Sɔlɔmɔn In Siŋ Dɛm 1:8 - Krio Fɔs Oli Baybul

⁸ If yu nɔ sabi Uman we fayn pas ɔl uman, fala di ship dɛn mak ɛn fid yu yɔŋ got dɛn nia di shɛpad dɛn tɛnt dɛn.

Sɔlɔmɔn In Siŋ Dɛm 1:8 Referans Kwoze

Sɔlɔmɔn In Siŋ Dɛm 6:1

Wɛl usay yu man we yu lɛk dɔn go naw, uman we fayn pas ɔl? Usay yu dɔn put ed, so dat wi kin ɛp yu luk fɔ am?

Sɔlɔmɔn In Siŋ Dɛm 5:9

Wetin na yu lɔva pas ɛni ɔda lɔva, uman we fayn pas ɔl uman dɛn? Wetin na yu lɔva pas ɛni ɔda lɔva, we mek yu de put wɔd pan wi so?

Pita In Fɔs Lɛta 3:6

Sera na bin wan pan dɛn uman we bin de waka klos Gɔd; i kin du ɔl wetin Ebraam tɛl am fɔ du ɛn wɛn i de tɔk to am, i kin kɔl am in masta. Unasɛf go bi lɛkɛ Sera if una de ɛp ɔda pipul ɛn una nɔ gri mek ɛnitin mek una fred.

Jems 5:10

Mi kɔmpin Kristiɛn dɛn, una mɛmba dɛn prɔfɛt we bin de tɔk Gɔd in mɛsej, dɛn bin sɔfa plɛnti, bɔt dɛn bia; na so unasɛf fɔ bia.

Jems 2:21

Una mɛmba Ebraam we na wan pan wi grampapa papa dɛn; wetin mek ɔltin bin rayt bitwin in ɛn Gɔd? Na bikɔs i bin tek in pikin Ayzak fɔ go sakrifays am.

Di Ibru Pipul Dɛn 13:7

Una fɔ mɛmba dɛn fɔstɛm pipul we na bin una lida we tɛl una Gɔd in mɛsej. Una fɔ tink bɔt wetin bi na dɛn layf, ɛn unasɛf fɔ biliv Gɔd lɛkɛ aw dɛn bin biliv am.

Di Ibru Pipul Dɛn 6:12

Wi nɔ want fɔ mek una lezi, bɔt wi want una fɔ bi lɛkɛ dɛn pipul we biliv pan Gɔd, we de bia, bikɔs dɛn na di wan dɛn, we go gɛt ɔl wetin Gɔd bin dɔn prɔmis fɔ gi in pipul dɛn.

Lɛta Fɔ Ɛfisɔs 5:27

Krays du ɔl dat, so dat wɛn i go mek di chɔch tinap bifo am, di chɔch go klin, i nɔ go gɛt bɔt pan am.

1 Kɔrint 11:1

So una fɔ de du lɛkɛ aw a de du, bikɔs a de du lɛkɛ aw Krays bin de du.

Jɔn 21:15

Wɛn dɛn dɔn it dɔn, Jizɔs se, “Saymɔn, yu we na Jɔn in pikin, yu lɛk mi pas aw ɔl dɛn ɔda lanin bɔy ya lɛk mi?” Pita ansa se, “Yɛs, Masta, yu no se a lɛk yu.” Jizɔs se, “Mɛn mi ship pikin dɛn.”

Jɛrimaya 6:16

Na dis PAPA GƆD se, “Una go tinap na forod ɛn wach, una aks fɔ dɛn ol rod, usay di gud rod de; ɛn una waka de, ɛn fɛn kolat fɔ una sol. Bɔt dɛn se, ‘we nɔ go waka de.’

Sɔlɔmɔn In Siŋ Dɛm 4:10

Di we we yu lɔv swit, mi sista, mi yawo! Yu lɔv i bɛtɛ pas wayn, ɛn di fayn sɛnt we yu pafyum dɛn de pul pas spays.

Sɔlɔmɔn In Siŋ Dɛm 4:7

Yu fayn bad bad wan mi lɔv; wan bɔt nɔ de pan yu.

Sɔlɔmɔn In Siŋ Dɛm 4:1

Bo yu fayn mi lɔv! Luk we yu fayn yu yay dɛn na lɛkɛ dɔv biɛn yu vel. Yu ia tan lɛk we dɛn got gɛda de muf go dɔŋ Mawnt Giliad in sayd dɛn.

Sɔlɔmɔn In Siŋ Dɛm 2:10

Mi bilɔvɛd de tɔk ɛn i tɛl mi se “Grap mi lɔv, mi fayn uman ɛn kam lɛ wi go.

Sɔlɔmɔn In Siŋ Dɛm 1:15

Bo yu fayn o mi lɔv; bo yu fayn; yu yay dɛn tan lɛk dɔv yay.

Prɔvabs 8:34

I go fayn fɔ udat de lisin to wetin a de se, we de wet na mi domɔt ɔltɛm ɛn de tinap na di rod we a de pas fɔ go na os.

Di Sam Dɛm 45:13

Di yawo de mach go insay di kiŋ in os na so i fayn; dɛn mek in gawn wit soso gold

Di Sam Dɛm 45:11

Na di Kiŋ gɛt yu fayn fayn bɔdi naw; yu fɔ du wetin i se ɔltɛm.

Di Sam Dɛm 16:3

As fɔ dɛn wan we de fala PAPA GƆD, we de na dis land, a de ɛnjɔy fɔ si wetin PAPA GƆD de du fɔ dɛn.

Jems 2:25

Reab, da trit uman, na pɔsin we bin ayd dɛn trenja ɛn mek dɛn pas ɔda rod fɔ go usay dɛn bin kɔmɔt; na dat mek ɔltin rayt bitwin in ɛn Gɔd.