Sɔlɔmɔn In Siŋ Dɛm 1:5 - Krio Fɔs Oli Baybul

⁵ A blak o, bɔt a fayn, Jerusɛlɛm in gyal pikin dɛn, A blak lɛk Kida tɛnt lɛk Sɔlɔmɔn in winda blaynd dɛn.

Sɔlɔmɔn In Siŋ Dɛm 1:5 Referans Kwoze

2 Kɔrint 5:21

Krays nɔ bin gɛt sin, bɔt fɔ sev wi, Gɔd put wi sin dɛn pan am, so dat we wi gɛt wanwɔd wit am, ɔltin go rayt bitwin wi ɛn Gɔd.

Lyuk 15:22

Bɔt di papa tɛl in bɔy dɛn se, ‘Una rɔn go briŋ da klos we fayn pas ɔl dɛn ɔda klos kam wɛr am pan dis mi pikin ya, una put riŋ nain fiŋa ɛn wɛr sus nain fut.

Sɔlɔmɔn In Siŋ Dɛm 5:16

In tɔk swit bad, ɛn insɛf yu mɔs want am. Na mi bilɔvɛd dat ɛn na mi padi dat, Jerusɛlɛm in gyal pikin dɛn.

Sɔlɔmɔn In Siŋ Dɛm 5:8

Duya O Jerusɛlɛm in gyal pikin dɛn, if una fɛn mi lɔva, du mek una tɛl am se, a gɛt lɔv sik.

Sɔlɔmɔn In Siŋ Dɛm 2:14

E mi dɔv, usay di rɔk dɛn plit, insay di kev pat na dɛn shap mawnten, alaw mi lɛ a si yu fes, mek a yɛri yu vɔys, bikɔs yu vɔys swit, ɛn yu fes fayn.

Sɔlɔmɔn In Siŋ Dɛm 2:7

Duya O Jerusɛlɛm in gyal pikin dɛn, a de tek di Fritambo dɛn ɔ uman dia we de na bush beg una, una nɔ provok ɔ wek lɔv te in tɛm rich.

Di Sam Dɛm 120:5

I go bad fɔ mi fɔ tap usay bad pipul de, usay dɛn de du ɔlkayn bad tin.

Lɛta Fɔ Rom 13:14

Mek Masta Jizɔs Krays bi lɛkɛ di klos we wi de wɛr, mek i rul ɔl wi layf, ɛn mek wi lɛf fɔ du dɛn bad tin we wi at gi wi fɔ du.

Lyuk 13:34

“Jerusɛlɛm, Jerusɛlɛm; una dɔn kil dɛn prɔfɛt ɛn una dɔn ston dɛn wan we Gɔd sɛn to una! Ɔmɔs tɛm a dɔn want gɛda una pikin dɛn lɛkɛ aw kombra fɔl de gɛda in pikin dɛn ɔnda in fɛda dɛn, bɔt una nɔ gri mek a du dat!

Matyu 22:11

“Di kiŋ go na di ples we dɛn mek di pati, i si wan man de we nɔ wɛr di klos we i fɔ wɛr na di mared pati.

Matyu 10:25

Pɔsin we de lan fɔ no se wetin go bi to di wan we lan am, nain go bi to insɛf; ɛn slev fɔ no se wetin go bi to in masta, nain go bi to insɛf. If pipul dɔn kɔl di edman na os Biɛlzibɔb, dɛn go gi di ɔda pipul dɛn na di os nem we bad pas dat.

Izikɛl 16:14

Ɛn una bin femɔs ɛn gɛt rɛspɛkt ɔlsay na wɔl fɔseka di fayn we una bin fayn, ɛn una nɔ bin gɛt ɛni bɔt, fɔseka di fayn fayn we a bin mek una fayn we ɔlman de kɔle pan, na so Papa Gɔd we na Gɔd se.

