Taytɔs 1:12 - Krio Fɔs Oli Baybul

¹² Wan pan dɛn yon prɔfɛt, we insɛf kɔmɔt Krit, nain bin tɔk se, “Pipul we kɔmɔt Krit nɔba tɔk tru, dɛn na wikɛd bist, dɛn les ɛn dɛn de it tumɔs.”

Taytɔs 1:12 Referans Kwoze

Fɔs Lɛta To Timoti 4:2

Na dɛn pipul we de lay, de lan pipul dɛn tin ya i tan lɛkɛ dɛn dɔn bɔn dɛn at na faya ɛn dat mek dɛn nɔ gɛt kɔnshɛns igen.

Lɛta Fɔ Rom 16:18

Dɛn pipul we de du dɛn kayn tin ya nɔ de du wi Masta Jizɔs Krays in wok, dɛn de wok fɔ satisfay dɛnsɛf nɔmɔ. Dɛn gɛt swit mɔt ɛn dɛn kin tɔk fayn fayn fɔ kɔnfyus dɛn pipul we nɔ no wetin tru.

Apɔsul Dɛn Wok 17:28

sɔm pipul bin dɔn rayt se, ‘Na Gɔd de gi wi layf, nain de mek wi ebul waka ɛn nain de mek wi ebul du ɔltin!’ Ɛn sɔm pan una pipul dɛn we dɔn rayt buk, se, ‘Wi na Gɔd in pikin dɛn.’

Pita In Sɛkɛn Lɛta 2:15

Dɛn ticha ya dɔn kɔmɔt na di rayt rod so dɛn nɔ no usay dɛn de go igen. Dɛn de waka na di rod we Belam, Bosɔ in pikin, bin de waka; Belam na pɔsin we bin lɛk fɔ du tin we nɔ rayt, fɔ gɛt mɔni,

Pita In Sɛkɛn Lɛta 2:12

Bɔt dɛn ticha ya de tɔk bad bɔt tin we dɛn nɔ sabi natin bɔt, ɛn laf dɛn; dɛn jɛs tan lɛkɛ wayl bif na bush we nɔ de tink, dɛn jɛs de du ɛnitin we dɛn ed gi dɛn fɔ du; so jɛs lɛkɛ aw dɛn wayl bif de bɔn kam na wɔl fɔ mek pipul kech dɛn, ɛn kil dɛn, na so pipul go kil dɛn ticha ya,

Apɔsul Dɛn Wok 2:11

Wi ɔl miks: Ju pipul ɛn dɛn pipul we gri fɔ tɔn to Ju, ɛn sɔm pan wi kɔmɔt Krit ɛn Are bia; bɔt pan ɔl dat wi ɔl de yɛri dɛn pipul ya we kɔmɔt Galili de tɔk na wi yon difrɛn laŋwej dɛn bɔt dɛn big wok we Gɔd de du.”

Apɔsul Dɛn Wok 27:7

Di bot bin de go slo, wi tek lɔŋ tɛm bikɔs di briz bin de blo traŋa wan, bɔt wi manej rich Nidɔs. Di briz nɔ mek wi ebul go usay wi bin want go, so wi go di say we plɛnti briz nɔ de na Krit we de klos Salmoni.

Apɔsul Dɛn Wok 27:12

Di ples nɔ bin gud fɔ mek dɛn de de kol sizin, so plɛnti pipul se mek dɛn kɔmɔt de ɛn tray rich na wan abɔ na Krit we nem Finiks; if yu de luk di say we san de go dɔŋ na Krit, Finiks de midul yu lɛfan ɛn raytan. Na de dɛn bin want de te di kol sizin dɔn.

Apɔsul Dɛn Wok 27:13

Wɛn di briz nɔ bin plɛnti igen, dɛn bin min se di bot kin go, so dɛn lus di bot ɛn mek i pas klos di sho.

Lɛta Fɔ Filipay 3:19

Bɔt dɛn pipul ya go go na ɛl, bikɔs dɛn tek ɔl wetin dɛn want fɔ dɛnsɛf tɔn dɛn to dɛn yon gɔd; ɛn dɛn tin we fɔ mek dɛn shem, nain dɛn de gladi fɔ. Dɛn put ɔl dɛn at pan dɛn tin we de na dis wɔl.

Taytɔs 1:5

A bin lɛf yu na Krit fɔ mek yu du wetin wi nɔ bin du de yet, ɛn mek yu pik ovasia na ɔl dɛn tɔŋ. Mɛmba dɛn tin we a bin tɛl yu: