Sɔlɔmɔn In Siŋ Dɛm 4:2 - Krio Fɔs Oli Baybul

² Yu tit tan lɛkɛ dɛn uman ship we dɛn kin dɔn shev dɛn ia, di tɛm we dɛn kin dɔn was dɛn, dɛn ɔl bɔn twin ɛn nɔn pan dɛn pikin nɔ day.

Sɔlɔmɔn In Siŋ Dɛm 4:2 Referans Kwoze

Sɔlɔmɔn In Siŋ Dɛm 6:6

Yu tit lɛk we uman ship dɛn gɛda wansay, we dɛn kɔmɔt was, we dɛn ɔl bɔn twin, nɔn pan dɛn pikin nɔ day.

Fɔs Lɛta Fɔ Tɛsalonayka 2:13

Di ɔda rizin we mek wi de tɛl Gɔd tɛnki ɔltɛm nain dis: wɛn wi tɛl una Gɔd in mɛsej, una lisin ɛn una biliv se nɔto mɛsej we mɔtalman briŋ, bɔt na Gɔd in wɔd ɛn na Gɔd in wɔd fɔ tru. Gɔd de wok insay una at, una we biliv pan am.

Jɔn 15:7

If una de wit mi ɔltɛm ɛn mi wɔd dɛn de na una at ɔltɛm, una kin aks mi Papa fɔ ɛnitin we una want, ɛn i go gi una.

Jɛrimaya 15:16

A yɛri ɔl wetin yu se, ɛn a ɔndastand, ɛn wetin yu se mek a gladi ɛn dat mek mi at swit; bikɔs na yu gɛt mi, O PAPA GƆD Ɔlmayti.

Ɛksodɔs 23:26

Nɔn uman nɔ go de we in bɛlɛ go wes ɔ nɔ go gɛt pikin. A go gi una ɔl lɔŋ layf.

Sɔlɔmɔn In Siŋ Dɛm 4:1

Bo yu fayn mi lɔv! Luk we yu fayn yu yay dɛn na lɛkɛ dɔv biɛn yu vel. Yu ia tan lɛk we dɛn got gɛda de muf go dɔŋ Mawnt Giliad in sayd dɛn.

Sɔlɔmɔn In Siŋ Dɛm 4:3

Yu lip dɛn na lɛk rɛd trɛd, yu mɔt fayn. Yu chik dɛn tan lɛk af af pomigranet biɛn yu vel.