Ayzaya 61:10

A go gladi ebi ebi wan fɔ PAPA GƆD, mi sol go es mi Gɔd ɔp; bikɔs i dɔn wɛr salveshɔn klos pan mi, I dɔn kɔba mi wit raychɔsnɛs gawn, lɛk aw dɛn ɔkɔ kin put plɛnti plɛnti galans pan insɛf, ɛn lɛk we yawo kin drɛs insɛf wit in riŋ ɛn chen dɛm.

Ayzaya 60:7

Dɛn go gɛda ɔl Kɛda in got ɛn ship dɛn kan to yu, di manship dɛn na Nɛbayɔth, go sav yu; dɛn go kam ɔp na mi ɔlta ɛn a go gri fɔ dɛm, ɛn a go mek dis mi os we gɛt glori gɛt mɔ glori.

Sɔlɔmɔn In Siŋ Dɛm 6:4

Yu fayn lɛk Tiza mi lɔv, fayn lɛk Jerusɛlɛm, fiaful lɛk ami we de mach wit bana.

Sɔlɔmɔn In Siŋ Dɛm 4:3

Yu lip dɛn na lɛk rɛd trɛd, yu mɔt fayn. Yu chik dɛn tan lɛk af af pomigranet biɛn yu vel.

Jɔn In Fɔs Lɛta 3:1

Mi pikin dɛn we a lɛk, Gɔd so lɛk wi dat i kɔl wi in yon pikin dɛn ɛn wi nain pikin dɛn, fɔ tru. Plɛnti pipul dɛn na wɔl nɔ no se wi na Gɔd in pikin dɛn, bikɔs dɛn nɔ no Gɔd.

Lɛta Fɔ Ɛfisɔs 5:26

fɔ mek di chɔch klin wit wata ɛn in wɔd, dɛn i an am oba gi Gɔd.

Lɛta Fɔ Galeshya 4:26

Bɔt di Jerusɛlɛm we de na ɛvin fri, ɛn da Jerusɛlɛm de tan lɛkɛ wi mama.

Ayzaya 53:2

Bikɔs I gro bifo am lɛk yɔŋ plant, ɛn lɛk rut we bɔs kɔmɔt na dray grɔn; I nɔ gɛt shep ɔ fayn fes we go mek wi go luk am, ɛn nɔ gɛt da fayn fes we go mek pɔsin want am.

Sɔlɔmɔn In Siŋ Dɛm 8:4

Duya O Jerusɛlɛm in gyal pikin dɛn, una nɔ provok ɔ wek lɔv te in tɛm rich.

Sɔlɔmɔn In Siŋ Dɛm 3:10

Di pol dɛn le wit silva Di bak na gold, di sit na pɔpul; dɛn wok am fayn insay; na Jerusɛlɛm in gyal pikin dɛn du am.

Sɔlɔmɔn In Siŋ Dɛm 3:5

Duya o, Jerusɛlɛm in gyal pikin dɛn, a tek di fritambo ɔ uman dia we de na bush beg una, una nɔ provok ɔ wek lɔv, te in tɛm rich.

Di Sam Dɛm 149:4

Bikɔs PAPA GƆD kin lɛk we in pipul gladi; so i de sev dɛn mek dɛn gladi mɔ.

Di Sam Dɛm 90:17

Lɛ wi Masta we na PAPA GƆD we wi de wɔship blɛs wi; lɛ di wok wi de du kɔmɔt fayn; yɛs, lɛ i kɔmɔt fayn fɔ wi.

Di Sam Dɛm 45:9

Uman dɛn we na kiŋ pikin dɛn rɛdi fɔ wok fɔ yu; Na yu raytan, na de yu yawo de i drɛs wit di bɛst gold we kɔmɔt na Ofir.

Ayzaya 21:16

Na dis PAPA GƆD tɛl mi, “Insay wan ia, bay aw dɛn kin kɔnt fɔ wokman, ɔl di tin dɛn we dɛn de prez Kida fɔ, go dɔn;

Izikɛl 27:21

Arebya ɛn ɔl di kida kiŋ dɛm na bin yu kostamɛnt, we yu de gi lo prayz pas ɔl, pan ship pikin dɛn, manship dɛm, ɛn got dɛm; na dɛn wan ya dɛn bin trafik wit yu.