Sɔlɔmɔn In Siŋ Dɛm 4:9 - Krio Fɔs Oli Baybul

⁹ Yu dɔn kapchɔ mi at, mi sista, mi yawo, yu luk mi wantɛm nain a lɔs, yu kapchɔ mi wit wan juɛl pan yu chen.

Sɔlɔmɔn In Siŋ Dɛm 4:9 Referans Kwoze

Sɔlɔmɔn In Siŋ Dɛm 4:12

Gadin we lɔk nain na mi sista, mi yawo, gadin we lɔk, ples we wata de kɔmɔt ɔnda grɔn we na wan pɔsin gɛt am.

2 Kɔrint 11:2

A de jɛlɔs fɔ una lɛkɛ aw Gɔd insɛf de jɛlɔs fɔ wi; una na lɛkɛ uman we nɔ no man we a dɔn prɔmis to wangren man, dat na Krays.

Sɔlɔmɔn In Siŋ Dɛm 7:10

Mi na mi bilɔvɛd yon ɛn na mi i want.

Rɛvɛleshɔn 21:2

Dɛn a si Gɔd in tɔŋ, we dɛn kɔl, nyu Jerusɛlɛm, i bin de kɔmɔt to Gɔd na ɛvin kam dɔŋ, dɛn bin dɔn mek am fayn fayn rɛdi, lɛkɛ uman we jɛs mared we dɔn drɛs de wet fɔ go to in man.

Jɔn 3:29

Na di ɔkɔ gɛt di yawo, bɔt di ɔkɔ in padi we tinap klos dɛn go gladi wɛn i yɛri di ɔkɔ de tɔk. Na dat mek a gladi bad.

Zɛfinaya 3:17

PAPA GƆD de wit una; na sojaman so i mɔs mek una win. Dat go mek in at swit, dɔn, bikɔs i lɛk una, i go mek layf tan lɛk wetin i bin bi fɔs. Na una go mek i siŋ bikɔs in at gladi,

Izikɛl 16:8

“Wɛn a bin pas nia una ɔda tɛm, ɛn luk una, a si se una dɔn du fɔ mek lɔv, so a kɔba una wit mi skat ɛn kɔba una nekɛdnɛs; yɛs, a bin prɔmis fɔ mared una ɛn a mek Kɔvinant wit una, ɛn una kam blant mi, na so Papa Gɔd we na Gɔd se.

Ayzaya 62:5

Bikɔs, lɛk aw yɔŋnam go mared vajingyal, na so yu bɔypikin dɛn go mared yu, ɛn lɛk aw ɔkɔ kin gladi fɔ yawo, na so yu Gɔd go gladi fɔ yu.

Ayzaya 54:5

Bikɔs yu meka na yu man, we na PAPA GƆD Ɔlmayti nain nem; ɛn na di Oli Wan na Izrɛl na yu Ridima, we dɛn kɔl, di Gɔd fɔ di wanol wɔl.

Sɔlɔmɔn In Siŋ Dɛm 6:12

Bifo a kin kechɔp misɛf, di want we a want yu, mek a si misɛf lɛk a de insay chariɔt nia mi prins.

Sɔlɔmɔn In Siŋ Dɛm 6:5

Pul yu yay kɔmɔt pan mi i de tɔch mi. Yu ia na lɛk wɛn got dɛn gɛda, dɛn de waka go dɔŋ Mawnt Giliad

Sɔlɔmɔn In Siŋ Dɛm 4:10

Di we we yu lɔv swit, mi sista, mi yawo! Yu lɔv i bɛtɛ pas wayn, ɛn di fayn sɛnt we yu pafyum dɛn de pul pas spays.

Sɔlɔmɔn In Siŋ Dɛm 3:11

Una go, Zayɔn in gyal pikin dɛn, ɛn luk Kiŋ Sɔlɔmɔn, Wit di krawn we in mama krawn am di de we i mared, di de we in at gladi.

Sɔlɔmɔn In Siŋ Dɛm 1:15

Bo yu fayn o mi lɔv; bo yu fayn; yu yay dɛn tan lɛk dɔv yay.

Sɔlɔmɔn In Siŋ Dɛm 1:10

Yu jɔ dɛn fayn wit trinkɛt, yu nɛk wit dɛn pal bid.

Di Sam Dɛm 45:9

Uman dɛn we na kiŋ pikin dɛn rɛdi fɔ wok fɔ yu; Na yu raytan, na de yu yawo de i drɛs wit di bɛst gold we kɔmɔt na Ofir.

1 Kɔrint 9:5

A nɔ gɛt rayt fɔ mared ɛn tek mi wɛf go wit mi wɛn a de kɔmɔt na mi yon tɔŋ go ɔda say, lɛkɛ aw dɛn ɔda apɔsul, di Masta in brɔda dɛn, ɛn Pita dɛn ɔl de du?

Matyu 12:50

Ɛnibɔdi we du wetin mi Papa we de na ɛvin want am fɔ du, nain na mi tru sista ɛn brɔda ɛn mama!”

Jɛnɛsis 41:42

Di kiŋ pul in riŋ nain fiŋa we gɛt in mak pan am ɛn put am na Josɛf in fiŋa fɔ sho se i dɔn gɛt pawa. I wɛr fayn linin klos pan am, ɛn put gold chen rawnd in nɛk.

Jɛnɛsis 20:12

Usay tru de fɔ tɔk na mi sista, bikɔs wi na wan dadi pikin, bɔt nɔto di sem mami bɔn wi, ɛn a mared am.

Prɔvabs 1:9

Wetin dɛn de tɛl yu go tan lɛkɛ fayn fɛda at na yu ed, ɛn fayn silva chen na yu nɛk.

Izikɛl 16:11

Ɛn a drɛs una wit trinkɛt; a put breslɛt na una an, ɛn chen na una nɛk.

Daniɛl 5:7

Nain di kiŋ ala lawd lawd wan se mek dɛn briŋ di lukgrɔn man dɛm, di Babilonian dɛm, ɛn di man dɛm we no bɔt mun ɛn sta. Dɔn di kiŋ tɛl ɔl di sɛnsman dɛm na Babilɔn se, “Ɛnibɔdi we ebul fɔ rid wetin rayt na di wɔl, ɛn tɛl mi wetin i min, a go mek i wɛr pɔpul klos, ɛn wan gold chen rawnd in nɛk, ɛn i go bi di nɔmba tri rula na di kindɔm.”

Prɔvabs 6:25

Nɔ mek di uman in fayn kɔnfyus yu; nɔ mek in yay sɛf drɔ yu nain trap.