Taytɔs 1:2 - Krio Fɔs Oli Baybul

² we go mek dɛn abop fɔ gɛt layf we go de sote go. Gɔd, we nɔ de lay, bin dɔn prɔmis fɔ gi wi da layf de bifo i mek di wɔl,

Taytɔs 1:2 Referans Kwoze

Di Nɔmba Dɛm 23:19

PAPA GƆD nɔto mɔtalman we de lay, ɛn in nɔto mɔtalman we kwik fɔ chenj in maynd. PAPA GƆD nɔ de tɔk natin we i nɔ de du ɛn i nɔ de mek prɔmis we i nɔ de kip.

Jɔn In Fɔs Lɛta 2:25

Ɛn di tin we Krays insɛf dɔn prɔmis fɔ gi wi, na layf we go de sote go.

Sɛkɛn Lɛta To Timoti 1:9

Gɔd nɔ sev wi ɛn kɔl wi fɔ bi in yon pipul fɔseka ɛnitin we wi dɔn du, bɔt na fɔseka wetin in bin dɔn mekɔp fɔ du bifo di wɔl bigin ɛn bikɔs i gud. Na tru Jizɔs Krays i mek wi no di gud we i du.

Jud In Lɛta 1:21

We una de wet fɔ mek Masta Jizɔs Krays gi una layf we go de sote go, bikɔs i sɔri fɔ una, una fɔ du dɛn tin we go mek Gɔd stil de blɛs una bikɔs i lɛk una.

Sɛkɛn Lɛta To Timoti 1:1

Na mi Pɔl, we dɔn bi Krays Jizɔs in apɔsul bikɔs Gɔd want mi fɔ bi so, na mi Gɔd sɛn fɔ kam tɔk bɔt di layf we i prɔmis fɔ gi wi, ɛn we wi gɛt bikɔs wi gɛt wanwɔd wit Krays Jizɔs.

Taytɔs 3:7

so dat di gud we Jizɔs du fɔ wi, go mek ɔltin rayt bitwin wi ɛn Gɔd ɛn wi go gɛt da layf we go de sote go we wi de abop fɔ gɛt.

Taytɔs 2:13

naw we wi de wet fɔ da tɛm we wi abop se Jizɔs Krays, we na wi wɔndaful Gɔd ɛn Seviɔ go kam wit ɔl in wɔndaful pawa.

Sɛkɛn Lɛta To Timoti 2:15

Tray gud mek Gɔd satisfay wit yu, bikɔs i si se yu na wokman we nɔ de shem fɔ du in wok ɛn yu de lan pipul di tru wɔd bɔt Gɔd, aw yu fɔ lan dɛn.

Sɛkɛn Lɛta To Timoti 2:13

If wi nɔ du wetin i tɛl wi, in go stil de du wetin i dɔn tɛl wi se in go du, bikɔs i nɔ go lay pan insɛf.”

1 Samiɛl 15:29

Samiɛl tɛl am se PAPA GƆD we na Izrɛl dɛn waŋren PAPA GƆD, nɔ de lay ɛn i nɔ de chenj in maynd as in nɔto mɔtalman we gɛt fɔ chenj in maynd.

Jɔn In Fɔs Lɛta 5:20

Wi no se Gɔd in Pikin dɔn kam ɛn i dɔn gi wi di pawa fɔ no di tru Gɔd. Wi layf de wit di tru Gɔd ɛn wi layf de wit Gɔd in Pikin, Jizɔs Krays. Jizɔs Krays na di tru Gɔd ɛn di tru layf we go de sote go.

Taytɔs 2:7

Yusɛf, bay aw yu de du ɔl wetin yu de du, na yu pipul fɔ de fala fɔ du gud. Wɛn yu de tich pipul, yu fɔ sho dɛn se yu min wetin yu de tɔk ɛn yu fɔ siriɔs.

Fɔs Lɛta Fɔ Tɛsalonayka 5:8

Bɔt wi we de waka na layt fɔ soba. Wi fɔ biliv Gɔd ɛn lɛk am: dat go tan lɛkɛ se wi wɛr tin fɔ tek gyad di bɔdi. Wi fɔ no se Gɔd dɔn sev wi: dat go tan lɛkɛ se wi wɛr at fɔ mek natin nɔ du wi ed.

