Taytɔs 1:16 - Krio Fɔs Oli Baybul

¹⁶ Dɛn de se dɛn no Gɔd, bɔt di tin dɛn we dɛn de du sho se dɛn nɔ no am. Dɛn gɛt bad at, dɛn nɔ de yɛri wɔd, dɛn nɔ fit fɔ du ɛnitin we gud.

Taytɔs 1:16 Referans Kwoze

Jɔn In Fɔs Lɛta 2:4

Di pɔsin we de se, “A no Gɔd,” bɔt i nɔ gri fɔ du wetin Gɔd tɛl am fɔ du, da pɔsin de de lay; i nɔ de tɔk tru.

Ayzaya 29:13

Ɛn PAPA GƆD se: “Bikɔs dɛn pipul ya kam nia mi wit dɛn mɔt ɛn ɔna mi wit dɛn lip, we dɛn at nɔ de to mi, ɛn di fred we dɛn de fred mi, na mɔtalman lɔ we dɛn kram;

Lɛta Fɔ Ɛfisɔs 5:6

Mek nɔbɔdi nɔ mek una ful wit wɔd we nɔ min natin, na ɔl dɛn tin ya de mek Gɔd vɛks pan dɛn pipul we nɔ de du wetin i tɛl dɛn fɔ du.

Izikɛl 33:31

Ɛn dɛn kam to yu lɛk aw pipul dɛn kin kam, ɛn dɛn sidɔm bifo yu lɛk mi yon pipul, ɛn dɛn yɛri wetin yu se bɔt dɛn nɔ go du am; fɔ dɛn de sho bɔku lɔv wit dɛn mɔt bɔt dɛn at fasin pan dɛn prɔfit.

Jud In Lɛta 1:4

A de tɛl una dat bikɔs sɔm pipul we nɔ gɛt Gɔd na dɛn at dɔn kam miks wit una sikrit wan; dɛn se bikɔs Gɔd gud, dɛn kin du ɛni kayn tin, ɛn Gɔd nɔ go kɔndɛm dɛn; dɛn tɔn dɛn bak pan wi wangren Masta Jizɔs Krays. Na lɔn, lɔntɛm, Gɔd in Buk bin dɔn tɔk se Gɔd go kɔndɛm dɛn pipul ya.

Lɛta Fɔ Rom 1:28

Bikɔs mɔtalman nɔ gri fɔ put dɛn at pan di tru tin we dɛn no bɔt Gɔd, Gɔd dɔn lɛf dɛn fɔ du di bad tin we de na dɛn at, so naw dɛn jɛs de du dɛn tin we dɛn nɔ fɔ du.

Rɛvɛleshɔn 21:27

Bɔt natin we bad nɔ go go insay de, ɛnibɔdi we de du dɛn dɔti dɔti tin nɔ go go insay de, semwe so, dɛn pipul we de lay, ɛn pipul dɛn lɛkɛ dat, nɔ go go insay de. Dɛn pipul we go go insay de, na di wan dɛn nɔmɔ we dɛn nem bin dɔn rayt na di Ship in buk we dɛn de rayt dɛn pipul we gɛt layf sote go dɛn nem.

1 Samiɛl 15:22

Nain Samiɛl se “PAPA GƆD want yu fɔ bɔn sakrifays to am ɔ i want yu fɔ du wetin go mek i gladi? No se fɔ du wetin PAPA GƆD se fɔ du, bɛtɛ pas di sakrifays we yu de mek to am.

Rɛvɛleshɔn 21:8

Bɔt as fɔ dɛn pipul we dɛn maynd wik, dɛn wan we nɔ biliv Gɔd in mɛsej, dɛn wan we de du dɛn dɔti dɔti tin, dɛn wan we de kil dɛn kɔmpin, dɛn wan we liv fri layf, dɛn wan we de wich, dɛn wan we de fala mɛrɛsin, dɛn wan we de lay, ɔl dɛn pipul we de du dɛn kayn tin ya, dɛn go trowe dɛn ɔl insay da wata we faya de kech ɛn sɔlfa de bɔn. Na di sɛkɛn day dat.”

Fɔs Lɛta To Timoti 5:8

If ɛnibɔdi nɔ de mɛn in fambul dɛn, pati kla in yon mami ɛn dadi, da pɔsin de de du lɛkɛ se fɔ biliv pan Gɔd nɔ min natin, i wɔs pas pɔsin we nɔ biliv pan Gɔd wande.

