Sɔlɔmɔn In Siŋ Dɛm 4:12 - Krio Fɔs Oli Baybul

¹² Gadin we lɔk nain na mi sista, mi yawo, gadin we lɔk, ples we wata de kɔmɔt ɔnda grɔn we na wan pɔsin gɛt am.

Sɔlɔmɔn In Siŋ Dɛm 4:12 Referans Kwoze

Rɛvɛleshɔn 21:27

Bɔt natin we bad nɔ go go insay de, ɛnibɔdi we de du dɛn dɔti dɔti tin nɔ go go insay de, semwe so, dɛn pipul we de lay, ɛn pipul dɛn lɛkɛ dat, nɔ go go insay de. Dɛn pipul we go go insay de, na di wan dɛn nɔmɔ we dɛn nem bin dɔn rayt na di Ship in buk we dɛn de rayt dɛn pipul we gɛt layf sote go dɛn nem.

1 Kɔrint 6:13

Ɔda pɔsin go se, “It na fɔ bɛlɛ, bɛlɛ na fɔ it.” Na so i bi, bɔt Gɔd kin mek it dɔn ɛn i kin mek bɛlɛ pwɛl. Gɔd nɔ mek mɔtalman bɔdi fɔ mek i liv fri layf, i mek mɔtalman fɔ du wetin in want wit in bɔdi; Gɔd insɛf de du ɔl wetin gud fɔ di bɔdi.

Rɛvɛleshɔn 7:3

I se, “Una nɔ pwɛl di dray grɔn, di wata ɛn dɛn tik, te wi dɔn put Gɔd in stamp pan dɛn wan we de wok fɔ am, dɛn fɔrɛd.”

1 Kɔrint 7:34

in at de tu say. Uman we nɔ mared de put in at pan Gɔd in wok, bikɔs i want mek ɔl wetin i de du ɛn ɔl wetin i de tink bi fɔ Gɔd; bɔt plɛnti tin na dis wɔl we mare du man de du fɔ mek in man gladi, de mek i traŋa fɔ am fɔ du Gɔd in wok.

Lɛta Fɔ Ɛfisɔs 4:30

Una nɔ mek Gɔd in Spirit sɔri, na da Spirit de Gɔd tek mak una, fɔ di de we i go fri una.

Lɛta Fɔ Ɛfisɔs 1:13

Na di sem tin bi to unasɛf, wɛn una yɛri di Gud Nyuz we na di tru tin, nain sho una aw Gɔd go sev una. Wɛn una biliv Krays, Gɔd gi unain Spirit we i bin dɔn prɔmis wi, dat na di mak fɔ sho se wi na Gɔd yon pipul.

2 Kɔrint 1:22

Nain dɔn put in mak pan wi fɔ sho se wi nain yon pipul, ɛn i put in Spirit insay wi at fɔ mek wi no fɔ tru se ɔl wetin i gɛt fɔ wi, de ɔltɛm.

Ozie 6:3

Lɛ wi du ɔl wetin wi ebul du fɔ mek wi no PAPA GƆD; natin nɔ gɛt fɔ tap am fɔ du wetin i wan du. I go kam lɛk ren lɛk we ren de kam kam amatan tɛm.

Jɛrimaya 31:12

Dɛn go kam ɛn siŋ lawd lawd wan na di mawnten dɛn na Zayɔn, dɛn go gladi fɔseka di gud tin dɛn we PAPA GƆD de du fɔ dɛm, fɔseka di rɛs, di wayn ɛn di ɔyl, ɛn fɔseka di pikin ship ɛn kaw; dɛn layf go tan lɛkɛ gadin we dɛn dɔn wata, ɛn dɛn nɔ go lɛf to dɛnsɛf igen.

Ayzaya 58:11

Ɛn PAPA GƆD go gyad yu ɔltɛm, ɛn satisfay yu at wit gud tin dɛn, ɛn go mek yu bon dɛn tɔŋ; ɛn yu go tan lɛk gadin we dɛn de wata, lɛk wata we de bɔs kɔmɔt ɔnda grɔn, we in wata nɔ de dray.

Sɔlɔmɔn In Siŋ Dɛm 6:11

A go go dɔŋ na di fam we dɛn plant almɔnd tik, fɔ si if dɛn plant dɛn de bɔs na di vali, fɔ si if di greps dɛn dɔn bigin bia, ɛn if di pomigranet dɛn dɔn de kɔmɔt.

Sɔlɔmɔn In Siŋ Dɛm 6:2

Mi daliŋ dɔn go dɔŋ nain gadin, usay dɛn plant spays, i go fid in ship dɛn na gadin ɛn gɛda Lili flawa dɛn.

Jɛnɛsis 29:3

Ɛnitɛm we ɔl di ship dɛn kam fɔ drink, di man dɛn we de mɛn di ship dɛn kin pul di ston kɔmɔt, ɛn we dɛn dɔn drink dɔn, dɛn kin put di ston bak.

Sɔlɔmɔn In Siŋ Dɛm 4:9

Yu dɔn kapchɔ mi at, mi sista, mi yawo, yu luk mi wantɛm nain a lɔs, yu kapchɔ mi wit wan juɛl pan yu chen.