Sɔlɔmɔn In Siŋ Dɛm 3:4 - Krio Fɔs Oli Baybul

⁴ I nɔ te sɛf we a pas dɛn, nain a fɛn di wan we mi sol lɛk. A ol am, a nɔ gri lɛf am te a briŋ am kam nan mi mama in os, ɛn insay di wan we bɔn mi in rum.

Sɔlɔmɔn In Siŋ Dɛm 3:4 Referans Kwoze

Sɔlɔmɔn In Siŋ Dɛm 8:2

A go ol yu ɛn kɛr yu go na mi mama in os, insay di wan we tekin fɔ mi in rum. A go gi yu wayn we gɛt spays, fɔ drink, ɛn a go kwis mi pomigranet fɔ yu.

Prɔvabs 8:17

A lɛk dɛn wan we lɛk mi, udat de luk fɔ mi go si mi.

Prɔvabs 4:13

Ɔl di tɛm yu fɔ de mɛmba wetin yu dɔn lan. Ol am wit tu an. Nain na yu layf.

Matyu 7:7

“Una aks Gɔd fɔ ɛnitin, i go gi una; una luk gud, una go fɛn wetin una de luk fɔ; una kɔnk, Gɔd go opin di do fɔ una.

Lamɛnteshɔn 3:25

PAPA GƆD gud to di wan dɛn we biliv am, dat na di pɔsin we de pre to am.

Jɛrimaya 29:13

Una go luk fɔ mi ɛn una go fɛn mi; we una luk fɔ mi wit ɔl una at,

Ayzaya 45:19

A nɔ tɔk sikrit, na land ɔf daknɛs; A nɔ tɛl Jekɔb in pikin dɛm se, luk fɔ mi wit kɔnfyushɔn.’ Mi PAPA GƆD de tɔk tru, A de anawns wetin rayt.

Sɔlɔmɔn In Siŋ Dɛm 6:12

Bifo a kin kechɔp misɛf, di want we a want yu, mek a si misɛf lɛk a de insay chariɔt nia mi prins.

Lɛta Fɔ Galeshya 4:26

Bɔt di Jerusɛlɛm we de na ɛvin fri, ɛn da Jerusɛlɛm de tan lɛkɛ wi mama.

Matyu 28:9

Aw dɛn de go, nain dɛn jɛs si Jizɔs. Jizɔs tɔk to dɛn. I se, “Mek una gɛt kol at.” Dɛn go ol Jizɔs in fut ɛn wɔship am.

Sɔlɔmɔn In Siŋ Dɛm 7:5

Yu ed ay lɛk Mawnt Kamɛl ɛn yu lɔŋ ia tan lɛk pɔpul klos; yu dɔn kapchɔ kiŋ insay yu ia.

Jɛnɛsis 32:26

Di man tɛl Jekɔb lɛ i lɛf am fɔ go bikɔs do dɔn klin. Jekɔb ansa am se in nɔ go lɛf am, pas i blɛs am.

Lɛta Fɔ Rom 8:35

Udat ɔ wetin go mek di lɛk we Krays lɛk wi tap fɔ rich wi? Natin: trɔbul, traŋa layf, di sɔfa we pipul de mek wi sɔfa, aŋri, po, denja, ɔ day sɛf nɔ go ebul mek di lɛk we Krays lɛk wi tap fɔ rich wi.

Lɛta Fɔ Rom 8:39

di wɔl we de pantap ɔ di wɔl we de ɔnda natin nɔ de we Gɔd mek we go ebul mek di lɛk we Gɔd lɛk wi we Jizɔs Krays wi Masta dɔn sho wi, tap fɔ rich wi.

Sɔlɔmɔn In Siŋ Dɛm 1:7

Tɛl mi, yu we mi sol lɛk, usay yu de fid yu ship dɛn, usay yu de mek dɛn lidɔm santɛm; a nɔ si wetin mek a fɔ tan lɛk udat de waka waka nia yu kɔmpin dɛn ship dɛn.