Taytɔs 2:2 - Krio Fɔs Oli Baybul

² Tɛl di bigman dɛn se dɛn fɔ soba, dɛn fɔ gɛt sɛns, ɛn dɛn fɔ de kɔntrol dɛnsɛf; dɛn fɔ ol Gɔd traŋa wan, dɛn fɔ lɛk fɔ du gud ɛn dɛn fɔ ebul bia wɛn dɛn de sɔfa.

Taytɔs 2:2 Referans Kwoze

Lɛta Fɔ Galeshya 5:23

i go mek pipul put dɛn yay dɔŋ ɛn i go mek dɛn nɔ jɛs de du wetin dɛn at gi dɛn fɔ du. Nɔ lɔ nɔ de we tɔk bɔt dɛn tin ya.

Pita In Fɔs Lɛta 4:7

Di tɛm we di wɔl go dɔn nɔ fa igen, so una ed fɔ stɛdi ɛn una fɔ waydawek fɔ de pre ɔltɛm.

Fɔs Lɛta To Timoti 3:11

Dɛn wɛf sɛf fɔ siriɔs, dɛn nɔ fɔ de koŋosa; dɛn fɔ soba, dɛn fɔ ebul kɔntrol dɛnsɛf, ɛn dɛn fɔ de waka tret ɔltɛm.

Pita In Fɔs Lɛta 5:8

Una fɔ rɛdi ɔltɛm, ɛn ɔltɛm una fɔ de wach, bikɔs Setan we de fɛt una, de go ɔlɔbɔt lɛkɛ aŋri layɔn, fɔ fɛn udat in go fɔdɔm pan.

Taytɔs 1:13

Ɛn wetin i tɔk na tru, na dat mek yu fɔ tɔk pan dɛn traŋa wan, so dat dɛn go biliv Gɔd gud gud,

Fɔs Lɛta To Timoti 3:2

Ovasia nɔ fɔ gɛt bɔt nain layf; na wan wɛf nɔmɔ i fɔ gɛt, i fɔ bi siriɔs pɔsin, i fɔ ebul kɔntrol insɛf, i fɔ de biev lɛkɛ pɔsin wit sɛns; i fɔ opin in os to trenja; i fɔ ebul tich pipul;

Prɔvabs 16:31

Wet ia de sho ol ej ɛn ɛkspiriɛns na di pe dat we pɔsin we de waka tret na PAPA GƆD in yay de gɛt.

Fɔs Lɛta Fɔ Tɛsalonayka 5:8

Bɔt wi we de waka na layt fɔ soba. Wi fɔ biliv Gɔd ɛn lɛk am: dat go tan lɛkɛ se wi wɛr tin fɔ tek gyad di bɔdi. Wi fɔ no se Gɔd dɔn sev wi: dat go tan lɛkɛ se wi wɛr at fɔ mek natin nɔ du wi ed.

Lɛta Fɔ Rom 12:3

Ɛn fɔseka wetin Gɔd dɔn gi mi bikɔs i gud, a de tɛl una ɔl se: Una nɔ tink se una bɛtɛ pas aw una tan, bɔt una fɔ tink lɛkɛ aw soba pipul de tink bɔt dɛnsɛf, ɛn una ɔl fɔ jɔj unasɛf bay aw Gɔd mek una ebul biliv am.

Job 12:12

Ol pipul gɛt sɛns ɛn ɛkspiriɛns dɔn mek dɛn ɔndastand bɔku tin.

Lɛvitikɔs 19:32

I se fɔ sho se pɔsin de rɛspɛkt old pipul ɛn fred PAPA GƆD so fɔ du wetin i se: nain na PAPA GƆD.

Pita In Fɔs Lɛta 1:13

Na dat mek una fɔ mekɔp una maynd fɔ du wetin una gɛt fɔ du, una fɔ kɔntrol unasɛf ɛn una fɔ put ɔl una at pan di blɛsin we Jizɔs Krays go gi una di tɛm we i go sho insɛf to ɔlman.

1 Kɔrint 15:34

Una kechɔp unasɛf ɛn lɛf fɔ sin. Una fɔ shem we a tɔk se, sɔm pan una nɔ no Gɔd.

Di Sam Dɛm 92:14

Pan ɔl we dɛn dɔn ol dɛn go stil de bia, dɛn go luk frɛsh ɔltɛm.

Pita In Sɛkɛn Lɛta 1:6

Pantap dat, una fɔ ebul kɔntrol unasɛf; pantap dat, una fɔ de bia, ɛn pantap dat una layf fɔ sho se una na Gɔd pipul.

Taytɔs 2:7

Yusɛf, bay aw yu de du ɔl wetin yu de du, na yu pipul fɔ de fala fɔ du gud. Wɛn yu de tich pipul, yu fɔ sho dɛn se yu min wetin yu de tɔk ɛn yu fɔ siriɔs.

Taytɔs 1:8

I fɔ gud to trenja, ɛn i fɔ lɛk wetin gud. In ed fɔ stɛdi, i fɔ de waka tret, i fɔ de du dɛn tin we go mek Gɔd satisfay, ɛn i fɔ ebul kɔntrol insɛf mek i nɔ du ɛnitin we bad.

Fɔs Lɛta To Timoti 3:4

i fɔ si dat ɔltin de go fayn nain os, i fɔ mek in pikin dɛn rɛspɛkt am ɛn yɛri in wɔd.