Lɛta Fɔ Rom 6:23

Day na sin in pe, bɔt layf we go de sote go, nain Gɔd gi wi fri. Wi gɛt di layf we go de sote go bikɔs wi gɛt wanwɔd wit Jizɔs Krays we na wi Masta.

Matyu 25:46

Dɛn Jizɔs se, “A go mek dɛn pipul ya go say we dɛn go pɔnish sote go, bɔt di wan dɛn we du wetin Gɔd want dɛn fɔ du go go na di say we dɛn go gɛt layf sote go.”

Matyu 25:34

Dɔn di Kiŋ go tɛl dɛn pipul we tret na Gɔd in yay se, ‘Una kam, una we mi Papa dɔn blɛs! Una kam, tek di ples we una fɔ gɛt ɔnda Gɔd in rul, i bin dɔn rɛdi da ples de fɔ una frɔm we i mek di wɔl.

Rɛvɛleshɔn 17:8

Di wayl bif we yu si bin gɛt layf fɔstɛm, bɔt i nɔ gɛt layf igen, i nɔ go te igen i go kɔmɔt na di ol we nɔ gɛt bɔtɔm, dɛn i go go na ples we dɛn go go kil am. Dɛn pipul we de na wɔl, we dɛn nem nɔ bin dɔn rayt bifo Gɔd mek di wɔl, na di buk we dɛn rayt dɛn pipul we gɛt layf sote go dɛn nem, dɛn ɔl go wɔnda wɛn dɛn de luk di wayl bif. I bin gɛt layf fɔstɛm, dɛn i day, bɔt i go kam bak.

Rɛvɛleshɔn 13:8

Ɔl dɛn pipul na di wɔl go pre to di wayl bif, pas nɔmɔ if dɛn nem bin rayt na di Ship we dɛn kil, in buk. Bifo Gɔd mek di wɔl, nain dɛn pipul we gɛt layf sote go dɛn nem bin dɔn rayt na di Ship in buk.

Sɛkɛn Lɛta To Timoti 2:10

na dat mek a de bia ɔltin fɔseka dɛn pipul we Gɔd dɔn pik, so dat dɛnsɛf go sev if dɛn gɛt wanwɔd wit Krays Jizɔs ɛn dɛn go gɛt di tru layf we de na ɛvin sote go.

Fɔs Lɛta To Timoti 6:19

If dɛn du dat dɛn go rɛdi fɔ di tɛm we gɛt fɔ kam, so dat dɛn go gɛt da layf we na di tru layf.

Lɛta Fɔ Rom 5:21

So jɛs lɛkɛ aw sin bin gɛt pawa fɔ mek ɔlman day, na semwe so di lɛk we Gɔd lɛk wi pan ɔl we wi nɔ fit fɔ mek i lɛk wi, gɛt pawa fɔ mek wi gɛt layf we go de sote go, naw we Gɔd dɔn mek ɔltin rayt bitwin in ɛn mɔtalman na Masta Jizɔs Krays mek dat bi so.

Apɔsul Dɛn Wok 15:18

Na di tin dis we di Masta bin dɔn tɔk, ɛn i dɔn mek wi no dat lɔntɛm.’”

Jɔn 17:2

Yu gi am pawa fɔ rul mɔtalman, so dat i kin gi ɔl dɛn wan we yu gi am, layf we go de sote go.

Jɔn 10:28

A go gi dɛn layf we go de sote go, dɛn nɔ go day igen, ɛn nɔbɔdi nɔ go pul dɛn kɔmɔt na mi an.

Jɔn 6:68

Saymɔn Pita ansa se, “Masta, udat wi go go to? Na yu de tɔk dɛn wɔd we de gi pɔsin layf we go de sote go.

Jɔn 6:54

Ɛnibɔdi we it mi bɔdi ɛn drink mi blɔd, da pɔsin de go gɛt layf we go de sote go, ɛn a go mek i rayz frɔm in grev ɛn gi am tru layf, di de we Gɔd go jɔj ɔlman.

