Taytɔs 2:11 - Krio Fɔs Oli Baybul

¹¹ Gɔd dɔn sho wi aw i gud we i want sev ɔlman.

Taytɔs 2:11 Referans Kwoze

Fɔs Lɛta To Timoti 2:4

Gɔd want mek ɔlman sev ɛn mek dɛn no wetin tru.

Lɛta Fɔ Ɛfisɔs 2:8

Nɔto una sev unasɛf, bɔt na bikɔs una biliv pan Jizɔs Krays mek, we Gɔd lɛk una wit lɛk we una nɔ fit fɔ gɛt, i sev una.

Ayzaya 45:22

Una tɔn to Mi so dat una go sev, ɔl di kɔna dɛn na di wɔl! Bɔkɔs na Mi na Gɔd ɛn nɔn ɔda wan nɔ de.

Di Ibru Pipul Dɛn 2:9

Bɔt wi no se Jizɔs de rul ɔltin. Fɔstɛm, Gɔd bin mek di enjɛl dɛn pas Jizɔs fɔ shɔt tɛm, so di lɛk we Gɔd lɛk mɔtalman ɛn di sɔri we i sɔri fɔ am, mek i mek Jizɔs sɔfa ɛn day fɔseka mɔtalman. Bikɔs Jizɔs sɔfa ɛn day, dat mek Gɔd gi am pawa, ɔna ɛn rɛspɛkt.

Sɛkɛn Lɛta Fɔ Tɛsalonayka 2:16

Wi de pre mek wi Masta Jizɔs Krays insɛf, ɛn Gɔd we na wi Papa, we lɛk wi ɛn mek wi gɛt kɔrej ɔltɛm bikɔs i gud ɛn mek wi ebul bia wet fɔ wetin gud,

Lɛta Fɔ Rom 5:15

Bɔt dɛn tu difrɛn, bikɔs di sin we Adam sin difrɛn frɔm wetin Gɔd de gi mɔtalman fri. Bikɔs wan pɔsin sin, plɛnti pipul day, bɔt di lɛk we Gɔd lɛk wi we wi nɔ fit fɔ gɛt, pas dat fawe; ɛn di gud tin we i du we mɔtalman nɔ gɛt fɔ pe fɔ na fɔ plɛnti, plɛnti pipul we sin, ɛn i du am fɔseka di tin we wangren pɔsin, Jizɔs Krays, du. I padin ɔl dɛn pipul ya dɛn sin.

Jɔn 1:14

Di Wɔd kam bi mɔtalman ɛn tap wit wi, i mek wi no ɔltin we tru bɔt Gɔd, ɛn i du wi gud ɔltɛm. Wi si di wɔndaful ɔna ɛn pawa we i gɛt, ɛn na Gɔd gi am da wɔndaful ɔna ɛn pawa de, bikɔs in na di Papa in wangren Pikin.

Ayzaya 52:10

PAPA GƆD dɔn lɛf in oli an na do bifo ɔl dɛn neshɔn dɛn yay; ɛn ɔl di kɔna na wɔl go se wi Gɔd in salveshɔn.

Di Sam Dɛm 84:11

Bikɔs PAPA GƆD we na wi Gɔd na san we de gi layt ɛn big shild we de protɛkt wi; i de sho wi in lɔv bay aw i de mek bɛtɛ fala wi; I nɔ go se i nɔ de gi wi gud tin dɛn wans i nɔ fɛn fɔlt pan wetin wi de du.

Apɔsul Dɛn Wok 11:23

Wɛn Banabas rich Antiɔk ɛn si aw Gɔd de blɛs di pipul dɛn, insɛf gladi. I tɛl dɛn mek dɛn fala di Masta wit ɔl dɛn at.

Apɔsul Dɛn Wok 20:24

A nɔ tek mi layf mek natin, bɔt a want dɔn ɔl di wok we di Masta, Jizɔs gi mi fɔ du. Dis wok ya na fɔ tɛl pipul di Gud Nyuz bɔt aw Gɔd gud ɛn aw i lɛk mɔtalman.

Lyuk 3:6

Ɔlman na wɔl go si aw Gɔd de sev in pipul dɛn.’”

Fɔs Lɛta To Timoti 1:14

ɛn Gɔd we na wi Masta bin so gud to mi we i mek a biliv Krays ɛn we i mek a lɛk mi kɔmpin mɔtalman bikɔs a gɛt wanwɔd wit Krays.

Lɛta Fɔ Rom 5:2

Bikɔs wi biliv pan Krays, i dɔn mek wi no aw Gɔd lɛk wi pan ɔl we wi nɔ fit fɔ mek i lɛk wi, ɛn Gɔd de sho wi aw i lɛk wi naw. So wi gladi, bikɔs wi no se Gɔd go mek wi bi jɛs lɛkɛ aw i want wi fɔ bi.

Zɛkaraya 12:10

I se in go gi Devid in os ɛn ɔl udat de na Jerusɛlɛm, sɔri-at fɔ de pre fɔ pipul so dat wɛn dɛn luk di wan we dɛn chuk, dɛn go sɔri fɔ am lɛk aw mama de sɔri fɔ in waŋren pikin, ɛn kray bita kray pan am lɛk aw mama de kray pan in fɔs pikin.

Di Sam Dɛm 96:10

Tɛl di wɔl se, “PAPA GƆD na PAPA GƆD!” I dɔn mek di wɔl ɛn natin go mek i chenj. I go jɔj ɔlman aw i fit fɔ mek i jɔj dɛn.

Lɛta Fɔ Kɔlɔse 1:6

Di Gud Nyuz de prɛd ɔlɔbɔt na wɔl ɛn i de mek pipul gɛt blɛsin, jɛs lɛkɛ aw i rich una ɛn i de blɛs una frɔm di de we una yɛri ɛn ɔndastand fɔ tru aw Gɔd lɛk una ɛn aw i gud to una.

