Sɔlɔmɔn In Siŋ Dɛm 2:9 - Krio Fɔs Oli Baybul

⁹ Mi bilɔvɛd tan lɛk fritambo, ɔ lɛk dɛn yɔŋ man dia. Luk am, i tinap de biɛn wi wɔl, i de wach insay di winda, i de pip tru di trɛlis.

Sɔlɔmɔn In Siŋ Dɛm 2:9 Referans Kwoze

Sɔlɔmɔn In Siŋ Dɛm 8:14

Mekes mi daliŋ mek lɛk fritambo ɔ lɛkɛ dɛn yɔŋ man dia na di mawnten we spays de gro.

Sɔlɔmɔn In Siŋ Dɛm 2:17

So te di mɔnin briz bigin blo ɛn do bigin klin, kam bak, mi man we a lɛk, mek lɛk fritambo, ɔ lɛkɛ dɛn yɔŋ man dia, we de na dɛn rɔf mawnten.

Rɛvɛleshɔn 19:10

Dɛn a fɔdɔm na di pɔsin, we de tɔk, in fut fɔ bigin prez am. Na de di pɔsin se, “Grap, nɔ du dat! Misɛf na Gɔd in savant lɛkɛ yu, ɛn misɛf na wan pan yu kɔmpin dɛn we bin biliv di tru wɔd we Jizɔs tɔk! Na Gɔd in fut yu fɔ fɔdɔm fɔ prez am!” Di tru wɔd we Jizɔs tɔk, nain dɛn prɔfɛt dɛnsɛf de tɔk.

Di Ibru Pipul Dɛn 10:1

Di Ju Lɔ de sho wi aw dɛn gud tin we gɛt fɔ kam, go tan, bɔt i nɔ ebul sho wi klia wan aw dɛn go tan, fɔ tru. Dɛn man we de mek sakrifays fɔ pipul sin de mek di sem kayn sakrifays ɛvri ia. Dɛn kayn sakrifays de nɔ gɛt pawa fɔ pul sin kɔmɔt na dɛn pipul we want kam klos Gɔd, dɛn layf.

Lɛta Fɔ Kɔlɔse 2:17

Ɔl dɛn lɔ ya na shado we de sho wetin de kam, bɔt di bɔdi insɛf na Krays.

1 Kɔrint 13:12

Wetin wi de si naw tan lɛkɛ wetin pɔsin kin si na glas we nɔ klia; bɔt da tɛm de, wi go si gud gud wan wit wi yon yay. A nɔ sabi plɛnti tin naw, bɔt da tɛm de a go sabi ɔltin gud gud lɛkɛ aw Gɔd sabi mi gud gud.

Jɔn 12:41

Ayzaya bin tɔk dɛn wɔd ya bɔt Jizɔs bikɔs i bin dɔn si aw Gɔd go mek Jizɔs wɔndaful.

Jɔn 5:46

If una bin biliv Mozis fɔ tru, una bin fɔ biliv mi, bikɔs Mozis rayt bɔt mi.

Jɔn 5:39

Una de luk gud insay di wɔd dɛn we rayt na Gɔd in Buk, bikɔs una min se una go gɛt layf we go de sote go insay dɛn buk de. Bɔt na mi dɛn de tɔk bɔt na Gɔd in Buk.

Lyuk 24:35

Na de di tu man dɛn tɔk wetin bi to dɛn na rod wɛn dɛn bin de go Ɛmeɔs ɛn aw dɛnsɛf no se na Jizɔs wɛn i sheb di bred gi dɛn.

2 Samiɛl 2:18

Zɛruaya in tri bɔypikin na Joab, Abishay ɛn Asaɛl. Asaɛl in yon fut bin fast na grɔn lɛk wetin.

Di Jɔj Dɛm 5:28

Sisɛra in mama bin de luk fɔ an na winda; I luk te ɛn se; Wetin du in karej nɔ kam te tide? Wetin du di ɔs dɛn slo so tide?

Prɔvabs 5:19

I fayn lɛk tin fɔ it, ɛn in bɔbi de mek yu gladi ɔltɛm; wans yu tes in lɔv yu nɔ go wan lɛf am.

Prɔvabs 6:5

Sev yusɛf lɛkɛ aw dia kin sev insɛf na ɔntinman in an, ɔ bɔd we dɛn wan kech am.

Prɔvabs 7:6

Wande a bin de luk winda,

Sɔlɔmɔn In Siŋ Dɛm 1:16

Luk we yu fayn, mi man we a lɛk fɔ tru, yu fayn fɔ luk. Wi kawch na grin kawch.

Sɔlɔmɔn In Siŋ Dɛm 2:7

Duya O Jerusɛlɛm in gyal pikin dɛn, a de tek di Fritambo dɛn ɔ uman dia we de na bush beg una, una nɔ provok ɔ wek lɔv te in tɛm rich.

Sɔlɔmɔn In Siŋ Dɛm 3:5

Duya o, Jerusɛlɛm in gyal pikin dɛn, a tek di fritambo ɔ uman dia we de na bush beg una, una nɔ provok ɔ wek lɔv, te in tɛm rich.