Sɔlɔmɔn In Siŋ Dɛm 2:3 - Krio Fɔs Oli Baybul

³ Lɛkɛ apul tik na bush, na so mi man we a lɛk fɔ tru, kin tan we i de wit dɛn ɔda yɔŋman dɛn. I de swit mi we a sidɔm nain shado, ɛn in frut swit so na mi mɔt.

Sɔlɔmɔn In Siŋ Dɛm 2:3 Referans Kwoze

Sɔlɔmɔn In Siŋ Dɛm 8:5

Udat dawande we de kɔmɔt na di dɛzat de liŋ pan in daliŋ? A wek yu ɔnda di apul tik. Da say we in mama in bɛlɛ at am fɔ bɔn yu, na de di wan we bɔn yu in bɛlɛ bin at am.

Ayzaya 32:2

Ich ɛn ɛvri wan go bi lɛk ples fɔ ayd wɛn briz de blo, ples fɔ ayd we ebi briz de blo, lɛk watasay dɛn we de rɔn na dray ples, lɛk di shed we rɔk de mek usay di land dɔn taya.

Ayzaya 25:4

Bɔkɔs na yu po man abop pan, di pɔsin we di wan we nɔ gɛt, abop pan we i gɛt prɔblɛm, di wan we de ayd pipul wɛn tinada de blo, ɛn di wan we de kɔba pipul we san wam; bikɔs wɛn dɛn wan we de du bad ɛn nɔ luk biɛn kin shek, i kin tan lɛk we tinada de blo pan wɔl,

Di Ibru Pipul Dɛn 12:2

Una lɛ wi luk ɔp to Jizɔs ɔltɛm bikɔs nain de mek wi biliv Gɔd, ɛn ɛp wi fɔ biliv am sote go. I bin dɔn gri lɔntɛm fɔ day na di krɔs, i nɔ tek di shem mek natin, fɔseka di jɔy we Gɔd kip fɔ am. So, i sidɔm naw na Gɔd in raytan, klos di chia we Gɔd sidɔm de rul.

Izikɛl 47:12

Ɛn ɔl kayn tik dɛn we de provayd it fɔ it, go gro pan di bank dɛm, pan di tu say pan di riva. Dɛn lif nɔ go wida, ɛn dɛn nɔ go tap fɔ bia frut bɔt dɛn go bia frɛsh frut ɛvri mɔnt, bikɔs di wata we de wata dɛm de flo frɔm di ples we dɛn de pre to PAPA GƆD. Dɛn frut dɛn na fɔ it ɛn dɛn lif dɛn na fɔ mɛn udat sik.

Ayzaya 4:6

Santɛm, i go bi shed lɛ san nɔ go bɔn dɛn, ɛn ples fɔ ayd we big briz de blo ɔ ren de kam.

Ayzaya 4:2

Da de de, PAPA GƆD in branch go fayn ɛn ɔlman go wan si am, ɛn na di frut we di grɔn go bia, di wan dɛn we lɛf na Izrɛl, go tek blɔf ɛn mek nem.

Sɔlɔmɔn In Siŋ Dɛm 5:16

In tɔk swit bad, ɛn insɛf yu mɔs want am. Na mi bilɔvɛd dat ɛn na mi padi dat, Jerusɛlɛm in gyal pikin dɛn.

Sɔlɔmɔn In Siŋ Dɛm 4:16

Wek o, yu briz we de blo kɔmɔt na di nɔth, ɛn kam, yu briz we de blo frɔm sawt blo pan mi gadin, lɛ in sɛnt bigin waka ɔlsay. Lɛ mi man we a lɛk kam nain gadin, ɛn it di frut we swit pas ɔl na di gadin.

Sɔlɔmɔn In Siŋ Dɛm 2:5

Gi mi trɛnk wit dray grep dɛn, mek a frɛsh bak wit apul; bikɔs lɔv sik de pan mi.

Di Sam Dɛm 91:1

Ɛnibɔdi we go to PAPA GƆD fɔ mek i kɔba am, udat PAPA GƆD Ɔlmayti de fɔ,

Di Sam Dɛm 89:6

Udat de ɔp na ɛvin we kin tinap nia PAPA GƆD? Nɔbɔdi nɔ de we tan lɛkɛ yu ɔp de.

Di Sam Dɛm 57:1

Nɔ fɔgɛt mi O, PAPA, av masi, bikɔs na to yu nɔmɔ a de luk fɔ kɔba mi. Na yu nɔmɔ ebul kɔba mi lɛkɛ aw fɔl de kɔba in pikin, so a go ayd to yu te di trɔbul dɛn dɔn.

Di Sam Dɛm 45:2

Yu na man we fayn pas ɔl di ɔda man dɛn ɛn yu sabi tɔk to pɔsin, PAPA GƆD riali dɔn blɛs yu fɔ layf.

Di Jɔj Dɛm 9:15

Nain chuk chuk bush se if dɛn min am fɔ tru, lɛ dɛn go ayd ɔnda in shed, if nɔ so, lɛ in chuk chuk branch dɛn pul faya ɛn bɔn di Sida dɛn na Libanɔn.

Sɔlɔmɔn In Siŋ Dɛm 1:16

Luk we yu fayn, mi man we a lɛk fɔ tru, yu fayn fɔ luk. Wi kawch na grin kawch.

Sɔlɔmɔn In Siŋ Dɛm 4:13

Yu plant dɛn na fam we pomigranet tik de plɛnti wit ɔl dɛn fayn fayn frut, rɛd flawa ɛn pafyum,

Sɔlɔmɔn In Siŋ Dɛm 7:13

Da bɔn-pikin flawa de pul fayn sɛnt, ɛn ɔlsay pan wi domɔt na dɛn fayn fayn frut, nyu wan ɛn ol wan we a bin dɔn kip fɔ yu mi daliŋ.

Sɔlɔmɔn In Siŋ Dɛm 8:11

Sɔlɔmɔn bin gɛt greps gadin na Beal Amɔn; i rɛnt in greps gadin to gadina dɛn; dɛn ɔl fɔ pe am wan tawzin silva kɔpɔ fɔ di frut dɛn.

Sɔlɔmɔn In Siŋ Dɛm 8:12

Mi greps gadin, mi yon yon na fɔ mi; yu Sɔlɔmɔn, yu gɛt lɛk dɛn wan tawzin, ɛn di wan dɛn we de kip di frut dɛn lɛkɛ dɛn tu ɔndrɛd.

Joɛl 1:12

Di greps tik dɔn wida, di fig tik nɔ bɛtɛ igen Di pomigranet tik, pam tik ɛn apul tik ɛn di ɔda tik dɛn na di fil, ɔl dɔn wida; ɛn di pipul dɛn ɔl nɔ gladi igen Mɔtalman pikin dɛn ɔl nɔ ebul gladi igen

Di Sam Dɛm 45:3

Yu na kiŋ, nɔ fɔgɛt fɔ ol yu wɛpɔn; bikɔs nain de sho se yu na tɔf man.