Taytɔs 2:12 - Krio Fɔs Oli Baybul

¹² We i gud, i de sho wi se wi fɔ lɛf fɔ liv lɛkɛ pipul we nɔ no am, wi fɔ lɛf dɛn bad tin we wi want du na di wɔl, ɛn lan fɔ kɔntrol wisɛf, fɔ waka tret, ɛn fɔ waka wit am na dis wɔl,

Taytɔs 2:12 Referans Kwoze

Izikɛl 36:27

ɛn a go put mi yon spirit insay una, ɛn mek una waka bay aw mi lɔ dɛn se, ɛn mek una kiaful aw una de du mi kɔmand dɛm.

Matyu 16:24

Dɔn Jizɔs tɛl in lanin bɔy dɛn se, “If ɛnibɔdi want bi mi lanin bɔy, di pɔsin nɔ fɔ du wetin i want fɔ du nɔmɔ, i fɔ rɛdi fɔ sɔfa ɛn day fɔseka mi, ɛn du wetin a de du.

Lɛta Fɔ Rom 6:19

Na dɛn tin we mɔtalman ɔndastand, a de tek fɔ ɛksplen to una fɔ mek una go ɔndastand. Tɛm bin de we una na bin slev fɔ du ɔl kayn wikɛd ɛn dɔti tin we bin de na una at. Bɔt naw una fɔ givɔp ɔl una layf fɔ bi lɛkɛ Gɔd in slev dɛn fɔ du wetin rayt, so dat una go bi Gɔd in pipul dɛn, fɔ tru.

Di Sam Dɛm 4:3

Una no vɛri wɛl se PAPA GƆD dɔn pik ɔl udat ɔl udat de du tin tret wan fɔ bi in yon, PAPA GƆD go mɔs ɛp mi wans a aks am fɔ ɛp mi.

Pita In Sɛkɛn Lɛta 2:9

Ɔl dis sho se di Masta de pul gud pɔsin pan waala ɛn i de pɔnish dɛn bad pɔsin te di de we i go jɔj dɛn, rich,

Jɔn In Fɔs Lɛta 2:6

Ɛni bɔdi we se in de waka wit Gɔd, fɔ liv lɛkɛ aw Jizɔs Krays bin liv.

Sɛkɛn Lɛta To Timoti 3:12

Pipul go fɛt ɔl dɛn wan we gɛt wanwɔd wit Jizɔs Krays, we want fɔ liv dɛn layf lɛkɛ aw Gɔd want dɛn fɔ liv am.

Rɛvɛleshɔn 14:12

So mek Gɔd in pipul dɛn tinap traŋa, dat na dɛn wan we de du wetin Gɔd tɛl dɛn fɔ du ɛn dɛn nɔ lɛf fɔ biliv pan Jizɔs.

Lyuk 1:75

wi go bi Gɔd in pipul dɛn ɛn wi go waka tret bifo am ɔl di tɛm we wi de na dis wɔl.

Fɔs Lɛta Fɔ Tɛsalonayka 4:7

Gɔd nɔ kɔl wi fɔ mek wi liv fri layf, wi nain yon pipul so wi fɔ liv di kayn layf we go sho se wi nain yon pipul.

Taytɔs 3:3

Tɛm bin de we wisɛf bin de pan fulish layf, wi nɔ bin de lisin to Gɔd, wi nɔ bin de lisin to mɔtalman, ɛn wi nɔ bin de du wetin rayt. Wi nɔ bin ebul kɔntrol wisɛf, ɛn na wetin wi at tɛl wi nɔmɔ wi bin de fala; wi bin de pan ɔl kayn ɛnjɔymɛnt, na bad nɔmɔ wi bin de mɛmba fɔ pipul, wi bin de jɛlɔs pipul, pipul nɔ bin lɛk wi ɛn wisɛf nɔ bin lɛk dɛn.

Fɔs Lɛta Fɔ Tɛsalonayka 4:9

Nid nɔ de fɔ rayt tɛl una aw una fɔ lɛk una kɔmpin Kristiɛn dɛn, bikɔs Gɔd insɛf dɔn lan una dat.

