Taytɔs 2:3 - Krio Fɔs Oli Baybul

³ Semwe so, tɛl di big uman dɛn se dɛn fɔ de du lɛkɛ aw dɛn uman we de waka wit Gɔd fɔ du. Dɛn nɔ fɔ tɔk bad bɔt pipul, dɛn nɔ fɔ drink sote dɛn nɔ ebul lɛf wayn igen. Dɛn fɔ de lan pipul dɛn tin we gud fɔ dɛn,

Taytɔs 2:3 Referans Kwoze

Taytɔs 2:4

so dat di yɔŋ uman dɛn go no se dɛn fɔ lɛk dɛn man ɛn dɛn pikin,

Fɔs Lɛta To Timoti 3:11

Dɛn wɛf sɛf fɔ siriɔs, dɛn nɔ fɔ de koŋosa; dɛn fɔ soba, dɛn fɔ ebul kɔntrol dɛnsɛf, ɛn dɛn fɔ de waka tret ɔltɛm.

Taytɔs 1:7

Na ovasia in an Gɔd in wok de, so i nɔ fɔ du ɛnitin we go mek pɔsin pɔynt fiŋa pan am. I nɔ fɔ prawd, i nɔ fɔ de vɛks kwik kwik, i nɔ fɔ de drɔnk, i nɔ fɔ de fɛt, i nɔ fɔ want plɛnti tin fɔ insɛf.

Fɔs Lɛta To Timoti 3:8

Dɛn wan we de ɛp fɔ du Gɔd wok na chɔch, dɛnsɛf fɔ siriɔs, dɛn fɔ min wetin dɛn se; dɛn nɔ fɔ de drɔnk, dɛn nɔ fɔ want plɛnti tin fɔ dɛnsɛf;

Lɛta Fɔ Rom 16:2

Una fɔ du ɔltin we fɔ du fɔ am bikɔs i de wit Krays ɛn unasɛf na Gɔd pipul. Una mɔs ɛp am wit ɛnitin we i want mek una ɛp am wit, bikɔs insɛf dɔn ɛp plɛnti pipul ɛn i dɔn ɛp misɛf.

Lɛta Fɔ Ɛfisɔs 5:3

We una na Gɔd in pikin dɛn, i nɔ gud fɔ mek una liv fri layf, ɔ mek una du wetin nɔ rayt, ɔ mek una put yay pan wetin ɔda pɔsin gɛt; i nɔ gud sɛf fɔ mek una de tɔk bɔt dɛn tin ya to una kɔmpin.

Rɛvɛleshɔn 2:20

Bɔt na wan tin a de blem una fɔ, una de gri mek da uman we dɛn kɔl Jɛzibɛl sidɔm wit una. I de se na Gɔd in pawa in de tek tɔk di wɔd dɛn we i de tɔk, bɔt na lay i de lay gi mi pipul dɛn; i de mek dɛn ful ɛn dat go mek dɛn wan we dɔn mared, liv fri layf; ɛn mek pipul it it we dɛn bin dɔn gi dɛn tin we mɔtalman de pre to.

Di Ibru Pipul Dɛn 5:12

I dɔn rich tɛm we unasɛf fɔ bigin lan ɔda pipul bikɔs i dɔn te we una de lan, bɔt pɔsin stil gɛt fɔ lan una di fɔs tin dɛn we una bin dɔn lan bɔt Gɔd in mɛsej. Una fɔ stil drink milk lɛkɛ pikin we de sɔk bɔbi, bikɔs una nɔ du yet fɔ it tin we fɔ cham lɛkɛ big pɔsin.

Fɔs Lɛta To Timoti 5:23

Nɔ jɛs de drink wata nɔmɔ, tek lili wayn fɔ mek yu it go go dɔŋ gud ɛn fɔ we yu kin de sik sik.

Lɛta Fɔ Rom 1:29

Dɛn at ful wit ɔl kayn bad tin: dɛn want wetin ɔda pipul gɛt, dɛn de du dɛn kɔmpin mɔtalman bad bad, dɛn de jɛlɔs dɛn kɔmpin mɔtalman, dɛn de kil dɛn kɔmpin mɔtalman, dɛn de fɛt dɛn kɔmpin mɔtalman, dɛn de mek dɛn kɔmpin mɔtalman ful, ɛn dɛn de mɛmba bad bad tin fɔ dɛn kɔmpin mɔtalman. Dɛn de koŋosa dɛn kɔmpin mɔtalman,