Lɛta Fɔ Galeshya 2:21

A nɔ go tek di gud we Gɔd gud to mi ɛn di lɛk we Gɔd lɛk mɔtalman, mek natin. If na di Ju Lɔ we pɔsin de kip de mek ɔltin rayt bitwin in ɛn Gɔd, dat min se di day we Krays day nɔ min natin!

2 Kɔrint 6:1

So, wi we de wok wit Gɔd de beg una mek una nɔ mek di gud we Gɔd gud to una go fɔ natin.

Apɔsul Dɛn Wok 13:47

Di Masta dɔn tɛl wi se, ‘A dɔn put una lɛkɛ lamp fɔ dɛn pipul we nɔto Ju. Na una a go yus fɔ sev ɔlman na di wɔl.’”

Apɔsul Dɛn Wok 13:43

Wɛn dɛn ɔl kɔmɔt na di Ju mitin os go na dɛn os, plɛnti Ju pipul dɛn fala Pɔl ɛn Banabas go, wit plɛnti pipul we nɔto bin Ju bɔt we bin gri fɔ tɔn to Ju. So Pɔl ɛn Banabas kɔrej dɛn fɔ mek dɛn abop pan Gɔd we gud to ɔlman ɛn we lɛk ɔlman ilɛk sɛf dɛn nɔ fit fɔ mek i lɛk dɛn.

Jɔn 1:9

Di layt we i tɔk bɔt na di tru layt we kam na di wɔl, ɛn shayn pan ɔlman ɛn mek ɔlman si am.

Lyuk 24:47

Fɔseka di tin we i du ɛn se, una fɔ go na Jerusɛlɛm fɔs, dɛn ɔlɔbɔt na wɔl, go tɛl pipul fɔ lɛf fɔ sin ɛn da tɛm de Gɔd go padin dɛn sin.

Mak 16:15

Jizɔs se, “Una go ɔlɔbɔt na di wɔl ɛn tɛl ɔlman di Gud Nyuz bɔt mi.

Matyu 28:19

Una go ɔlɔbɔt na di wɔl ɛn mek di pipul dɛn bi mi lanin bɔy dɛn; una baptayz dɛn wit di pawa we Papa Gɔd ɛn in Pikin ɛn in Spirit gi una.

Zɛkaraya 4:7

So i lɛk aw da mawnten ay, we i de bifo Zɛrubabɛl, i go fiba flat grɔn; ɛn dɛn go ebul put di las ston pantap di siti bak ɛn ɔlman go ala se tɛl PAPA GƆD tɛnki, tɛl PAPA GƆD tɛnki.

Ayzaya 49:6

I se: “Na smɔl tin fɔ mek yu bi mi wokman fɔ gɛda Jekɔb in difrɛn fambul dɛn ɛn fɔ briŋ di wan dɛn pan Izrɛl we a kip, kam bak; A go mek yu lɛk layt to di neshɔn dɛm, lɛ mi salveshɔn go rich usay di wɔl tap.”

Di Ibru Pipul Dɛn 12:15

Una tek tɛm so dat una nɔn nɔ go du tin we go mek i nɔ gɛt Gɔd in blɛsin. Una tek tɛm, semwe so, so dat una nɔn nɔ go tan lɛkɛ plant we na pɔyzin, bikɔs dɛn kayn pipul de de mek trɔbul fɔ ɔda pipul ɛn pwɛl plɛnti layf.

Sɛkɛn Lɛta To Timoti 4:17

Bɔt di Masta bin de wit mi ɛn i gi mi pawa, we mek a ebul tɛl pipul ɔl di mɛsej, mek ɔl dɛn wan we nɔto Ju, yɛri; ɛn i mek a nɔ go insay layɔn mɔt.

Lɛta Fɔ Kɔlɔse 1:23

Na so i go bi if una stil biliv di Gud Nyuz ɛn una nɔ dawt Gɔd. Una nɔ fɔ gri mek ɛnibɔdi mek una lɛf fɔ abop pan di tin we di Gud Nyuz we una dɔn yɛri mek una abop pan. Mi yon wok na fɔ tɛl una di Gud Nyuz we ɔlman na wɔl dɔn yɛri.

Lɛta Fɔ Rom 10:18

Bɔt mek a aks una sɔntin: Na tru se di Ju dɛn nɔ bin dɔn yɛri di mɛsej bɔt Jizɔs Krays? Dɛn bin dɔn yɛri di mɛsej, yɛs. Dɛn rayt na Gɔd in Buk se: “Ɔl dɛn pipul ɔlɔbɔt na wɔl yɛri di wɔd dɛn we di mɛsenja dɛn tɔk.”

Di Sam Dɛm 67:2

mek ɔlman na wɔl go no aw yu gud, ɛn bɔt di pawa we yu gɛt fɔ sev dɛn.

Apɔsul Dɛn Wok 17:30

Gɔd nɔ de blem pipul fɔ di tɛm we dɛn nɔ bin no wetin i bin want mek dɛn du; bɔt naw Gɔd de tɛl ɔlman na wɔl fɔ mek dɛn lɛf fɔ du di bad tin dɛn we dɛn de du.

Sɛkɛn Lɛta To Timoti 1:10

Gɔd dɔn sho wi di gud we i du plen wan naw, we wi Seviɔ, Jizɔs Krays dɔn kam. I dɔn pwɛl di pawa we day bin gɛt pan mɔtalman, ɛn i dɔn mek pipul no bɔt da layf we go de sote go, bay di Gud Nyuz we wi de tɛl dɛn.