Lɛta Fɔ Ɛfisɔs 2:2

Da tɛm de una bin de du ɔl dɛn bad tin we di pipul dɛn na di wɔl de du. Una bin de du wetin di dɛbul dɛn edman we de ɔlɔbɔt tɛl una fɔ du, nain de rul dɛn pipul we nɔ de du wetin Gɔd tɛl dɛn fɔ du.

Lɛta Fɔ Rom 12:2

Una nɔ fɔ de du lɛkɛ aw di pipul dɛn na dis wɔl de du, bɔt una fɔ lɛ Gɔd chenj una at so dat ɔl wetin una de tink ɛn du go chenj. Dat go mek una ebul no wetin Gɔd want; dat na: wetin gud, wetin Gɔd lɛk, ɛn wetin nɔbɔdi nɔ go ebul fɛn fɔlt pan.

Lɛta Fɔ Rom 6:12

Una nɔ fɔ mek sin rul una bɔdi we go day, igen, so dat una nɔ go du ɛni bad tin we una at gi una fɔ du.

Matyu 28:20

Una lan dɛn fɔ du ɔl wetin a dɔn tɛl una. A de wit una ɛn a go de wit una ɔltɛm sote di wɔl dɔn.”

Jɔn In Fɔs Lɛta 2:27

Krays dɔn gi unain Spirit, ɛn wans i de insay una, una nɔ nid fɔ gɛt ɛni bɔdi fɔ lan una ɛnitin bɔt Gɔd, bikɔs Krays in Spirit de lan una ɔltin ɛn ɔl wetin i de lan una na tru, nɔto lay. So una fɔ de wit Krays ɔltɛm lɛkɛ aw in Spirit dɔn lan una fɔ du.

Pita In Sɛkɛn Lɛta 3:11

We ɔltin gɛt fɔ dɔn so, uskayn pipul una fɔ bi? Una fɔ de waka wit Gɔd ɛn du dɛn tin we go mek pipul no se una na Gɔd yon pipul;

Di Ibru Pipul Dɛn 8:11

Di pipul dɛn nɔ go gɛt fɔ lan dɛn kɔmpin ɔ dɛn brɔda igen se, ‘Una fɔ no Gɔd we na di Masta.’ Bikɔs dɛn ɔl, pikin ɛn bigman, go no mi.

Fɔs Lɛta To Timoti 6:17

As fɔ dɛn wan we jɛntri na dis wɔl, tɛl dɛn mek dɛn nɔ prawd, ɛn mek dɛn nɔ abop pan dɛn jɛntri, we sɔntɛm nɔ go de tumara; mek dɛn abop pan Gɔd we de gi wi ɔltin plɛnti plɛnti fɔ mek wi at gladi.

Fɔs Lɛta To Timoti 4:12

Nɔ mek nɔbɔdi se bikɔs yu smɔl yu nɔ go ebul du dis wok. Na yu fɔ sho dɛn pipul we biliv Gɔd aw dɛn fɔ de du bay aw yu de tɔk, aw yu de du, aw yu lɛk pipul, aw yu biliv Gɔd, ɛn di kayn layf we yu liv.

Lɛta Fɔ Kɔlɔse 1:22

Bɔt we Gɔd in Pikin kam day na di krɔs, dat dɔn mek una bi Gɔd in padi dɛn, so dat di tɛm we una go tinap bifo am una nɔ go gɛt fɔlt, i nɔ go blem una fɔ ɛnitin.

Lɛta Fɔ Galeshya 5:24

Ɛn dɛn pipul we na Krays Jizɔs yon nɔ de du dɛn bad tin we dɛn at gi dɛn fɔ du. Ɔlman gɛt dɛn kayn bad tin dɛn ya na dɛn at ɛn dɛn lɛk fɔ du dɛn.

Lɛta Fɔ Galeshya 1:4

Krays bin gri fɔ mek dɛn kil am fɔseka di bad tin dɛn we wi de du, so dat i go pul wi kɔmɔt na di wɔl we de naw we bad plɛnti. Di day we Krays day sho wi se i du wetin Papa Gɔd want.

2 Kɔrint 7:1

Mi padi dɛn, Gɔd dɔn mek ɔl dɛn prɔmis ya fɔ wi. So, lɛ wi nɔ du ɛnitin we go mek wi bɔdi ɔ wi spirit nɔ klin, lɛ wi liv fɔ Gɔd nɔmɔ, ɛn lɛ wi sho pipul se wi de fred Gɔd.

