Sɔlɔmɔn In Siŋ Dɛm 8:2 - Krio Fɔs Oli Baybul

² A go ol yu ɛn kɛr yu go na mi mama in os, insay di wan we tekin fɔ mi in rum. A go gi yu wayn we gɛt spays, fɔ drink, ɛn a go kwis mi pomigranet fɔ yu.

Sɔlɔmɔn In Siŋ Dɛm 8:2 Referans Kwoze

Sɔlɔmɔn In Siŋ Dɛm 3:4

I nɔ te sɛf we a pas dɛn, nain a fɛn di wan we mi sol lɛk. A ol am, a nɔ gri lɛf am te a briŋ am kam nan mi mama in os, ɛn insay di wan we bɔn mi in rum.

Sɔlɔmɔn In Siŋ Dɛm 7:12

Lɛ wi kɔmɔt ali go na di greps gadin dɛn fɔ luk if di greps dɛn flawa dɔn opin, ɛn if di pomigranet dɛnsɛf dɔn rɛdi. Na de a go gi yu mi lɔv.

Sɔlɔmɔn In Siŋ Dɛm 4:10

Di we we yu lɔv swit, mi sista, mi yawo! Yu lɔv i bɛtɛ pas wayn, ɛn di fayn sɛnt we yu pafyum dɛn de pul pas spays.

Lɛta Fɔ Galeshya 4:26

Bɔt di Jerusɛlɛm we de na ɛvin fri, ɛn da Jerusɛlɛm de tan lɛkɛ wi mama.

Sɛkɛn Lɛta To Timoti 3:15

ɛn yu fɔ mɛmba se frɔm we yu smɔl, yu dɔn no dɛn tin we rayt na Gɔd in Buk we de mek yu no se yu fɔ biliv pan Jizɔs fɔ mek yu sev.

Jɔn 5:39

Una de luk gud insay di wɔd dɛn we rayt na Gɔd in Buk, bikɔs una min se una go gɛt layf we go de sote go insay dɛn buk de. Bɔt na mi dɛn de tɔk bɔt na Gɔd in Buk.

Sɔlɔmɔn In Siŋ Dɛm 7:9

Ɛn mek yu kis dɛn, tan lɛk dɛn dia ɛn soba wayn, we de go dɔŋ di trot smut wan, de slayd fayn pan lip ɛn tit.

Prɔvabs 9:2

I kil animal fɔ mek pati, dɔn i mek gud pɔnch wayn ɛn le tebul.

Rɛvɛleshɔn 19:10

Dɛn a fɔdɔm na di pɔsin, we de tɔk, in fut fɔ bigin prez am. Na de di pɔsin se, “Grap, nɔ du dat! Misɛf na Gɔd in savant lɛkɛ yu, ɛn misɛf na wan pan yu kɔmpin dɛn we bin biliv di tru wɔd we Jizɔs tɔk! Na Gɔd in fut yu fɔ fɔdɔm fɔ prez am!” Di tru wɔd we Jizɔs tɔk, nain dɛn prɔfɛt dɛnsɛf de tɔk.

Pita In Sɛkɛn Lɛta 1:19

Dat mek wi biliv mɔ ɛn mɔ ɔl wetin dɛn prɔfɛt bin dɔn tɔk. I go gud if una tek dɛn wɔd ya lɛkɛ se dɛn na layt we de shayn na dak ples, ɛn mek da layt de shayn insay una at we bin dak, sote di big de kam, ɛn sote di mɔnin sta kam shayn insay una at.

Sɔlɔmɔn In Siŋ Dɛm 8:1

A wish yu bin bi lɛk brɔda to mi, we sɔk bɔbi to mi mama! Datɛnde if a mit yu na trit, a fɔ kis yu, ɛn nɔbɔdi nɔ go luk mi lɛs fɔ seka dat.