Taytɔs 1:10 - Krio Fɔs Oli Baybul

¹⁰ Plɛnti pipul de, we nɔ de yɛri wɔd, we de mek ɔda pipul ful wit di nɔnsɛns we dɛn de tɔk, ɛn na dɛn Ju pipul mɔ de du so.

Taytɔs 1:10 Referans Kwoze

Fɔs Lɛta To Timoti 1:6

Sɔm pipul de we nɔ biliv dɛn tin ya igen, naw dɛn de tɔk plɛnti fulish fulish tin.

Jɔn In Fɔs Lɛta 4:1

Mi padi dɛn we a lɛk, nɔto ɔl spirit una fɔ biliv, bɔt una fɔ tray di spirit dɛn fɔ no if na to Gɔd dɛn kɔmɔt, bikɔs plɛnti lay prɔfɛt dɛn dɔn kam na di wɔl.

Lɛta Fɔ Galeshya 2:4

pan ɔl we sɔm pipul bin want am fɔ du dat. Dɛn sem pipul ya bin de mek lɛkɛ se dɛn biliv pan Jizɔs Krays, dɛn bin kam miks wit wi fɔ wach wi bikɔs wi fri fɔ du ɛnitin we Gɔd want we wi gɛt wanwɔd wit Jizɔs Krays. Dɛn bin want fɔ lɛ wi bi slev ɔnda di Ju Lɔ,

Lɛta Fɔ Ɛfisɔs 4:14

Da tɛm de wi nɔ go liv lɛkɛ pikin we kin chenj wetin dɛn biliv wɛn dɛn yɛri nyu tin, ɔ wɛn pɔsin mek dɛn ful.

Jems 1:26

If ɛnibɔdi tink se in de fala Gɔd ɛn i nɔ de tek tɛm wɛn i de tɔk, i de mek insɛf ful. Na fɔ natin di pɔsin de fala Gɔd.

Sɛkɛn Lɛta To Timoti 3:13

Wikɛd pipul ɛn dɛn wan we de mek pipul ful go de wɔs mɔ ɛn mɔ, dɛn go de mek plɛnti mɔ pipul ful ɛn dɛn go de mek dɛnsɛf ful.

Apɔsul Dɛn Wok 11:2

Dɛn Ju pipul we bin biliv pan Jizɔs tɔk pan Pita bikɔs i go Jerusɛlɛm.

Rɛvɛleshɔn 2:14

Bɔt sɔm tin dɛn de we a blem una fɔ, sɔm pan una de du dɛn tin we Belam bin tɛl pipul fɔ du; na Belam bin sho Belak aw fɔ trap di Izrɛl pipul dɛn mek dɛn sin. I bin mek dɛn it it we dɛn bin dɔn gi dɛn tin we mɔtalman mek fɔ pre to, ɛn i mek dɛn wan we bin dɔn mared, liv fri layf.

Rɛvɛleshɔn 2:6

bɔt na wan tin a prez una fɔ, una nɔ lɛk dɛn bad tin we dɛn pipul, we de fala Nikolas, de du, jɛs lɛkɛ aw misɛf nɔ lɛk dɛn.

Jɔn In Fɔs Lɛta 2:18

Mi pikin dɛn, di tɛm we di wɔl go dɔn, dɔn kam klos. Dɛn bin dɔn tɛl una se di wan we nɔ lɛk Krays atɔl gɛt fɔ kam, ɛn plɛnti pipul we nɔ lɛk Krays dɔn kam naw; na dat mek wi no se di tɛm we di wɔl go dɔn, dɔn kam klos.

Sɛkɛn Lɛta To Timoti 4:4

Dɛn go lɛf fɔ lisin Gɔd yon mɛsej we tru, dɛn go put dɛn ed pan dɛn stori we mɔtalman mek.

Fɔs Lɛta To Timoti 1:4

Yu fɔ tɛl dɛn se dɛn fɔ lɛf fɔ lisin to dɛn pipul we jɛs de tɔk stori we dɛn yɛri, ɛn dɛn grampapa papa dɛn nem we nɔ de dɔn, bikɔs dɛn tin de jɛs de mek pipul mek plaba nɔmɔ; dɛn nɔ de ɛp fɔ mek dɛn no bɔt Gɔd in plan fɔ sev wi; na di biliv we pɔsin biliv pan Gɔd de ɛp fɔ mek ɔda pipul no bɔt Gɔd in plan fɔ sev wi.

Lɛta Fɔ Galeshya 3:1

Una dɛn pipul we kɔmɔt Galeshya, una nɔ gɛt sɛns! Udat de wich una mek una nɔ ebul no wetin una de du? A bin dɔn tɛl una plen wan aw pipul bin kil Jizɔs Krays na di krɔs.

Apɔsul Dɛn Wok 20:29

A no se wɛn a lɛf una go, sɔm pipul we nɔ go de tɔk tru go kam to una. Dɛn go du una lɛkɛ aw dɛn bad wulf kin du ship.

Apɔsul Dɛn Wok 15:1

Sɔm pipul kɔmɔt Judia go Antiɔk. Dɛn go tɛl di pipul dɛn na Antiɔk se, Gɔd nɔ go sev dɛn pas dɛn sakɔmsayz bikɔs na dat di Lɔ we Gɔd gi Mozis se.

Apɔsul Dɛn Wok 15:24

Wi yɛri se sɔm pipul we kɔmɔt to wi na ya de mek tin traŋa fɔ una ɛn dɛn de kɔnfyus una wit di tin we dɛn de tɔk. Nɔto wi sɛn dɛn.

Fɔs Lɛta To Timoti 1:9

Pɔsin fɔ no se nɔto fɔ pipul we gud lɔ de, bɔt na fɔ dɛn wan we de brok di Lɔ, dɛn wan we de tif ɛn du ɔl kayn bad tin, dɛn wan we nɔ no Gɔd; dɛn wan we nɔ de fɔ Gɔd, we nɔ tek Gɔd biznɛs mek natin, dɛn wan we de kil dɛn yon mami ɛn dadi, ɛn dɛn wan we de kil dɛn kɔmpin mɔtalman,

Taytɔs 1:6

Ovasia na pɔsin we nɔ fɔ du ɛnitin we go mek pipul pɔynt fiŋa pan am; na wangren wɛf nɔmɔ i fɔ gɛt; in pikin dɛn fɔ bi Kristiɛn, ɛn pipul nɔ fɔ de tɔk se dɛn wayl ɛn dɛn nɔ de yɛri wɔd.

Jɔn In Fɔs Lɛta 2:4

Di pɔsin we de se, “A no Gɔd,” bɔt i nɔ gri fɔ du wetin Gɔd tɛl am fɔ du, da pɔsin de de lay; i nɔ de tɔk tru.

Matyu 23:14

I go bad fɔ una dɛn Faresi ɛn dɛn Ju Lɔ ticha; una na ipokrit! Una de tek dɛn uman we dɛn man dɔn day, dɛn prɔpati; dɔn una de pre lɔŋ pre fɔ mek pipul biliv se una na gud pipul; na dat mek Gɔd go pɔnish una pas aw i bin fɔ pɔnish una.]