2 Kɔrint 1:12

Wetin mek wi fil prawd, na we wi no insay wi at fɔ tru se nɔto bay mɔtalman sɛns wi liv na dis wɔl, ɛn nɔto bay mɔtalman sɛns wi de du ɔl dɛn tin we wi de du fɔ una, bɔt na bikɔs Gɔd gud, mek wi rɛspɛkt una ɛn wi de waka tret wit una.

Lɛta Fɔ Rom 8:13

Bikɔs if una jɛs de du wetin una at tɛl una nɔmɔ, una go day, bɔt if una mek Gɔd in Spirit ɛp una fɔ kil dɛn tin we de mek una sin, una go gɛt di tru layf.

Apɔsul Dɛn Wok 24:25

Wɛn Pɔl tɔk bɔt wetin dɛn min wɛn dɛn se pɔsin gud, aw pɔsin fɔ kɔntrol insɛf, ɛn di de we Gɔd go jɔj ɔlman fɔ di gud ɛn bad we dɛn du, Filiks fred; i se, “Pɔl, go fɔs. A go sɛn kɔl yu ɔda tɛm.”

Apɔsul Dɛn Wok 24:16

So a de tray ɔltɛm mek mi at klin bifo Gɔd ɛn bifo mɔtalman.

Jɔn In Fɔs Lɛta 5:19

Wi no se wi na Gɔd yon pipul, pan ɔl we Setan de rul di ol wɔl.

Lɛta Fɔ Ɛfisɔs 1:4

Gɔd dɔn pik wi bifo i mek di wɔl fɔ mek wi gɛt wanwɔd wit Krays, so dat wi go bi in yon pipul ɛn bɔt nɔ go de na wi layf.

Jɔn 14:30

I nɔ lɛf lɔŋ igen we a go ebul tɔk to una, bikɔs Setan we de rul dis wɔl de kam, bɔt i nɔ gɛt pawa oba mi.

Jɔn 6:25

Wɛn di pipul dɛn krɔs di Lek dɛn si Jizɔs, nain dɛn aks am se, “Ticha, ustɛm yu rich ya?”

Lyuk 1:6

Zakaraya ɛn Ilizabɛt bin de waka tret wit Gɔd. Dɛn bin de kip ɔl di Ju Lɔ ɛn dɛn bin de du ɔl wetin Gɔd tɛl dɛn fɔ du.

Di Sam Dɛm 105:45

Dat fɔ mek dɛn obe PAPA GƆD in lɔ ɛn du ɔl wetin i tɛl dɛn fɔ du. Una mek wi prez PAPA GƆD!

Jud In Lɛta 1:18

Dɛn bin tɛl una se, “Bifo di wɔl dɔn, sɔm pipul go kam we go de laf una, dɛn go de fala dɛn at fɔ du ɔl wetin dɛn lɛk fɔ du, bɔt we Gɔd nɔ lɛk.”

Sɛkɛn Lɛta To Timoti 4:10

Bikɔs Dimas lɛk dɛn tin we de na di wɔl, i dɔn lɛf mi go; i dɔn go Tɛsalonayka. Krɛsɛns go Galeshya, Taytɔs go Dalmeshia.

Matyu 12:32

Gɔd go padin ɛnibɔdi we tɔk sɔntin we nɔto tru bɔt Mɔtalman Pikin, bɔt Gɔd nɔ go padin ɛnibɔdi we tɔk bad bɔt in Spirit; i nɔ go padin am na dis wɔl, i nɔ go padin am na nɛks wɔl.

Fɔs Lɛta To Timoti 6:9

Bɔt dɛn wan we want jɛntri go want du bad, ɛn dɛn fulish tin we dɛn want we nɔ gud fɔ dɛn, na trap we de mek dɛn layf pwɛl ɔltogɛda.

Jems 1:27

Pɔsin we de fala Gɔd fɔ de ɛp dɛn pikin we nɔ gɛt mama ɛn papa ɛn dɛn uman we dɛn man dɔn day. I fɔ tek tɛm mek dɛn bad pipul na wɔl nɔ mek insɛf bigin du bad. Na so Gɔd we na di Papa want pɔsin we de fala am fɔ tan.