de du: i fɔ bi uman we tren in pikin dɛn gud, we kin du gud fɔ trenja, we kin wok fɔ di Kristiɛn dɛn, we kin ɛp dɛn pipul we de pan trɔbul, ɛn we kin du ɔl kayn gud wok.

Jɛnɛsis 3:16

Dɛn PAPA GƆD tɛl di uman se, “A go mek i nɔ izi fɔ yu we yu gɛt bɛlɛ, ɛn na pan traŋa pen yu go bɔn pikin. Pan ɔl dat, yu nɔ go ebul kɔmɔt biɛn yu man ɛn i go de kɔntrol yu.”

Lɛta Fɔ Ɛfisɔs 5:33

Na di sem tin fɔ bi to una: ɛvri man we mared fɔ lɛk in wɛf lɛkɛ aw i lɛk insɛf, ɛn ɔl mared uman fɔ rɛspɛkt in man.

Apɔsul Dɛn Wok 9:36

Wan uman bin de na Jɔpa we bin nem Tabita. (Dɛn Grik pipul de kɔl am Dɔkas we min, bif we dɛn kɔl dia.) Dis uman ya bin biliv pan Jizɔs ɛn ɔltɛm i kin de du gud ɛn i kin de ɛp dɛn po pipul.

Fɔs Lɛta To Timoti 6:1

Ɔl dɛn Kristiɛn pipul we na slev fɔ luk se dɛn masta dɛn na pipul we dɛn fɔ rɛspɛkt, so dat nɔbɔdi nɔ go tɔk bad bɔt Gɔd in nem ɔ tɔk bad bɔt dɛn tin we wi de lan dɛn.

Prɔvabs 7:11

Na uman we gɛt maynd ɛn nɔ gɛt wan shem. Ɔltɛm i de na trit.

1 Kɔrint 14:34

dɛn uman nɔ fɔ tɔk na dɛn mitin na chɔch; na so dɛn rayt na di Ju Lɔ.

1 Kɔrint 11:3

Bɔt a want mek una ɔndastand sɔntin: Na Krays de oba ɔlman, na di man de oba in wɛf, ɛn na Gɔd in wangren de oba Krays.

Lɛta Fɔ Rom 2:24

Gɔd in Buk se, “Na una dɛn Ju pipul de mek dɛn pipul we nɔto Ju tɔk bad bɔt Gɔd.”

Apɔsul Dɛn Wok 9:39

So Pita rɛdi go mit dɛn. Wɛn i rich, dɛn kɛr am go na di rum. Ɔl dɛn uman we dɛn man dɔn day, bin gɛda na di os. Dɛn bin de kray ɛn dɛn bin de sho Pita di klos dɛn we Dɔkas bin dɔn so.

Di Sam Dɛm 74:10

PAPA GƆD, aw lɔŋ yu de lɛf wi ɛnimi dɛn fɔ laf yu? Yu go lɛf dɛn fɔ tɔk bad bɔt yu te go?

2 Samiɛl 12:14

Bɔt bikɔs i du so, i dɔn mek PAPA GƆD in ɛnimi dɛn nɔ de luk am wit bɛtɛ yay ɛn di pikin we Bathshiba go bɔn go day.

Jɛnɛsis 18:9

Nain dɛn aks am se, “We yu wɛf Sera?” I ansa dɛn se, “I de insay di tɛnt.”

Lɛta Fɔ Rom 14:16

Una nɔ fɔ mek pipul tɔk bad bɔt ɛnitin we una luk se na gud tin.

Taytɔs 2:4

so dat di yɔŋ uman dɛn go no se dɛn fɔ lɛk dɛn man ɛn dɛn pikin,