Jɔn 5:39

Una de luk gud insay di wɔd dɛn we rayt na Gɔd in Buk, bikɔs una min se una go gɛt layf we go de sote go insay dɛn buk de. Bɔt na mi dɛn de tɔk bɔt na Gɔd in Buk.

Fɔs Lɛta To Timoti 6:12

Fɛt fɔ di biliv we yu biliv pan Krays we gud, ɛn ol di layf we go de sote go we yu gɛt wit Gɔd, gud; na Gɔd kɔl yu fɔ gi yu da layf de ɛn na bɔt dat yu dɔn tɔk plen wan bifo plɛnti pipul.

Fɔs Lɛta Fɔ Tɛsalonayka 2:15

Na dɛn sem Ju pipul ya kil di prɔfɛt dɛn, ɛn mek dɛn kil Masta Jizɔs ɛn mek wi sɔfa. Dɛn dɔn mek Gɔd vɛks pan dɛn bad wan! Dɛn wikɛd to ɔlman!

Lɛta Fɔ Rom 16:25

Una lɛ wi prez Gɔd! Gɔd ebul mek una stil biliv traŋa wan lɛkɛ aw di Gud Nyuz bɔt Jizɔs Krays we a bin dɔn tɛl una mek una biliv; ɛn di Gud Nyuz bɔt Jizɔs Krays na di tru tin we Gɔd bin ayd frɔm we di wɔl bigin.

Lɛta Fɔ Rom 5:4

ɛn we wi gɛt maynd fɔ bia, Gɔd go satisfay wit wi, ɛn we Gɔd satisfay wit wi, wi go no se wi go gɛt ɔl wetin Gɔd dɔn prɔmis wi na dis wɔl ɛn nɛks wɔl.

Lɛta Fɔ Rom 5:2

Bikɔs wi biliv pan Krays, i dɔn mek wi no aw Gɔd lɛk wi pan ɔl we wi nɔ fit fɔ mek i lɛk wi, ɛn Gɔd de sho wi aw i lɛk wi naw. So wi gladi, bikɔs wi no se Gɔd go mek wi bi jɛs lɛkɛ aw i want wi fɔ bi.

Lɛta Fɔ Rom 2:7

Sɔm pipul de du gud ɔltɛm, dɛn want mek Gɔd prez dɛn, gi dɛn ɔna, ɛn layf we nɔ go dɔn. Gɔd go gi dɛn layf we go de sote go.

Lɛta Fɔ Rom 1:2

Gɔd bin dɔn prɔmis fɔ sɛn dis Gud Nyuz ya lɔntɛm ɛn i bin dɔn mek in prɔfɛt dɛn tɛl pipul se in go sɛn am; di Gud Nyuz rayt na Gɔd in Buk.

Jɔn 17:24

“Papa! Yu dɔn gi mi dɛn, ɛn a want mek dɛn de wit mi na di say we a go de, so dat dɛn go si aw a wɔndaful fɔ tru. Yu mek a wɔndaful so, bikɔs yu bin dɔn lɛk mi bifo yu mek di wɔl.

Lɛta Fɔ Kɔlɔse 1:27

Gɔd mekɔp fɔ mek in yon pipul dɛn no dis wɔndaful, wɔndaful mɛsej we nɔbɔdi nɔ bin no fɔs tɛm, ɛn i mekɔp fɔ mek ɔlman yɛri am. Dis wɔndaful tin ya na we Krays de insay una at ɛn dat go mek una de wit Gɔd di say we i de rul.

Mak 10:30

Gɔd go gi am ɔndrɛd tɛm pas wetin i bin gɛt: os, brɔda, sista, mama ɛn papa, pikin ɛn fam; ɛn pipul go mek i sɔfa bad wan na dis wɔl, bɔt Gɔd go gi am layf we go de sote go na di wɔl we gɛt fɔ kam.

Mak 10:17

As Jizɔs de go, wan man rɔn go mit am ɛn nil dɔŋ bifo am ɛn se, “Ticha, yu we gud, wetin a fɔ du fɔ mek a gɛt layf we go de sote go?”

Ayzaya 1:20

Bɔt if una nɔ gri ɛn tɔn una bak pan mi, na wa una go day; bikɔs na PAPA GƆD sɛf sɛf tɔk so.”