Sɔlɔmɔn In Siŋ Dɛm 3:2 - Krio Fɔs Oli Baybul

² “A go grap naw ɛn go na di siti, insay di trit dɛn ɛn dɛn opin ples; A go luk fɔ di wan we mi sol lɛk.” A luk fɔ am, bɔt a nɔ fɛn am.

Sɔlɔmɔn In Siŋ Dɛm 3:2 Referans Kwoze

Lɛta Fɔ Ɛfisɔs 5:14

Na dat mek dɛn rayt se, “Yu we de slip, yu wek, ɛn rayz frɔm di grev, ɛn Krays go gi yu layt.”

1 Kɔrint 15:34

Una kechɔp unasɛf ɛn lɛf fɔ sin. Una fɔ shem we a tɔk se, sɔm pan una nɔ no Gɔd.

Lɛta Fɔ Rom 13:11

Una fɔ du wetin a tɛl una fɔ du naw bikɔs una no se di tɛm we una fɔ wek, dɔn kam, bikɔs di de we Gɔd go sev wi dɔn kam klos naw pas di tɛm we wi bin fɔs biliv pan Jizɔs Krays.

Jɔn 1:6

Gɔd sɛn wan man we dɛn kɔl Jɔn kam na wɔl fɔ

Jɛrimaya 5:1

Rɔn ɔp ɛn dɔŋ di trit dɛm na Jerusɛlɛm, luk ɛn tek notis! Sach in opin ples dɛn si if yu go fɛn wan pɔsin, pɔsin we trit ɔlman ikwal ɛn de tɔk tru; so dat a go sɔri fɔ Jerusɛlɛm.

Ayzaya 64:7

Nɔbɔdi nɔ de we de pre to yu, we de stren insɛf fɔ go grip yu; bikɔs yu dɔn ayd yu fes pan wi, ɛn yu dɔn put wi na wi sin dɛn an.

Sɔlɔmɔn In Siŋ Dɛm 5:5

A grap fɔ opin fɔ mi man we a lɛk, ɛn mi an dɛn bin de drip wit pafyum, mi fiŋa dɛn gɛt wata pafyum, we a put an pan di bolt in andul.

Prɔvabs 8:34

I go fayn fɔ udat de lisin to wetin a de se, we de wet na mi domɔt ɔltɛm ɛn de tinap na di rod we a de pas fɔ go na os.

Sɔlɔmɔn In Siŋ Dɛm 3:3

Dɛn wachman dɛn si mi we dɛn de patrol na di siti. “Duya, una si di wan we mi sol lɛk?”

Sɔlɔmɔn In Siŋ Dɛm 1:7

Tɛl mi, yu we mi sol lɛk, usay yu de fid yu ship dɛn, usay yu de mek dɛn lidɔm santɛm; a nɔ si wetin mek a fɔ tan lɛk udat de waka waka nia yu kɔmpin dɛn ship dɛn.