Taytɔs 1:7 - Krio Fɔs Oli Baybul

⁷ Na ovasia in an Gɔd in wok de, so i nɔ fɔ du ɛnitin we go mek pɔsin pɔynt fiŋa pan am. I nɔ fɔ prawd, i nɔ fɔ de vɛks kwik kwik, i nɔ fɔ de drɔnk, i nɔ fɔ de fɛt, i nɔ fɔ want plɛnti tin fɔ insɛf.

Taytɔs 1:7 Referans Kwoze

Pita In Sɛkɛn Lɛta 2:10

dɛn ticha we de fala dɛn at fɔ du dɔti tin wit dɛn bɔdi ɛn we nɔ de du wetin dɛn wan we de oba dɛn tɛl dɛn fɔ du, na dɛn mɔ Gɔd go pɔnish. Dɛn ticha ya dɛn at traŋa ɛn dɛn de du wetin dɛn ed gi dɛn fɔ du; dɛn nɔ de fred sɛf fɔ tɔk bad bɔt ɔl dɛn wan we de na ɛvin ɛn laf dɛn.

Lɛta Fɔ Ɛfisɔs 5:18

Una nɔ fɔ drink wayn te una drɔnk we go mek una du bad, bɔt una fɔ mek Gɔd in Spirit de insay una gud gud.

Pita In Fɔs Lɛta 5:2

Una fɔ kia fɔ dɛn pipul we Gɔd lɛf na una an lɛkɛ shɛpad we de mɛn ship. Una nɔ fɔ du lɛkɛ se na fos dɛn de fos una, una fɔ kia fɔ dɛn wit opin at; ɛn una nɔ fɔ wok fɔ mɔni nɔmɔ, bɔt bikɔs una gladi fɔ wok.

Pita In Fɔs Lɛta 4:10

Ɛni tin we Gɔd mek una sabi du, una fɔ du am gud, so dat ɔda pipul go bɛnifit, lɛkɛ aw ɛnibɔdi we Gɔd gi sɔntin kin ol am fayn.

Lyuk 12:42

Jizɔs ansa se, “Udat na di bɔy we tru to in masta ɛn we gɛt sɛns? Na di bɔy dat we di masta go mek edman oba di ɔda bɔy dɛn fɔ de gi dɛn it ɛn fɔ de sho dɛn ɔl wetin dɛn fɔ du.

Izikɛl 44:21

Nɔn man we de mek sakrifays fɔ pipul sin nɔ go drink wayn wɛn i go na di insay kɔt.

Ayzaya 28:7

Dɛnwanya sɛf de rol na grɔn we dɛn drink wayn ɛn de staga we dɛn drink traŋa rɔm; di man we de mek sakrifays fɔ pipul sin ɛn di prɔfɛt bin de rol na grɔn we dɛn drink traŋa rɔm, wayn kɔnfyus dɛm, traŋa rɔm mek dɛn staga; dɛn nɔ de si gud, dɛn de mistek we dɛn de gi jɔjmɛnt.

Prɔvabs 14:17

Udat gɛt shɔtat de mek bɔku bɔku mistek, bɔt yu peshɛnt de tek tiŋs izi.

Prɔvabs 15:18

Shɔtat pɔsin kwik fɔ mek plaba, bɔt yu at fɔ vɛks de mek pis.

Taytɔs 2:3

Semwe so, tɛl di big uman dɛn se dɛn fɔ de du lɛkɛ aw dɛn uman we de waka wit Gɔd fɔ du. Dɛn nɔ fɔ tɔk bad bɔt pipul, dɛn nɔ fɔ drink sote dɛn nɔ ebul lɛf wayn igen. Dɛn fɔ de lan pipul dɛn tin we gud fɔ dɛn,

Taytɔs 1:5

A bin lɛf yu na Krit fɔ mek yu du wetin wi nɔ bin du de yet, ɛn mek yu pik ovasia na ɔl dɛn tɔŋ. Mɛmba dɛn tin we a bin tɛl yu:

Lɛta Fɔ Filipay 1:1

Na wi, Pɔl ɛn Timoti, we de wok fɔ Krays Jizɔs, de sɛn dis lɛta to ɔl dɛn pipul we de na Fili pay we gɛt wanwɔd wit Krays Jizɔs. Semwe so, wi de sɛn am to dɛn chɔch ovasia ɛn dɛn pipul we de ɛp pan di chɔch wok.

Matyu 24:45

“Udat na di bɔy we tru to in masta ɛn we gɛt sɛns? Na di bɔy dat we in masta go mek edman fɔ ɔl di ɔda bɔy dɛn na di os, wɛn i de go patrol, ɛn di masta go tɛl am fɔ gi di ɔda bɔy dɛn, dɛn it wɛn di rayt tɛm rich.

Ɛkliziastis 7:9

Nɔ kwik fɔ vɛks bikɔs na fulman gɛt soso vɛksteshɔn nain at.

Prɔvabs 16:32

Fɔ gɛt peshɛnt bɛtɛ pas fɔ gɛt pawa, ɛn udat ebul kɔntrol in tɛmpa bɛtɛ pas udat de win batul.

Lɛvitikɔs 10:9

in ɛn in bɔypikin dɛn nɔ fɔ go insay di tɛnt we dɛn kin mit PAPA GƆD afta dɛn dɔn drink ɛni kayn rɔm, wɛda na wayn ɔ na bia, ɔ nɔ so dɛn go day. I se dat fɔ bi lɔ na ɔl in jɛnareshɔn dɛn.

Jɛnɛsis 49:6

A nɔ go miks pan dɛn wikɛdnɛs bikɔs dɛn dɔn kil pipul dɛn we dɛn vɛks ɛn dɛn kin ɛnjɔy fɔ brok dɛn man kaw dɛn fut.