Sɔlɔmɔn In Siŋ Dɛm 4:10 - Krio Fɔs Oli Baybul

¹⁰ Di we we yu lɔv swit, mi sista, mi yawo! Yu lɔv i bɛtɛ pas wayn, ɛn di fayn sɛnt we yu pafyum dɛn de pul pas spays.

Sɔlɔmɔn In Siŋ Dɛm 4:10 Referans Kwoze

Lɛta Fɔ Galeshya 5:22

Bɔt Gɔd in Spirit go mek pipul lɛk dɛn kɔmpin, i go mek dɛn gladi, i go mek dɛn nɔ de mek plaba, i go mek dɛn ebul bia trɔbul, ɛn i go mek dɛn de ɛp dɛn kɔmpin mɔtalman, i go mek dɛn de du gud to ɔda pipul, i go mek dɛn tru to dɛn kɔmpin,

Sɔlɔmɔn In Siŋ Dɛm 7:6

Luk we yu fayn, luk we yu gud fɔ luk, Di wan we a lɛk, yɔŋgyal, yu tu swit

Lɛta Fɔ Filipay 4:18

Una bin dɔn gi mi pas wetin a fɔ gɛt; a gɛt ɔl wetin a want naw we una dɔn sɛn Ɛpafrodaytɔs fɔ kam gi mi di tin dɛn we a bin want bad wan, ɛn wetin una gi mi mek a satisfay, i jɛs tan lɛkɛ sakrifays we una gi Gɔd we Gɔd gri fɔ ɛn we i gladi fɔ.

Sɔlɔmɔn In Siŋ Dɛm 5:5

A grap fɔ opin fɔ mi man we a lɛk, ɛn mi an dɛn bin de drip wit pafyum, mi fiŋa dɛn gɛt wata pafyum, we a put an pan di bolt in andul.

Sɔlɔmɔn In Siŋ Dɛm 3:6

Wetin dat de kɔmɔt na di dɛzat lɛk smok, lɛkɛ pila, pafyum ɛn frankinsɛns smɛl pan am, wit ɔl dɛn fayn sɛnt pawda we dɛn treda de sɛl.

Sɔlɔmɔn In Siŋ Dɛm 1:12

Wɛn di kiŋ de nain kawch mi pafyum skata fayn sɛnt.

Rɛvɛleshɔn 5:8

As i tek am so, di fo tin dɛn we gɛt layf ɛn di twɛnti-fo bigman dɛn fɔdɔm bifo di Ship. Dɛn ɔl bin gɛt wan wan tin fɔ ple myuzik we dɛn kɔl ap, ɛn gold besin dɛn we insɛns ful insay; dɛn insɛns ya na dɛn pre we Gɔd in pipul dɛn de pre.

Sɔlɔmɔn In Siŋ Dɛm 4:9

Yu dɔn kapchɔ mi at, mi sista, mi yawo, yu luk mi wantɛm nain a lɔs, yu kapchɔ mi wit wan juɛl pan yu chen.