Taytɔs 1:15 - Krio Fɔs Oli Baybul

¹⁵ Ɔltin klin to pipul we gɛt klin at; bɔt natin nɔ klin to pipul we nɔ gɛt klin at ɛn we nɔ biliv Gɔd, bikɔs na dɔti tin dɛn de mɛmba ɛn na dat de na dɛn at.

Taytɔs 1:15 Referans Kwoze

Lɛta Fɔ Rom 14:14

Di wanwɔd we a gɛt wit Masta Jizɔs mek a no gud gud se natin nɔ de we bad fɔ it, na bay aw pɔsin luk am nɔmɔ; bɔt if pɔsin biliv se sɔntin bad fɔ am fɔ it, dɛn di tin bad fɔ di pɔsin fɔ it.

Lɛta Fɔ Rom 14:20

Una nɔ mek di tin we Gɔd dɔn du pwɛl, fɔseka it. Una kin it ɔltin, bɔt una nɔ fɔ it ɛnitin we go mek ɔda pɔsin sin.

1 Kɔrint 10:23

Sɔm pipul go se, “Wi kin du ɛnitin, nɔbɔdi nɔ go tap wi.” Dat na tru. Bɔt nɔto ɔltin we pɔsin kin du, gud. Dɛn go se igen, “Wi kin du ɛnitin,” bɔt nɔto ɔltin we dɛn de du, go ɛp ɔda pipul.

Matyu 15:18

Bɔt di wɔd dɛn we pɔsin de tɔk sho udat i bi, bikɔs nain at di wɔd dɛn de kɔmɔt, ɛn na dat de mek pɔsin nɔ klin na Gɔd in yay.

Lɛta Fɔ Rom 14:23

Bɔt if pɔsin de dawt nain at wɛn i de it sɔntin, Gɔd go kɔndɛm am bikɔs i nɔ biliv se wetin i de du, rayt. If wi du ɛnitin we wi nɔ biliv se rayt, dat na sin.

1 Kɔrint 10:31

Wɛl, ɛnitin we una de du, if una de it ɔ una de drink, una fɔ mek Gɔd gɛt di prez fɔ ɔl.

Apɔsul Dɛn Wok 10:15

Di vɔys tɔk igen se, “Ɛni tin we Gɔd se klin, yu nɔ fɔ se i dɔti.”

1 Kɔrint 8:7

Bɔt nɔto ɔlman no dɛn tru tin ya we wi jɛs tɛl una. Sɔm pipul bin dɔn so yus fɔ biliv se dɛn tin we mɔtalman bin mek fɔ pre to gɛt layf, dat, te tide, wɛn dɛn de it bif we pipul bin dɔn sakrifays to dɛn tin ya, dɛn stil de tink se dɛn bif de na fɔ di tin dɛn we pipul de pre to. So dɛn fil se dɛn de du tin we nɔ rayt we dɛn it dɛn bif de ɛn dɛn fil se dɛn nɔ klin insay.

Di Ibru Pipul Dɛn 10:22

So, lɛ wi biliv pan Jizɔs Krays gud wan; lɛ wi kam klos Gɔd wit ɔl wi at, bikɔs Jizɔs in blɔd dɔn klin wi at; ɛn wi na pipul we dɔn was wi bɔdi na di klin wata.

1 Kɔrint 10:25

Una fri fɔ it ɛni bif we dɛn de sɛl na makit ɛn una nɔ gɛt fɔ aks kwɛshɔn fɔ no usay di bif kɔmɔt fɔ mek una no if i rayt fɔ it am.

Fɔs Lɛta To Timoti 6:5

ɛn i de mek dɛn man we nɔ de tink rayt ɛn we nɔ sabi igen wetin tru bɔt Krays, agyu ɔltɛm. Dɛn fil se Gɔd yon we nain fɔ tek jɛntri. Yu nɔ fɔ gɛt natin fɔ du wit dɛn.

Prɔvabs 21:4

Fɔ de kak ɛn de blɔf, na tin we bad pɔsin de du, ɛn dat na sin.

Egay 2:13

Dɛn Egeay as dɛn se, if pɔsin we nɔ klin na PAPA GƆD yay bikɔs i dɔn tɔch dedebɔdi, tɔch dɛn tin ya, if di tin dɛnsɛf de tɔn tin dɛn we nɔ klin na PAPA GƆD yay. Di man dɛn we de mek sakrifays fɔ pipul sin ansa se, dɛn tin de dɛnsɛf nɔ go klin na PAPA GƆD yay.

Di Ibru Pipul Dɛn 9:14

If di bif dɛn blɔd bin gɛt pawa fɔ klin pipul, dat min se, Krays in blɔd gɛt pawa pas di bif dɛn blɔd fɔ klin wi at. I tek insɛf we nɔ sin wande, mek sakrifays fɔ wi, ɛn na Gɔd in Spirit we de sote go gi am pawa fɔ sakrifays insɛf. Fɔseka dat, Krays mek wi at klin, so dat wi nɔ go du bad igen we go mek wi day, bɔt wi go sav Gɔd we gɛt layf sote go.

Prɔvabs 30:12

Pipul de we de mek lɛk fɔ se dɛn klin we dɛn nɔ klin.

Di Ibru Pipul Dɛn 12:15

Una tek tɛm so dat una nɔn nɔ go du tin we go mek i nɔ gɛt Gɔd in blɛsin. Una tek tɛm, semwe so, so dat una nɔn nɔ go tan lɛkɛ plant we na pɔyzin, bikɔs dɛn kayn pipul de de mek trɔbul fɔ ɔda pipul ɛn pwɛl plɛnti layf.