Taytɔs 1:11 - Krio Fɔs Oli Baybul

¹¹ Yu fɔ mek dɛn pipul ya tap fɔ tɛl pipul dɛn tin we dɛn de tɔk, bikɔs dɛn de skata mami, dadi, ɛn pikin, we dɛn de lan dɛn tin we dɛn nɔ fɔ lan dɛn. Dɛn de du dat fɔ mek mɔni nɔmɔ, ɛn dat na tin we fɔ mek dɛn shem.

Taytɔs 1:11 Referans Kwoze

Sɛkɛn Lɛta To Timoti 3:6

Sɔm pan dɛn de go na pipul os, go tɔn dɛn uman dɛn at we nɔ no wetin dɛn de pan bikɔs dɛn sin de mɔna dɛn ɛn dɛn de du ɛnitin we dɛn at gi dɛn fɔ du;

Fɔs Lɛta To Timoti 6:5

ɛn i de mek dɛn man we nɔ de tink rayt ɛn we nɔ sabi igen wetin tru bɔt Krays, agyu ɔltɛm. Dɛn fil se Gɔd yon we nain fɔ tek jɛntri. Yu nɔ fɔ gɛt natin fɔ du wit dɛn.

Lɛta Fɔ Rom 3:19

Wi dɔn no naw se ɔltin we de na di Ju Lɔ na fɔ dɛn pipul we fil se dɛn mɔs kip am. Di Lɔ de so dat nɔbɔdi nɔ go se in nɔ no wetin rayt fɔ du, ɛn, pantap dat i go mek Gɔd jɔj ɔlman na wɔl.

Taytɔs 3:10

Yu fɔ wɔn di pɔsin we de skata pipul, tu ɔ tri tɛm; if i nɔ yɛri, yu nɔ fɔ gɛt ɛnitin fɔ du wit am igen.

Di Sam Dɛm 63:11

Bɔt di kiŋ go gladi fɔ wetin PAPA GƆD du fɔ am; ɔl udat tek PAPA GƆD as witnɛs we i de mek prɔmis go prez PAPA GƆD; bɔt PAPA GƆD go lɔk ɔl dɛn bɛla dɛn mɔt.

Taytɔs 1:9

I fɔ biliv di tru mɛsej we nɔ go chenj, dat na di sem mɛsej we wi lan dɛn; ɛn i fɔ fala am wit ɔl in at. If i du dat, insɛf go ebul lan pipul dɛn tin we gud fɔ dɛn, so dat i go kɔrej dɛn ɛn sho dɛn wan we de tɔk se dɛn tin we i de lan dɛn nɔ rayt, se dɛn nɔ fɔ de tɔk so.

Taytɔs 1:7

Na ovasia in an Gɔd in wok de, so i nɔ fɔ du ɛnitin we go mek pɔsin pɔynt fiŋa pan am. I nɔ fɔ prawd, i nɔ fɔ de vɛks kwik kwik, i nɔ fɔ de drɔnk, i nɔ fɔ de fɛt, i nɔ fɔ want plɛnti tin fɔ insɛf.

Mayka 3:5

Na dis PAPA GƆD se bɔt di fɔls prɔfɛt dɛn: I se dɛn de ful di pipul. We dɛn gi dɛn tin fɔ it, dɛn de se ɔltin ɔrayt bɔt we dɛn nɔ gɛt fɔ gi dɛn, na da tɛm de dɛn de tɛl dɛn se dɛn go gɛt trɔbul.

Di Sam Dɛm 107:42

Udat de du tin tret wan, kin si wetin PAPA GƆD de du, dɔn i gladi, bɔt di bad man nɔba ebul se fiŋ.

2 Kɔrint 11:10

A prɔmis una se, ɛni say we a go na Gris, a go de bost se a nɔ tek pe na una an, ɛn na tru wɔd we Krays insɛf put na mi at a de tɔk.

Lyuk 20:40

Dɛn fred fɔ aks Jizɔs ɔda kwɛshɔn.

Mayka 3:11

Di big wan dɛn we de bifo de tek brayb, di man dɛn we de mek sakrifays fɔ pipul sin de tek mɔni fɔs bifo dɛn du dɛn wok dɔn di prɔfɛt dɛn de tek pe bifo dɛn tɛl yu PAPA GƆD in mɛsej. Na ɔl dɛn bad tin ya dɛn de du bɔt dɛn de blɔf se PAPA GƆD de wit dɛn so natin nɔ go du dɛn.

Izikɛl 16:63

so dat una go mɛmba ɛn kɔle, ɛn nɔ ɛva ebul se natin igen, bikɔs una go shem, we a go fɔgiv una fɔ ɔl wetin una bin dɔn du, na so Papa Gɔd we na Gɔd se.”

Izikɛl 13:19

Una dɔn mek mi pipul dɛn nɔ rɛspɛkt mi, fɔseka koko ɛbɛ, de kil pipul we nɔ fɔ day, ɛn sev pipul we nɔ sɔpoz fɔ lib, wit di lay we una de lay gi mi pipul dɛn, we de lisin to di lay we una de lay.

Jɛrimaya 8:10

Fɔseka dat, a go gi dɛn wɛf dɛm to ɔda man dɛn ɛn dɛn fam dɛm to di wan dɛn we go win dɛm, bikɔs, frɔm di lili wan to di big wan, ɔlman awn awn fɔ tif tif prɔpati; frɔm di prɔfɛt to di man we de mek sakrifays fɔ pipul sin, ɔlman de pan rikishi.

Jɔn 10:12

Man we dɛn de pe fɔ mɛn ship, we nɔto in na di tru shɛpad, ɛn nɔto in gɛt di ship dɛn, wɛn i si wulf de kam, i go rɔnawe lɛf di ship dɛn, so di wulf go kech di ship dɛn ɛn kɛr dɛn go.

Matyu 23:13

“I go bad fɔ una dɛn Faresi ɛn dɛn Ju Lɔ ticha; una na ipokrit! Una de baŋ do pan pipul fes mek dɛn nɔ go insay di say we Gɔd de rul, unasɛf nɔ de go insay, ɛn una nɔ de gri mek dɛn pipul we want go insay, go de. [

Fɔs Lɛta To Timoti 5:4

Bɔt if uman we in man dɔn day gɛt pikin ɔ grampikin, in pikin ɔ grampikin fɔ du wetin ɔl pikin ɛn grampikin fɔ du fɔ dɛn mami ɛn dadi ɛn fɔ dɛn grani ɛn grandadi dɛn fɔ gi dɛn ɔl wetin dɛn fɔ gɛt, bikɔs if dɛn du dat, Gɔd go satisfay wit dɛn.

Fɔs Lɛta To Timoti 5:13

Pantap dat, dɛn kin jɛs de go frɔm os to os aydul wan, dɛn kin de koŋosa, de bizabɔdi, ɛn tɔk bɔt tin we dɛn nɔ fɔ tɔk bɔt.

Sɛkɛn Lɛta To Timoti 2:18

Dɛn nɔ biliv wetin tru igen, dɛn de tɔk se di tɛm we pipul we dɔn day go rayz frɔm dɛn grev dɔn pas; dat de mek sɔm pipul we bin biliv, bigin dawt.