Ayzaya 58:2

Bɔt dɛn de luk fɔ mi ɛvride, ɛn dɛn kin gladi fɔ no bɔt mi, lɛk se dɛn na neshɔn we de waka tret na mi yay ɛn nɔ bin abandɔn dɛn Gɔd in lɔ dɛm; dɛn de aks mi nɔ fɔ tek nɔbɔdi pat pan jɔjmɛnt, dɛn de gladi fɔ kam nia Gɔd.

Ayzaya 48:1

Lisin dis, yu Jekɔb in os, yu we dɛn de kɔl Izrɛl, we Juda na yu dadi, we de swɛ wit PAPA GƆD in nem ɛn se yu biliv pan di Gɔd na Izrɛl, bɔt nɔ bin de tɔk tru ɔ wetin rayt.

1 Samiɛl 15:24

Na da tɛm de Sɔl se in dɔn sin ɛn du wetin nɔ rayt to PAPA GƆD. I se, in bin de fred in pipul dɛn so i du wetin dɛn want.

Job 15:16

bifo a se di wan dɛn we dɛn no fɔ wikɛdnɛs ɛn kɔrɔpshɔn, we de du bad lɛk we pɔsin de drink wata.

Fɔs Lɛta To Timoti 1:9

Pɔsin fɔ no se nɔto fɔ pipul we gud lɔ de, bɔt na fɔ dɛn wan we de brok di Lɔ, dɛn wan we de tif ɛn du ɔl kayn bad tin, dɛn wan we nɔ no Gɔd; dɛn wan we nɔ de fɔ Gɔd, we nɔ tek Gɔd biznɛs mek natin, dɛn wan we de kil dɛn yon mami ɛn dadi, ɛn dɛn wan we de kil dɛn kɔmpin mɔtalman,

Di Nɔmba Dɛm 24:16

Na pɔsin we de yɛri wetin PAPA GƆD de se de tɔk dis mɛsej, we no bɔt PAPA GƆD Ɔlmayti, pɔsin we kin si aw PAPA GƆD want mek i si, pɔsin we de lidɔm bifo PAPA GƆD ɛn we PAPA GƆD de opin in yay.

Jɛrimaya 6:30

Dɛn kɔl dɛm, “Silva we nɔbɔdi nɔ want,” bikɔs PAPA GƆD dɔn se I nɔ wan dɛm atɔl.”

Prɔvabs 30:12

Pipul de we de mek lɛk fɔ se dɛn klin we dɛn nɔ klin.

Ayzaya 59:13

fɔ kɔmit sin, ɛn de dinay PAPA GƆD, ɛn tɔn kɔmɔt, lɛf fɔ fala wi Gɔd, de tɔk aw fɔ sɔprɛs pipul ɛn fɔ ribɛl, de plan na dɛn maynd, ɛn de tɔk laylay wɔd kɔmɔt na wi at.

Jɛrimaya 5:2

Ɔlwe dɛn kin swɛ se, “Wans PAPA GƆD de,” dɛn stil kin lay.

Jɛrimaya 12:2

Yu plant dɛn, ɛn dɛn pul rut ɔnda grɔn, dɛn gro ɛn bia frut, yu de nia dɛn mɔt ɛn fawe frɔm dɛn at.

Sɛkɛn Lɛta To Timoti 3:17

so dat ɛnibɔdi we de du Gɔd wok go gɛt ɔl wetin i fɔ gɛt ɛn bi wetin i fɔ bi so dat i go ebul du ɔl kayn gud wok lɛkɛ aw i fɔ du am.

Taytɔs 3:1

Mɛmba di Kristiɛn dɛn we yu de wok wit fɔ de du wetin di gɔvmɛnt ɛn di pipul dɛn we dɛn put oba dɛn, tɛl dɛn fɔ du ɛn fɔ rɛdi fɔ du ɔltin we gud.

Taytɔs 3:3

Tɛm bin de we wisɛf bin de pan fulish layf, wi nɔ bin de lisin to Gɔd, wi nɔ bin de lisin to mɔtalman, ɛn wi nɔ bin de du wetin rayt. Wi nɔ bin ebul kɔntrol wisɛf, ɛn na wetin wi at tɛl wi nɔmɔ wi bin de fala; wi bin de pan ɔl kayn ɛnjɔymɛnt, na bad nɔmɔ wi bin de mɛmba fɔ pipul, wi bin de jɛlɔs pipul, pipul nɔ bin lɛk wi ɛn wisɛf nɔ bin lɛk dɛn.