Fɔs Lɛta To Timoti 1:5

Gɔd sɛn wi fɔ ɛp pipul mek dɛn gɛt da lɛk we kɔmɔt insay klin at, ɛn we pɔsin we de tray fɔ du ɔl wetin rayt, gɛt, ɛn we pɔsin we biliv Gɔd fɔ tru, gɛt.

Fɔs Lɛta Fɔ Tɛsalonayka 5:6

So wi nɔ fɔ tan lɛkɛ pipul we de slip, lɛkɛ dɛn ɔda pipul, wi fɔ waydawek ɛn wi fɔ soba.

Lɛta Fɔ Filipay 4:8

Mi Kristiɛn brɔda dɛn, na di las tin dis we a want tɛl una na dis lɛta: dɛn tin we tru, dɛn tin we rayt na Gɔd yay, dɛn tin we gud we nɔ de mek pipul sin, dɛn tin we de mek pɔsin lɛk in kɔmpin mɔtalman, ɛn dɛn tin we ɔlman si se gud; na dɛn nɔmɔ una fɔ de mɛmba ɛn ɔl dɛn tin we pɔsin kin prez Gɔd fɔ.

2 Kɔrint 5:13

We wi de tɔk so bɔt wisɛf, nɔto fɔ se wi ed nɔ de, bɔt na fɔ lɛ Gɔd gɛt di prez. If una biliv se wi gɛt sɛns we wi de tɔk so, na fɔ ɛp una mek wi de tɔk so.

1 Kɔrint 9:25

Ɛnibɔdi we want tek pat pan rɔnres, na pɔsin we nɔ go du ɛnitin we nɔ go mek in bɔdi fit, ɛn i go de du ɔl dɛn tin we go mek i ebul rɔn. Ɔl dɛn tin ya we i de du na fɔ mek i gɛt krawn di de we i go win, bɔt da krawn de na krawn we nɔ go las; bɔt ɔl wetin wi de du, na fɔ mek wi gɛt di krawn we Gɔd go gi wi, we go las sote go.

Apɔsul Dɛn Wok 24:25

Wɛn Pɔl tɔk bɔt wetin dɛn min wɛn dɛn se pɔsin gud, aw pɔsin fɔ kɔntrol insɛf, ɛn di de we Gɔd go jɔj ɔlman fɔ di gud ɛn bad we dɛn du, Filiks fred; i se, “Pɔl, go fɔs. A go sɛn kɔl yu ɔda tɛm.”

Lyuk 8:35

Plɛnti pipul rɔn go fɔ go luk. Dɛn mit di man we di dɛbul dɛn kɔmɔt insay sidɔm de lisin to Jizɔs. I wɛr klos ɛn i soba. We di pipul dɛn si dat, dɛn fred.

Mak 5:15

Dɛn mit di man we bin gɛt plɛnti dɛbul insay am sidɔm klos Jizɔs de lisin to am. Di man bin soba ɛn i bin wɛr klos. Wɛn di pipul dɛn si dat, dɛn fred.

Ayzaya 65:20

Pipul de rɔn wata na yay, ɛn trɔbul kray; fɔ lɛ pikin liv fɔ tu tri de ɛn day ɔ lɛ ol pɔsin day bifo in tɛm, nɔ go bi insay de igen, bikɔs pikin go ol ɔndrɛd ia bifo i day ɛn dɛn go si di wan we day bifo i ol ɔndrɛd se, i gɛt swɛ.

Fɔs Lɛta To Timoti 3:8

Dɛn wan we de ɛp fɔ du Gɔd wok na chɔch, dɛnsɛf fɔ siriɔs, dɛn fɔ min wetin dɛn se; dɛn nɔ fɔ de drɔnk, dɛn nɔ fɔ want plɛnti tin fɔ dɛnsɛf;

Fɔs Lɛta To Timoti 1:2

A de rayt to Timoti we a briŋ kam to Krays, na dat mek i bi mi yon tru pikin: mek Gɔd we na wi Papa ɛn Jizɔs Krays wi Masta sho yu aw i gud, mek i sɔri fɔ yu, ɛn mek i gi yu kol at.

Fɔs Lɛta To Timoti 1:10

dɛn wan we liv fri layf, dɛn man we de kip dɛn kɔmpin man, dɛn wan we de kech pipul fɔ tɔn dɛn to slev, dɛn wan we de lay, dɛn wan we de lay bɔt dɛn de swɛ se na tru dɛn de tɔk, ɛn ɛnibɔdi we de du ɛnitin we difrɛn frɔm di tru tin we wi dɔn lan una.

Fɔs Lɛta To Timoti 1:14

ɛn Gɔd we na wi Masta bin so gud to mi we i mek a biliv Krays ɛn we i mek a lɛk mi kɔmpin mɔtalman bikɔs a gɛt wanwɔd wit Krays.

Fɔs Lɛta To Timoti 5:1

Yu nɔ fɔ ala pan man we big pas yu, yu fɔ tɔk to am lɛkɛ se na yu papa. Yu fɔ tek dɛn yɔŋman lɛkɛ yu brɔda dɛn;

Faylimɔn 1:9

bɔt bikɔs a lɛk yu, a nɔ de du dat, a jɛs de beg yu nɔmɔ, pan ɔl we a de wok fɔ Jizɔs Krays ɛn naw sɛf a de na jel fɔseka di wok we a bin du fɔ am.