Sɔlɔmɔn In Siŋ Dɛm 1:6 - Krio Fɔs Oli Baybul

⁶ Una nɔ wach mi bikɔs a blak o bikɔs san dɔn bɔn mi Mi mama in bɔypikin dɛn vɛks pan mi, dɛn mek mi edman fɔ di greps gadin dɛn, bɔt mi yon greps gadin a nɔ luk kam!

Sɔlɔmɔn In Siŋ Dɛm 1:6 Referans Kwoze

Di Sam Dɛm 69:8

A fiba trenja to mi fambul dɛn ɛn ivin to mi bɛlɛ bɔn brɔda dɛn, a stil fiba trenja.

Job 30:30

Mi bɔdi de blak ɛn de pil pil, ɛn mi bɔn dɛn wam.

Lɛta Fɔ Galeshya 4:29

Da tɛm de di pikin we Ega bin bɔn bin de mek di pikin we Gɔd in Spirit bin prɔmis Ebraam, sɔfa, ɛn na di sem tin de apin naw.

Apɔsul Dɛn Wok 14:22

Pɔl ɛn Banabas kɔrej di pipul dɛn we bin biliv pan Jizɔs ɛn dɛn tɛl dɛn mek dɛn biliv pan Jizɔs mɔ ɛn mɔ. Pɔl ɛn Banabas tɛl di pipul dɛn se, “Ɔlman we biliv pan Jizɔs gɛt fɔ sɔfa plɛnti na dis wɔl fɔ mek dɛn go de ɔnda Gɔd in rul.”

Mak 4:6

bɔt wɛn san ɔt, di yɔŋ plant dɛn wida ɛn day, bikɔs dɛn rut nɔ bin go dɔŋ na grɔn.

Matyu 10:25

Pɔsin we de lan fɔ no se wetin go bi to di wan we lan am, nain go bi to insɛf; ɛn slev fɔ no se wetin go bi to in masta, nain go bi to insɛf. If pipul dɔn kɔl di edman na os Biɛlzibɔb, dɛn go gi di ɔda pipul dɛn na di os nem we bad pas dat.

Matyu 10:22

Nɔbɔdi nɔ go lɛk una bikɔs una de du wetin a tɛl una fɔ du, bɔt ɛnibɔdi we bia sote ɔl di trɔbul dɔn, a go sev da pɔsin de.

Mayka 7:6

Dɛn bɔypikin dɛn kin mek dɛn papa dɛn ful dɔn di gyal pikin dɛn kin tinap lɛk se dɛn wan fɛt dɛn mami, dɔtɛnlɔ nɔ want fɔ si mɔdɛnlɔ. Ɔl dis de sho se na di wan we una ɔl de slip na di sem os, na yu ɛnimi.

Lamɛnteshɔn 4:8

Bɔt naw, dɛn fes dɛn blak pas da blak blak we de kɔmɔt pan palamp; we yu si ɛniwan na trit yu nɔ go no se na im; dɛn bɔdi ɔl dɔn dɔn, na soso bon bon lɛf, wan ɔyl nɔ de sho na dɛn bɔdi.

Jɛrimaya 12:6

Bikɔs, ivin yu brɔda dɛn ɛn yu di wan dɛn we de na yu papa in os sɛf dɔn mek yu dakadeke; dɛn de tigi tigi biɛn di wan dɛn we de agens yu; nɔ biliv dɛm, ɔl we dɛn de tɔk faynfayn wan to yu.”

Jɛrimaya 8:21

Bikɔs mi pipul dɛn gyal pikin dɛn wund de na mi at, Mi at pwɛl, ɛn pwɛlat dɔn kech mi.