Sɔlɔmɔn In Siŋ Dɛm 4:1 - Krio Fɔs Oli Baybul

¹ Bo yu fayn mi lɔv! Luk we yu fayn yu yay dɛn na lɛkɛ dɔv biɛn yu vel. Yu ia tan lɛk we dɛn got gɛda de muf go dɔŋ Mawnt Giliad in sayd dɛn.

Sɔlɔmɔn In Siŋ Dɛm 4:1 Referans Kwoze

Sɔlɔmɔn In Siŋ Dɛm 1:15

Bo yu fayn o mi lɔv; bo yu fayn; yu yay dɛn tan lɛk dɔv yay.

Sɔlɔmɔn In Siŋ Dɛm 6:5

Pul yu yay kɔmɔt pan mi i de tɔch mi. Yu ia na lɛk wɛn got dɛn gɛda, dɛn de waka go dɔŋ Mawnt Giliad

Sɔlɔmɔn In Siŋ Dɛm 6:7

Yu chik dɛn tan lɛk af af pomigranet, biɛn yu vel.

Mayka 7:14

Mayka beg PAPA GƆD fɔ lɛ i trit dɛn lɛk aw man we de mɛn ship kin trit di ship we i de mɛn. I se lɛ i tek dɛn go na Beshan ɛn Giliad we gɛt frɛsh gras we dɛn go it lɛk aw i bin de du fɔstɛm.

Sɔlɔmɔn In Siŋ Dɛm 7:5

Yu ed ay lɛk Mawnt Kamɛl ɛn yu lɔŋ ia tan lɛk pɔpul klos; yu dɔn kapchɔ kiŋ insay yu ia.

Sɔlɔmɔn In Siŋ Dɛm 2:14

E mi dɔv, usay di rɔk dɛn plit, insay di kev pat na dɛn shap mawnten, alaw mi lɛ a si yu fes, mek a yɛri yu vɔys, bikɔs yu vɔys swit, ɛn yu fes fayn.

2 Kɔrint 3:18

So wɛn Gɔd dɔn pul di tin we nɔ de mek dɛn ebul ɔndastand, wi ɔl go tan lɛkɛ glas; ɛnibɔdi we luk wi go si aw di Masta wɔndaful, ɛn Gɔd in Spirit go de mek wisɛf wɔndaful mɔ ɛn mɔ, lɛkɛ aw di Masta, we pipul de si pan wi, wɔndaful.

Matyu 11:29

Una opin una at fɔ di tru tin dɛn we a de lan una, ɛn una lan ɔl wetin a de tɛl una, bikɔs a de bia wit una ɛn a nɔ de tɔk pan una; if una du dat, una go blo.

Izikɛl 16:14

Ɛn una bin femɔs ɛn gɛt rɛspɛkt ɔlsay na wɔl fɔseka di fayn we una bin fayn, ɛn una nɔ bin gɛt ɛni bɔt, fɔseka di fayn fayn we a bin mek una fayn we ɔlman de kɔle pan, na so Papa Gɔd we na Gɔd se.

Sɔlɔmɔn In Siŋ Dɛm 2:10

Mi bilɔvɛd de tɔk ɛn i tɛl mi se “Grap mi lɔv, mi fayn uman ɛn kam lɛ wi go.

Di Sam Dɛm 45:11

Na di Kiŋ gɛt yu fayn fayn bɔdi naw; yu fɔ du wetin i se ɔltɛm.

Di Nɔmba Dɛm 32:40

So Mozis gi Giliad to di Makarayt dɛn we na Manasɛ in jɛnareshɔn, ɛn dɛn sɛtul de.

Di Nɔmba Dɛm 32:1

Di Rubɛnayt ɛn di Gadayt dɛn we bin gɛt bɔku animal dɛn fɔ mɛn, si se Jezɛ ɛn Giliad na fayn ples dɛn fɔ dɛn animal dɛn fɔ de.

Jɛrimaya 22:6

Bikɔs na dis PAPA GƆD se bɔt di kiŋ na Juda in os. “Yu tan lɛk Giliad to mi, lɛk di il na Libanɔn in pantap, fɔ tru tru, a go mek yu tɔn ɛmti ples we pɔsin nɔ go ebul tap, dat na siti we nɔbɔdi no tap.